Ездралэн 3-тӥ книгаез 5
5
5-тӥ ЛЮКЕТ
1Паймымон тодметъёс сярысь: тани, вуозы нуналъёс, куке музъем вылын улӥсьёс пӧлысь тросэз, тодон-валанзы ванё муртъёс, ӝутэмын луозы, соку зэмлыклэн сюресэз ватӥськоз, дунне вылын оскон начармоз, 2шонертэм улон, кудзэ тон али адӟиськод, кудӥз сярысь тон кемалась дырысен кылӥд ини, тросгес но тросгес луоз. 3Озьы луоз, кузёяськыса улӥсь кун, кудзэ тон али адӟиськод, тырттэм кельтэмын луоз. 4Нош Вылысь Инмар, со нуналъёс вуытозь, тыныд улыны сётӥз ке, адӟод, кызьы куинетӥ гумы куаразэ поттэм бере малпамтэ шорысь уйшор уе шунды пиштыны кутскоз, толэзь но нунал ӵоже куинь пол кутскыса пиштоз; 5писпуысь вир шапыкъёс вияны кутскозы, из куаразэ поттоз, калыкъёс куалекъяны кутскозы. 6Соку эксэй луыса кивалтыны кутскоз со, кинэ музъем вылын улӥсьёс уг возьмало, тылобурдоос мукет интыосы лобӟозы. 7Содом зарезь чорыгъёссэ пушкысьтыз сэрпалтоз, уйин тросэзлы тодмотэм куара поттоз; но ваньзы солэсь куаразэ кылозы. 8Трос интыосын бугыръяськон луоз, ӵем дыръя инмысь тыл лэзьямын луоз; кыр пӧйшуръёс улон интызэс воштозы, саптаськыса улӥсь кышномуртъёслэсь шимес макеос вордскылозы. 9Юоно вуос кузьытэсь луозы, вань эшъёс огзылы пумит огзы султозы; соку визьлык ватӥськоз, валан аслаз улон интыяз кошкоз. 10Тросэз сое утчалозы, но уз шедьтэ; шонертэм улон, возиськыны быгатытэк улон музъем вылын йылозы. 11Одӥгез улосвыл мукетызлэсь бускель улосвыллэсь юалоз: ”Шонерлыко карись шонерлык тон вылтӥ ӧз ортчы-а?” Соиз шуоз: ”Ӧз”. 12Со дыре адямиос оскиськыса улозы, но мар кулэ, сое уз басьтэ, ужалозы, нош улон сюресъёссы вылын азинлыкез уз луы. 13Та паймымон тодметъёс сярысь тыныд вераны мыным лэземын, нош ик вӧсяськид ке, али кадь бӧрдӥд ке, сизьым нунал ӵоже визяд ке, эшшо но троссэгес кылод». 14Соку мон сайкай, мугоры юн куалекъяз, лулы каньсыраз, кытчы ке кошкиз-ышиз кадь. 15Мон доры вуэм Кылчин монэ кутӥз, юнматӥз но пыд вылам султытӥз. 16Тазьы вал: кыкетӥяз уе мон доры Салафиил, калыклэн азьвалтӥсез, вуиз, со мынэсьтым юаз: «Кытын тон вал, малы тынад ымнырыд сокем ӝожмыт адӟиське? 17Тон уд тодӥськы шат, тыныд Израиль сётэмын солэн улыны выжон куназ? 18Озьыен, султыса нянь куртчы – пудо возьмасьлэн уллёзэ лек кионъёс кие кельтэм кадь, милемыз эн кушты». 19Соку мон солы шуи: «Мон дорысь палэнскы, матам эн лыкты», – со та кылъёсты кылӥз но мон дорысь палэнскиз. 20Нош мон викышъяса, бӧрдыса сизьым нунал ӵоже визяй, кызьы монэ Уриил Кылчин лэсьтыны косӥз. 