Ездралэн 3-тӥ книгаез 8
8
8-тӥ ЛЮКЕТ
1Со мыным ответ сётыса шуиз: «Та дуннеез Вылысь Инмар трос адямиослы кылдытӥз, нош вуонозэ – ӧжытэзлы гинэ. 2Ездра, мон тыныд укшасьсэ верало. Музъемлэсь юад ке, со тыныд вералоз, макем трос со сюй сётэ, малэсь лэсьто горд сюйлэсь нэлькем арбериосты, нош сюй макем ӧжыт сётэ, кытысь зарни потто, озьы ик таизлэн дуннелэн ужъёсыз но. 3Трос кылдытэмъёс, но ӧжытэз утиськозы». 4Ответ сётыса, мон шуи: «Лулы! Пуштросэн-валанэн кӧттэ тыр, визьлыкен сюдэ юзматы. 5Уго тон кыл сётӥд кылзӥсько шуыса, мылкыд карид азьпалзэ тодытыса вераны, нош тыныд дыр сётэмын улон понна гинэ. 6Э, Кузё-Инмаре! Оло Тон Аслад ляльчиедлы эрик уд сёты Тон азьын сюлмамы-визьмамы кидыс мед сётод, сое мед будэтод шуыса вӧсяськыны, озьы потэм емышен улыны мед быгатысал котькудӥз сӧриськем адями, кинлы сётэмын адями ним? 7Кызьы Тон шуид, Тон одӥг, ми но одӥг Тынад киыныд кылдытэмъёс. 8Кызьы нош али анайлэн пушказ мугор кылдэ, Тон мугор люкетъёс сётӥськод, кызьы Тынад кылдытэмед тыл пушкын, ву пушкын утиське-возиське, кызьы укмыс толэзь ӵоже ас пушказ чида Тынад ик кылдытэмед Тынэсьтыд кылдытэмдэ, кудӥз со пушкын кылдытэмын? 9Утисез но, утиськисез но, соиз но, таиз но утисько-возисько но анай пуш утемез-воземез, пушказ будэмез, ас дыраз сётэ. 10Мугор люкетъёсысь – ноныосысь – йӧл сётыны косӥд, – ноныослэсь емышсэс, 11Тынад кылдытэмед соин кӧня ке но дыр ӵоже кӧтсэ мед тыроз, нош бӧрысь Тон сое Аслад гажан-жалян улад сётӥськод. 12Тон сое Аслад шонерлыкеныд быдэ вуттӥд, Аслад законэдлы дышетӥд, Аслад визьмыныд сое визьмад, 13Аслэсьтыд кылдытэмдэ кадь, Тон сое виёд но нош ик улӟытод, Аслэсьтыд быдэстэм уждэ кадь. 14Сыӵе бадӟым сюлмаськонэн кылдытэмдэ Тон быдтӥд ке, Тон косӥд ке, капчиен тупатыны луоз, утьыны луоз сое, мае Тон кылдытӥд. 15Кузё-Инмаре, али мон шуо: котькуд адями сярысь Тон тросгес тодӥськод; но мон Тынад калыкед сярысь верало, кин пумысен мынам сюлмы висе, 16Тынад люкетэд пумысен, кудӥз понна мон синвуме кисьтӥсько, Израиль пумысен, кин понна мон куректыса-кайгырыса улӥсько, Иаков пумысен, кин понна мон чигиськыса улӥсько. 17Тон азьын ачим понна но, соос понна но вӧсяськыны кутско, уго милесьтым, музъем вылын улӥсьёслэсь, сьӧлыке усеммес адӟисько. 18Нош мон кылӥ, ӝоген Судья лыктоз шуыса. 19Соин ик кыл мынэсьтым куараме, сак кылзы мынэсьтым кылъёсме, Тон азьын мон верало». (Басьтӥськемезлэсь азьвылгес Ездралэн верам кылъёсыз.) 