21Сизьым нунал ортчем бере сюлмылэн малпаськонъёсыз нош ик мон понна секытэсь вал; 22нош лулы валатсконлэсь духсэ кабыл басьтӥз, соку мон нош ик Вылысь Инмар азьын вераськыны кутски но 23шуи: «Э, Кузё-Инмаре Кузё-Атае! Музъем вылысь вань нюлэсъёс пӧлысь, отын будӥсь вань писпуос пӧлысь одӥг виноград пудэз гинэ бырйид; 24быдэс музъем котырысь Тон Аслыд одӥг пещераез гинэ бырйид, дунне вылысь вань сяськаос пӧлысь Тон Аслыд одӥг лилия сяськаез гинэ бырйид; 25вань зарезь мурдалаос пӧлысь Тон Аслыд одӥг шурез тырмытӥд, нош вань пуктэм городъёс пӧлысь Аслыд одӥг Сӥонэз дун-чылкыт карид. 26Вань кылдытэм тылобурдоос пӧлысь Тон Аслыд одӥг дыдыкез нимад, вань кылдытэм пудо-живот пӧлысь Тон Аслыд одӥг ыжез бырйид; 27туж трос калыкъёс пӧлысь Тон одӥгзэ Аслыд карид, яратӥд Тон сое, дун-шектэм закон солы сётӥд. 28Нош та виын, Кузё-Инмаре, малы бен одӥгзэ тросэзлэн киулаз сётӥд; одӥг выжые Тон мукет пушъетъёс мерттӥд но Аслэсьтыд одӥг гинэ калыктэ трос калыкъёс пӧлы пазьгид? 29Сӥзёнъёсыдлэн тушмонъёссы, сӥзён-косонъёсыдлы оскисьтэмъёс лёгазы сое. 30Аслэсьтыд калыктэ Тон сокем синазькыль карид ке, Тон сое Аслад киыныд ик вӧсь мед карысалыд».
31Та кылъёсты вераса улыкум, мон доры Кылчин ыстэмын вал, азьвыл со мон доры уйин ветлӥз, 32со мыным шуиз: «Кылзы монэ, – мон тонэ дышето; валаны тыршы монэ, – мон тыныд эшшо троссэгес верало». 33Мон шуи: «Вера, кузёе мынам». Со мыным шуиз: «Израиль сярысь визьмыныд трос тодыны тыршеменыд тон укыр пыдло пырид; Тон сое юнгес яратӥськод шат Солэсь, Кин сое кылдытӥз?» 34«Озьы ӧвӧл, кузёе, – мон шуи, – туж бадӟым ӝожлыклы чидатэк, мон озьы верай. Лулы-пушкы мынам, Дунне Кутӥсь Инмарлэсь сюрессэ тодыны тыршыкум, Солэн судэзлэсь пичи люкетсэ ке но эскерыны вырыкум, котьку курадӟе». 35Со шуиз: «Уд быгатӥськы». «Малы бен, кузёе? – мон юай. – Эсьмаса мон медам но вордӥськы вал, анаелэн пушкыз мыным шайгу мед луоз вал, Иаковез ултӥямез медам адӟы вал, Израиль выжылэсь курадӟон чиданзэ медам адӟы вал». 36Нош со мыным шуиз: «Лыдъя мыным, мар ӧз на вуы на, пазяськем шапыкъёсты бича мыным, куасьмем сяськаосты улӟыты; 37ворсам тӧл возён шыкысъёсты усьты, соос пушкысь тӧлъёсты потты, куаралэсь туссэ мыным возьматы, соку мон тыныд возьмато сое, мае тон адӟыны тыршиськод». 38«Кузё-Инмаре Кузё-Атае! – мон шуи, – кин тодыны быгатоз тае, – со гинэ ке шат, кин адямиосын огазьын уг улы? 39Мон укылтэм ук, мар сярысь Тон монэ юад, кызьы мон со сярысь вераны быгато?» 40Соку Со мыным шуиз: «Кызьы тон та верам пӧлысь одӥгзэ но быдэстыны уд быгатӥськы, озьы ик тон Мынэсьтым судъёсме тодыны уд быгатӥськы, калыклы сётыны сӥзем яратонэлэсь быдӟалазэ но тодыны уд быгатӥськы». 41«Нош Тон, Кузё-Инмаре, матын соослы, кинъёс пум пала вуо ини, нош мынэсьтым азьвыл улэмъёс мар карозы, яке ми, яке ми бере улӥсьёс?» 42Со мыным шуиз: «Аслэсьтым судме тугоколы укшато; кызьы берпумъёс бере уз кыле, озьы ик азьпаласьёс азьпала уз потэ». 43Ответ сётыса, мон шуи: «Ӧй быгатысалыд-а Тон азьвыл кылдытэмъёссэ но, туннэ улӥсьёссэ но, азьпалан вордсконооссэ но одӥг азе герӟаны, ӝоггес соослы суддэ ялон понна?» 44Со мынам пумитам шуиз: «Кылдытэм маке Кылдытӥсьсэ ӝогомытыны уз быгаты, та дунне но уг быгаты ваньзэ огазе тэрытыны, кинъёс кылдытэмын луыны кулэ вал». 45Мон шуи: «Кызьы нош Тон Аслад ляльчиедлы шуид, кылдытэм макеосыдлы огазьын улон сётӥд, озьы ке но кылдытэм дунне тае чидаз; соин ик али но кылдытэм дунне вань улӥсьёссэ огазьын нуыны быгатысал». 46Со мыным шуиз: «Юа кышномуртлэсь, шу солы: ”Дас нуны вайиськод ке, малы тон соосты пӧртэм дыръёсы-аръёсы вайиськод?” Кур на солэсь: дассэ ик нуныдэ огдыре мед ваёд». 47Нош мон Солы шуи: «Тае быдэстыны со уз быгаты, нуныоссэ со дыр вуыса гинэ вайылыны кулэ». 48Соку Со мыным шуиз: «Мон но музъем пушлы луонлык сётӥ, вакытъёс вуыса, со вылэ киземзэ будэтыны. 49Пичи мурт уг быгаты сое лэсьтыны, мае пересь муртъёс быгато лэсьтыны, озьы Мон тупатӥ-радъяй Аслэсьтым кылдытэм дуннеме но». 50Соку мон Солэсь юаса шуи: «Тон мыным луонлык сётӥд бере, лэзь мыным Тыныд вераны: милям анаймы, кудӥз сярысь Тон верад мыным, егит на-а со, яке пересьмон пала матэктэ-а ини?» 51Со мыным шуиз: «Та сярысь нуны вайисьлэсь юа, со тыныд вералоз. 52Солы шу: ”Малы али тынад ваем нуныосыд азьвыл ваемъёсызлы уг укшало – мугорын пичиесь?” 53Со тыныд шуоз: ”Одӥгъёсыз вордскемын егит кужыме вань на дыръя, мукетъёсыз – пересьмыны кутскыкум, куке пушкы кужымзэ ыштыны кутскиз ни”. 54Ачид ик малпа али: табере тӥлесьтыд азьвылгес вордскемъёсын ӵошатыса, тӥ мугорын пичиесь; 55нош кинъёс тӥ бере вордскозы, соос тӥлесьтыд но пичиесьгес луозы, уго кылдытэмъёс пересьмо ини, егит пилэн кужымез быриз ини». 56Мон шуи: «Тон азьын мон ярамон ке, мыным, Аслад ляльчиедлы, возьматы, кин пыр Тон Аслад кылдытэмед доры вуылӥськод?»