20Мон шуи: «Пумтэм вапумъёсы улӥсь Кузё-Инмаре, вылӥе, инме синъёсыныд учкись, 21Тынад престолэд дунъяны луонтэм, данлыкед тодыны луонтэм, Тынад азяд куалекъяса Кылчин ожгарчиос сыло, – тӧл пушкын но, тыл пушкын но ужась-тыршисьёс, Тынад кылыд зэмлыко, верам кылъёсыд вошъяськисьтэмесь, 22косонэд кужмо, кивалтонэд кышкыт; Тон учкиськод но, пыдэстэм дуннеос куасьмо, вожпотонэд гурезьёсты ӵыжатэ, зэмлыкед пумтэм вапумъёс ӵоже улэ! 23Ас ляльчиедлэсь вӧсяськемзэ кыл, Ас кылдытэмедлэсь куриськемзэ санэ пон. 24Кулытозям верало, валанэ бырытозь ответ сётыло. Аслад калыкедлэн сьӧлыкъёсыз шоры эн учкы, зэмос ужась-тыршисьёсыд шоры учкы; 25язычникъёслэн юрӟымесь ужъёссы шоры эн учкы, учкы соос шоры, кинъёс шугадӟонъёс пӧлын улыса но, Тынэсьтыд сӥзён-косонъёстэ утизы; 26Тынад азяд ӧрекчаськыса улэмъёс сярысь эн малпаськы, Тынад азяд кышканэн улӥсьёсты буре вай; 27пудо-живот выллем улэмъёсты эн быдты, учкы Тынэсьтыд закондэ усто тодытӥсьёс-дышетӥсьёс шоры; 28пӧйшуръёслэсь но уродэсь шуыса лыдъямъёс вылэ йырдэ кур эн кары; 29яраты соосты, кинъёс Тынад шонерлыкед, данлыкед вылэ оскиськыса уло. 30Уго ми но, милям атайёсмы но таӵе висёнъёсын висиськомы; 31нош Тон милемлы, сьӧлыкоослы, луыса гажась-жалясь шуыса нимаськиськод. 32Милемыз гажаны-жаляны мылкыд кариськод ке, Тон гажась-жалясь шуыса нимаськиськод, уго милям ӧвӧл шонерлыко ужъёсмы. 33Нош шонер улӥсьёс асьсэлэн трос ӟеч ужъёс лэсьтэменызы пунэмзэс басьтозы. 34Мар со адями, кудӥз вылэ Тон йырдэ кур мед карысалыд, мар со азэм-сӧриськем выжы, со вылэ Тон сокем ӝожъяськыса мед улысалыд? 35Зэм ик, дунне вылэ вордскемъёс пӧлын йӧнтэм уж лэсьтымтэ мурт ӧвӧл, Тонэ тодытӥсьёс пӧлын но чик сьӧлыкамтэез одӥг адями но ӧвӧл. 36Ӟеч ужъёссы луымтэ муртъёслэсь сьӧлыкъёссэс куштӥд ке, Кузё-Инмаре, соку ик Тынад шонерлыкед, Тынад ӟечлыкед шарае потыса ивортэмын луозы». 37Со, ответ сётыса, мыным шуиз: «Мае ке сое тон шонер верад, тынад кылыдъя озьы ик луоз. 38Зэм ик, кулэмзылэсь азьвыл, судлэсь азьвыл, кулон-быронзылэсь азьвыл Мон сьӧлыкам муртъёслэн ужъёссы сярысь уг но малпаськиськы; 39нош шонер улэмъёслэн быдӟым ужъёссы понна эзылӥсько-куанӥсько, буре вайисько, кызьы соос пыдйылчи луыса ветлӥзы, кызьы утиськыны выризы, мед-кузьым басьтыны тыршылӥзы. 40Кызьы Мон верай, озьы ик вань. 41Кызьы музъем ужась му вылэ трос тысь кизе, трос будосъёс мерттэ, нош ваньмыз выжы уг лэзьы, вань киземез, дыр ортчыса, быдэс уз кыльы, озьы ик та дуннее кизем муртъёс но ваньзы ик уз утиське» 42Ответ сётыса, мон шуи: «Тынэсьтыд ӟеч эриктэ басьтӥ ке, мон верало. 