Tans Gekies:
Ездралэн 3-тӥ книгаез 5: УДМБИБ
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
(c) Библияез берыктонъя Институт, Хельсинки, 2013; 2016
Ездралэн 3-тӥ книгаез 5
5
5-тӥ ЛЮКЕТ
1Паймымон тодметъёс сярысь: тани, вуозы нуналъёс, куке музъем вылын улӥсьёс пӧлысь тросэз, тодон-валанзы ванё муртъёс, ӝутэмын луозы, соку зэмлыклэн сюресэз ватӥськоз, дунне вылын оскон начармоз, 2шонертэм улон, кудзэ тон али адӟиськод, кудӥз сярысь тон кемалась дырысен кылӥд ини, тросгес но тросгес луоз. 3Озьы луоз, кузёяськыса улӥсь кун, кудзэ тон али адӟиськод, тырттэм кельтэмын луоз. 4Нош Вылысь Инмар, со нуналъёс вуытозь, тыныд улыны сётӥз ке, адӟод, кызьы куинетӥ гумы куаразэ поттэм бере малпамтэ шорысь уйшор уе шунды пиштыны кутскоз, толэзь но нунал ӵоже куинь пол кутскыса пиштоз; 5писпуысь вир шапыкъёс вияны кутскозы, из куаразэ поттоз, калыкъёс куалекъяны кутскозы. 6Соку эксэй луыса кивалтыны кутскоз со, кинэ музъем вылын улӥсьёс уг возьмало, тылобурдоос мукет интыосы лобӟозы. 7Содом зарезь чорыгъёссэ пушкысьтыз сэрпалтоз, уйин тросэзлы тодмотэм куара поттоз; но ваньзы солэсь куаразэ кылозы. 8Трос интыосын бугыръяськон луоз, ӵем дыръя инмысь тыл лэзьямын луоз; кыр пӧйшуръёс улон интызэс воштозы, саптаськыса улӥсь кышномуртъёслэсь шимес макеос вордскылозы. 9Юоно вуос кузьытэсь луозы, вань эшъёс огзылы пумит огзы султозы; соку визьлык ватӥськоз, валан аслаз улон интыяз кошкоз. 10Тросэз сое утчалозы, но уз шедьтэ; шонертэм улон, возиськыны быгатытэк улон музъем вылын йылозы. 11Одӥгез улосвыл мукетызлэсь бускель улосвыллэсь юалоз: ”Шонерлыко карись шонерлык тон вылтӥ ӧз ортчы-а?” Соиз шуоз: ”Ӧз”. 12Со дыре адямиос оскиськыса улозы, но мар кулэ, сое уз басьтэ, ужалозы, нош улон сюресъёссы вылын азинлыкез уз луы. 13Та паймымон тодметъёс сярысь тыныд вераны мыным лэземын, нош ик вӧсяськид ке, али кадь бӧрдӥд ке, сизьым нунал ӵоже визяд ке, эшшо но троссэгес кылод». 14Соку мон сайкай, мугоры юн куалекъяз, лулы каньсыраз, кытчы ке кошкиз-ышиз кадь. 15Мон доры вуэм Кылчин монэ кутӥз, юнматӥз но пыд вылам султытӥз. 16Тазьы вал: кыкетӥяз уе мон доры Салафиил, калыклэн азьвалтӥсез, вуиз, со мынэсьтым юаз: «Кытын тон вал, малы тынад ымнырыд сокем ӝожмыт адӟиське? 17Тон уд тодӥськы шат, тыныд Израиль сётэмын солэн улыны выжон куназ? 18Озьыен, султыса нянь куртчы – пудо возьмасьлэн уллёзэ лек кионъёс кие кельтэм кадь, милемыз эн кушты». 19Соку мон солы шуи: «Мон дорысь палэнскы, матам эн лыкты», – со та кылъёсты кылӥз но мон дорысь палэнскиз. 20Нош мон викышъяса, бӧрдыса сизьым нунал ӵоже визяй, кызьы монэ Уриил Кылчин лэсьтыны косӥз. 21Сизьым нунал ортчем бере сюлмылэн малпаськонъёсыз нош ик мон понна секытэсь вал; 22нош лулы валатсконлэсь духсэ кабыл басьтӥз, соку мон нош ик Вылысь Инмар азьын вераськыны кутски но 23шуи: «Э, Кузё-Инмаре Кузё-Атае! Музъем вылысь вань нюлэсъёс пӧлысь, отын будӥсь вань писпуос пӧлысь одӥг виноград пудэз гинэ бырйид; 24быдэс музъем котырысь Тон Аслыд одӥг пещераез гинэ бырйид, дунне вылысь вань сяськаос пӧлысь Тон Аслыд одӥг лилия сяськаез гинэ бырйид; 25вань зарезь мурдалаос пӧлысь Тон Аслыд одӥг шурез тырмытӥд, нош вань пуктэм городъёс пӧлысь Аслыд одӥг Сӥонэз дун-чылкыт карид. 26Вань кылдытэм тылобурдоос пӧлысь Тон Аслыд одӥг дыдыкез нимад, вань кылдытэм пудо-живот пӧлысь Тон Аслыд одӥг ыжез бырйид; 27туж трос калыкъёс пӧлысь Тон одӥгзэ Аслыд карид, яратӥд Тон сое, дун-шектэм закон солы сётӥд. 28Нош та виын, Кузё-Инмаре, малы бен одӥгзэ тросэзлэн киулаз сётӥд; одӥг выжые Тон мукет пушъетъёс мерттӥд но Аслэсьтыд одӥг гинэ калыктэ трос калыкъёс пӧлы пазьгид? 29Сӥзёнъёсыдлэн тушмонъёссы, сӥзён-косонъёсыдлы оскисьтэмъёс лёгазы сое. 30Аслэсьтыд калыктэ Тон сокем синазькыль карид ке, Тон сое Аслад киыныд ик вӧсь мед карысалыд».
31Та кылъёсты вераса улыкум, мон доры Кылчин ыстэмын вал, азьвыл со мон доры уйин ветлӥз, 32со мыным шуиз: «Кылзы монэ, – мон тонэ дышето; валаны тыршы монэ, – мон тыныд эшшо троссэгес верало». 33Мон шуи: «Вера, кузёе мынам». Со мыным шуиз: «Израиль сярысь визьмыныд трос тодыны тыршеменыд тон укыр пыдло пырид; Тон сое юнгес яратӥськод шат Солэсь, Кин сое кылдытӥз?» 34«Озьы ӧвӧл, кузёе, – мон шуи, – туж бадӟым ӝожлыклы чидатэк, мон озьы верай. Лулы-пушкы мынам, Дунне Кутӥсь Инмарлэсь сюрессэ тодыны тыршыкум, Солэн судэзлэсь пичи люкетсэ ке но эскерыны вырыкум, котьку курадӟе». 35Со шуиз: «Уд быгатӥськы». «Малы бен, кузёе? – мон юай. – Эсьмаса мон медам но вордӥськы вал, анаелэн пушкыз мыным шайгу мед луоз вал, Иаковез ултӥямез медам адӟы вал, Израиль выжылэсь курадӟон чиданзэ медам адӟы вал». 36Нош со мыным шуиз: «Лыдъя мыным, мар ӧз на вуы на, пазяськем шапыкъёсты бича мыным, куасьмем сяськаосты улӟыты; 37ворсам тӧл возён шыкысъёсты усьты, соос пушкысь тӧлъёсты потты, куаралэсь туссэ мыным возьматы, соку мон тыныд возьмато сое, мае тон адӟыны тыршиськод». 38«Кузё-Инмаре Кузё-Атае! – мон шуи, – кин тодыны быгатоз тае, – со гинэ ке шат, кин адямиосын огазьын уг улы? 39Мон укылтэм ук, мар сярысь Тон монэ юад, кызьы мон со сярысь вераны быгато?» 