43Музъем ужасьлэн кизем юэз ӧз ке ӝужа яке ас дыраз Тынад зоред со вылэ ӧз ке вуы, яке трос зорыса изъянмиз ке, со быроз, 44озьы ик Тынад киыныд кылдытэм адями но быре, – Тынад тусбуед шуыса со нимаське, малы ке шуоно Тон сое Аслыд укшатыса кылдытӥд, солы Тон ваньзэ лэсьтӥд-пуктӥд, сое Тон музъем ужасьлэн кизем юэзлы укшатӥд. 45Ми вылэ вождэ поттыса эн улы, Аслэсьтыд калыктэ жаля, Аслэсьтыд люкеттэ быдэс кельты, уго Тон Аслэсьтыд кылдытэмдэ гажаськод-жаляськод». 46Ответ сётыса, Со мыным шуиз: «Ализэ – алиослы, вуонозэ – вуоноослы. 47Мынэсьтым кылдытэмъёсме Мынэсьтым юнгес яратон понна тынад яратонэд матаз но уг тырмы, трос дыръя Мон тынад матад вуылӥ ке но, нош шонертэм улӥсьёс доры – ноку но. 48Тон соин но Вылысь Инмар азьын паймымон: 49кызьы тыныд тупа, тон озьы астэ зӥбыт-востэм карид, шонер улӥсьёс пӧлын данъяськыса улон понна, Тон астэ вылӥе ӧд пукты. 50Берпум аръёсы дунне вылын улӥсьёс доры трос, секытэсь курадӟонъёс вуозы, малы ке шуоно туж но туж вылтӥяськыса улӥзы-вылӥзы. 51Нош тон ачид сярысь сюлмаськы, аслыд укшасьёслы данлык утча; 52уго тӥледлы рай усьтэмын, улон писпу мерттэмын, вуоно вапум дасямын, ваньлык дась, город пуктэмын, каньыллык, дун-шектэм ӟечлык, дун-шектэм визьлык дасямын. 53Уродлыклэн выжыез, печать улэ нюртыса, тӥлесьтыд ватэмын, кужымтэм улон но кей тӥлесьтыд ватэмын, сисьмон-бырон адэ бызе вунон понна. 54Висёнъёс ортчизы-кошкизы, пумаз кулытэк-бырытэк улонлэн узырлыкез возьматскиз. 55Трос кулӥсьёс-бырисьёс пумысен эн ни тырше азьланяз юалляськыны. 56Уго соос эрик басьтӥзы но Вылысь Инмарез кулэтэм каризы, Солэсь законзэ палэнтӥзы, Солэн сюрес вылтӥз ветлэмысь дугдӥзы, 57нош эшшо ке, Солэсь шонер улӥсьёссэ лёгаса куштӥзы но 58сюлмазы шуизы: ”Инмар ӧвӧл”, асьсэос тодо ке но вал, соос кулоно муртъёс луо шуыса. 59Кызьы азьвылгес верамын ни, мар тӥледыз азьланьын возьма, озьы ик соосты но – соослы дасям юэм потыса ньылон пашмон но курадӟон возьма. Инмарлэн уг поты вал адямиез быдтэмез, 60нош соос, кылдытэм муртъёс, сантэмазы Солэсь нимзэ, Кин соосты кылдытӥз, тау карыны ӧз быгатэ Солы, Кин соослы улон сётӥз. 61Соин ик Мынам судэ табере матэ вуэ, – 62со сярысь Мон ваньмызлы ӧй усьты, усьтӥ тыныд но тыныд укшась ӧжыт муртлы гинэ». Ответ сётыса, мон шуи: 63«Табере тани, Кузё-Инмаре, Тон мыным трос паймымон ужъёсты возьматӥд, кудъёссэ Тон дунне бырон азьын быдэсъяны кутскод, нош кыӵе дыре-вакытэ соосты быдэсъяны кутскод, сое ӧд возьматы».