40Соку Со мыным шуиз: «Кызьы тон та верам пӧлысь одӥгзэ но быдэстыны уд быгатӥськы, озьы ик тон Мынэсьтым судъёсме тодыны уд быгатӥськы, калыклы сётыны сӥзем яратонэлэсь быдӟалазэ но тодыны уд быгатӥськы». 41«Нош Тон, Кузё-Инмаре, матын соослы, кинъёс пум пала вуо ини, нош мынэсьтым азьвыл улэмъёс мар карозы, яке ми, яке ми бере улӥсьёс?» 42Со мыным шуиз: «Аслэсьтым судме тугоколы укшато; кызьы берпумъёс бере уз кыле, озьы ик азьпаласьёс азьпала уз потэ». 43Ответ сётыса, мон шуи: «Ӧй быгатысалыд-а Тон азьвыл кылдытэмъёссэ но, туннэ улӥсьёссэ но, азьпалан вордсконооссэ но одӥг азе герӟаны, ӝоггес соослы суддэ ялон понна?» 44Со мынам пумитам шуиз: «Кылдытэм маке Кылдытӥсьсэ ӝогомытыны уз быгаты, та дунне но уг быгаты ваньзэ огазе тэрытыны, кинъёс кылдытэмын луыны кулэ вал». 45Мон шуи: «Кызьы нош Тон Аслад ляльчиедлы шуид, кылдытэм макеосыдлы огазьын улон сётӥд, озьы ке но кылдытэм дунне тае чидаз; соин ик али но кылдытэм дунне вань улӥсьёссэ огазьын нуыны быгатысал». 46Со мыным шуиз: «Юа кышномуртлэсь, шу солы: ”Дас нуны вайиськод ке, малы тон соосты пӧртэм дыръёсы-аръёсы вайиськод?” Кур на солэсь: дассэ ик нуныдэ огдыре мед ваёд». 47Нош мон Солы шуи: «Тае быдэстыны со уз быгаты, нуныоссэ со дыр вуыса гинэ вайылыны кулэ». 48Соку Со мыным шуиз: «Мон но музъем пушлы луонлык сётӥ, вакытъёс вуыса, со вылэ киземзэ будэтыны. 49Пичи мурт уг быгаты сое лэсьтыны, мае пересь муртъёс быгато лэсьтыны, озьы Мон тупатӥ-радъяй Аслэсьтым кылдытэм дуннеме но». 50Соку мон Солэсь юаса шуи: «Тон мыным луонлык сётӥд бере, лэзь мыным Тыныд вераны: милям анаймы, кудӥз сярысь Тон верад мыным, егит на-а со, яке пересьмон пала матэктэ-а ини?» 51Со мыным шуиз: «Та сярысь нуны вайисьлэсь юа, со тыныд вералоз. 52Солы шу: ”Малы али тынад ваем нуныосыд азьвыл ваемъёсызлы уг укшало – мугорын пичиесь?” 53Со тыныд шуоз: ”Одӥгъёсыз вордскемын егит кужыме вань на дыръя, мукетъёсыз – пересьмыны кутскыкум, куке пушкы кужымзэ ыштыны кутскиз ни”. 54Ачид ик малпа али: табере тӥлесьтыд азьвылгес вордскемъёсын ӵошатыса, тӥ мугорын пичиесь; 55нош кинъёс тӥ бере вордскозы, соос тӥлесьтыд но пичиесьгес луозы, уго кылдытэмъёс пересьмо ини, егит пилэн кужымез быриз ини». 56Мон шуи: «Тон азьын мон ярамон ке, мыным, Аслад ляльчиедлы, возьматы, кин пыр Тон Аслад кылдытэмед доры вуылӥськод?»
Tans Gekies:
:
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
(c) Библияез берыктонъя Институт, Хельсинки, 2013; 2016