Tans Gekies:
Ездралэн 3-тӥ книгаез 8: УДМБИБ
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
(c) Библияез берыктонъя Институт, Хельсинки, 2013; 2016
Ездралэн 3-тӥ книгаез 8
8
8-тӥ ЛЮКЕТ
1Со мыным ответ сётыса шуиз: «Та дуннеез Вылысь Инмар трос адямиослы кылдытӥз, нош вуонозэ – ӧжытэзлы гинэ. 2Ездра, мон тыныд укшасьсэ верало. Музъемлэсь юад ке, со тыныд вералоз, макем трос со сюй сётэ, малэсь лэсьто горд сюйлэсь нэлькем арбериосты, нош сюй макем ӧжыт сётэ, кытысь зарни потто, озьы ик таизлэн дуннелэн ужъёсыз но. 3Трос кылдытэмъёс, но ӧжытэз утиськозы». 4Ответ сётыса, мон шуи: «Лулы! Пуштросэн-валанэн кӧттэ тыр, визьлыкен сюдэ юзматы. 5Уго тон кыл сётӥд кылзӥсько шуыса, мылкыд карид азьпалзэ тодытыса вераны, нош тыныд дыр сётэмын улон понна гинэ. 6Э, Кузё-Инмаре! Оло Тон Аслад ляльчиедлы эрик уд сёты Тон азьын сюлмамы-визьмамы кидыс мед сётод, сое мед будэтод шуыса вӧсяськыны, озьы потэм емышен улыны мед быгатысал котькудӥз сӧриськем адями, кинлы сётэмын адями ним? 7Кызьы Тон шуид, Тон одӥг, ми но одӥг Тынад киыныд кылдытэмъёс. 8Кызьы нош али анайлэн пушказ мугор кылдэ, Тон мугор люкетъёс сётӥськод, кызьы Тынад кылдытэмед тыл пушкын, ву пушкын утиське-возиське, кызьы укмыс толэзь ӵоже ас пушказ чида Тынад ик кылдытэмед Тынэсьтыд кылдытэмдэ, кудӥз со пушкын кылдытэмын? 9Утисез но, утиськисез но, соиз но, таиз но утисько-возисько но анай пуш утемез-воземез, пушказ будэмез, ас дыраз сётэ. 10Мугор люкетъёсысь – ноныосысь – йӧл сётыны косӥд, – ноныослэсь емышсэс, 11Тынад кылдытэмед соин кӧня ке но дыр ӵоже кӧтсэ мед тыроз, нош бӧрысь Тон сое Аслад гажан-жалян улад сётӥськод. 12Тон сое Аслад шонерлыкеныд быдэ вуттӥд, Аслад законэдлы дышетӥд, Аслад визьмыныд сое визьмад, 13Аслэсьтыд кылдытэмдэ кадь, Тон сое виёд но нош ик улӟытод, Аслэсьтыд быдэстэм уждэ кадь. 14Сыӵе бадӟым сюлмаськонэн кылдытэмдэ Тон быдтӥд ке, Тон косӥд ке, капчиен тупатыны луоз, утьыны луоз сое, мае Тон кылдытӥд. 15Кузё-Инмаре, али мон шуо: котькуд адями сярысь Тон тросгес тодӥськод; но мон Тынад калыкед сярысь верало, кин пумысен мынам сюлмы висе, 16Тынад люкетэд пумысен, кудӥз понна мон синвуме кисьтӥсько, Израиль пумысен, кин понна мон куректыса-кайгырыса улӥсько, Иаков пумысен, кин понна мон чигиськыса улӥсько. 17Тон азьын ачим понна но, соос понна но вӧсяськыны кутско, уго милесьтым, музъем вылын улӥсьёслэсь, сьӧлыке усеммес адӟисько. 18Нош мон кылӥ, ӝоген Судья лыктоз шуыса. 19Соин ик кыл мынэсьтым куараме, сак кылзы мынэсьтым кылъёсме, Тон азьын мон верало». (Басьтӥськемезлэсь азьвылгес Ездралэн верам кылъёсыз.) 20Мон шуи: «Пумтэм вапумъёсы улӥсь Кузё-Инмаре, вылӥе, инме синъёсыныд учкись, 21Тынад престолэд дунъяны луонтэм, данлыкед тодыны луонтэм, Тынад азяд куалекъяса Кылчин ожгарчиос сыло, – тӧл пушкын но, тыл пушкын но ужась-тыршисьёс, Тынад кылыд зэмлыко, верам кылъёсыд вошъяськисьтэмесь, 22косонэд кужмо, кивалтонэд кышкыт; Тон учкиськод но, пыдэстэм дуннеос куасьмо, вожпотонэд гурезьёсты ӵыжатэ, зэмлыкед пумтэм вапумъёс ӵоже улэ! 23Ас ляльчиедлэсь вӧсяськемзэ кыл, Ас кылдытэмедлэсь куриськемзэ санэ пон. 24Кулытозям верало, валанэ бырытозь ответ сётыло. Аслад калыкедлэн сьӧлыкъёсыз шоры эн учкы, зэмос ужась-тыршисьёсыд шоры учкы; 25язычникъёслэн юрӟымесь ужъёссы шоры эн учкы, учкы соос шоры, кинъёс шугадӟонъёс пӧлын улыса но, Тынэсьтыд сӥзён-косонъёстэ утизы; 26Тынад азяд ӧрекчаськыса улэмъёс сярысь эн малпаськы, Тынад азяд кышканэн улӥсьёсты буре вай; 27пудо-живот выллем улэмъёсты эн быдты, учкы Тынэсьтыд закондэ усто тодытӥсьёс-дышетӥсьёс шоры; 28пӧйшуръёслэсь но уродэсь шуыса лыдъямъёс вылэ йырдэ кур эн кары; 29яраты соосты, кинъёс Тынад шонерлыкед, данлыкед вылэ оскиськыса уло. 30Уго ми но, милям атайёсмы но таӵе висёнъёсын висиськомы; 31нош Тон милемлы, сьӧлыкоослы, луыса гажась-жалясь шуыса нимаськиськод. 32Милемыз гажаны-жаляны мылкыд кариськод ке, Тон гажась-жалясь шуыса нимаськиськод, уго милям ӧвӧл шонерлыко ужъёсмы. 33Нош шонер улӥсьёс асьсэлэн трос ӟеч ужъёс лэсьтэменызы пунэмзэс басьтозы. 34Мар со адями, кудӥз вылэ Тон йырдэ кур мед карысалыд, мар со азэм-сӧриськем выжы, со вылэ Тон сокем ӝожъяськыса мед улысалыд? 35Зэм ик, дунне вылэ вордскемъёс пӧлын йӧнтэм уж лэсьтымтэ мурт ӧвӧл, Тонэ тодытӥсьёс пӧлын но чик сьӧлыкамтэез одӥг адями но ӧвӧл. 36Ӟеч ужъёссы луымтэ муртъёслэсь сьӧлыкъёссэс куштӥд ке, Кузё-Инмаре, соку ик Тынад шонерлыкед, Тынад ӟечлыкед шарае потыса ивортэмын луозы». 37Со, ответ сётыса, мыным шуиз: «Мае ке сое тон шонер верад, тынад кылыдъя озьы ик луоз. 38Зэм ик, кулэмзылэсь азьвыл, судлэсь азьвыл, кулон-быронзылэсь азьвыл Мон сьӧлыкам муртъёслэн ужъёссы сярысь уг но малпаськиськы; 39нош шонер улэмъёслэн быдӟым ужъёссы понна эзылӥсько-куанӥсько, буре вайисько, кызьы соос пыдйылчи луыса ветлӥзы, кызьы утиськыны выризы, мед-кузьым басьтыны тыршылӥзы. 40Кызьы Мон верай, озьы ик вань. 41Кызьы музъем ужась му вылэ трос тысь кизе, трос будосъёс мерттэ, нош ваньмыз выжы уг лэзьы, вань киземез, дыр ортчыса, быдэс уз кыльы, озьы ик та дуннее кизем муртъёс но ваньзы ик уз утиське» 42Ответ сётыса, мон шуи: «Тынэсьтыд ӟеч эриктэ басьтӥ ке, мон верало. 43Музъем ужасьлэн кизем юэз ӧз ке ӝужа яке ас дыраз Тынад зоред со вылэ ӧз ке вуы, яке трос зорыса изъянмиз ке, со быроз, 44озьы ик Тынад киыныд кылдытэм адями но быре, – Тынад тусбуед шуыса со нимаське, малы ке шуоно Тон сое Аслыд укшатыса кылдытӥд, солы Тон ваньзэ лэсьтӥд-пуктӥд, сое Тон музъем ужасьлэн кизем юэзлы укшатӥд. 45Ми вылэ вождэ поттыса эн улы, Аслэсьтыд калыктэ жаля, Аслэсьтыд люкеттэ быдэс кельты, уго Тон Аслэсьтыд кылдытэмдэ гажаськод-жаляськод». 46Ответ сётыса, Со мыным шуиз: «Ализэ – алиослы, вуонозэ – вуоноослы. 47Мынэсьтым кылдытэмъёсме Мынэсьтым юнгес яратон понна тынад яратонэд матаз но уг тырмы, трос дыръя Мон тынад матад вуылӥ ке но, нош шонертэм улӥсьёс доры – ноку но. 48Тон соин но Вылысь Инмар азьын паймымон: 49кызьы тыныд тупа, тон озьы астэ зӥбыт-востэм карид, шонер улӥсьёс пӧлын данъяськыса улон понна, Тон астэ вылӥе ӧд пукты. 50Берпум аръёсы дунне вылын улӥсьёс доры трос, секытэсь курадӟонъёс вуозы, малы ке шуоно туж но туж вылтӥяськыса улӥзы-вылӥзы. 51Нош тон ачид сярысь сюлмаськы, аслыд укшасьёслы данлык утча; 52уго тӥледлы рай усьтэмын, улон писпу мерттэмын, вуоно вапум дасямын, ваньлык дась, город пуктэмын, каньыллык, дун-шектэм ӟечлык, дун-шектэм визьлык дасямын. 53Уродлыклэн выжыез, печать улэ нюртыса, тӥлесьтыд ватэмын, кужымтэм улон но кей тӥлесьтыд ватэмын, сисьмон-бырон адэ бызе вунон понна. 54Висёнъёс ортчизы-кошкизы, пумаз кулытэк-бырытэк улонлэн узырлыкез возьматскиз. 55Трос кулӥсьёс-бырисьёс пумысен эн ни тырше азьланяз юалляськыны. 56Уго соос эрик басьтӥзы но Вылысь Инмарез кулэтэм каризы, Солэсь законзэ палэнтӥзы, Солэн сюрес вылтӥз ветлэмысь дугдӥзы, 57нош эшшо ке, Солэсь шонер улӥсьёссэ лёгаса куштӥзы но 58сюлмазы шуизы: ”Инмар ӧвӧл”, асьсэос тодо ке но вал, соос кулоно муртъёс луо шуыса. 59Кызьы азьвылгес верамын ни, мар тӥледыз азьланьын возьма, озьы ик соосты но – соослы дасям юэм потыса ньылон пашмон но курадӟон возьма. Инмарлэн уг поты вал адямиез быдтэмез, 60нош соос, кылдытэм муртъёс, сантэмазы Солэсь нимзэ, Кин соосты кылдытӥз, тау карыны ӧз быгатэ Солы, Кин соослы улон сётӥз. 61Соин ик Мынам судэ табере матэ вуэ, – 62со сярысь Мон ваньмызлы ӧй усьты, усьтӥ тыныд но тыныд укшась ӧжыт муртлы гинэ». Ответ сётыса, мон шуи: 63«Табере тани, Кузё-Инмаре, Тон мыным трос паймымон ужъёсты возьматӥд, кудъёссэ Тон дунне бырон азьын быдэсъяны кутскод, нош кыӵе дыре-вакытэ соосты быдэсъяны кутскод, сое ӧд возьматы».
Tans Gekies:
:
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
(c) Библияез берыктонъя Институт, Хельсинки, 2013; 2016