Евангелле паводле Марка Раздзел 10
Раздзел 10
1 #
Мц. 19:1
І, выходзячы адтуль, Ісус прыходзіць у межы Юдэі за Ярданам, і зноў сабралася да Яго многа людзей, і Ён, як звычайна, навучаў іх зноў.
2 #
Мц. 19:3
І, падышоўшы, фарысеі пыталіся ў Яго, выпрабоўваючы: «Ці дазваляецца мужу пакідаць жонку?»
3 #
Мц. 5:17; Лк. 10:26 Ісус, адказваючы, сказаў ім: «А што вам загадаў Майсей?»
4 #
Паўт. Зак. 24:1-4; Мц. 5:31; Лк. 16:18 Яны сказалі: «Майсей дазволіў напісаць разводны ліст і пакінуць яе».
5Ісус жа гаворыць ім: «Дзеля закамянеласці сэрца вашага даў ён вам такі загад.
6 #
Род. 1:27; 5:2; Мц. 19:4 Але на пачатку стварэння мужчынай і жанчынай стварыў іх Бог.
7 #
Род. 2:24
Таму пакіне чалавек бацьку свайго і маці, ды злучыцца з жонкаю сваёю,
8 ды будуць двое адным целам; значыць іх ужо не двое, але адно цела.
9Што вось Бог злучыў, хай чалавек не разлучае».
10І дома зноў пра тое самае пыталіся ў Яго вучні.
11 #
Мц. 5:32; Лк. 16:18 І кажа ім: «Хто пакіне жонку сваю і возьме іншую, той чужаложыць супроць яе.
12І, калі жонка пакіне мужа свайго ды пойдзе за іншага, – чужаложыць».
13 #
Мц. 19:13; Лк. 18:15 І прыносілі дзяцей да Яго, каб да іх дакрануўся. А вучні забаранялі ім.
14 #
Мц. 18:4
Бачачы гэта, Ісус абурыўся і кажа ім: «Дазвольце дзецям прыходзіць да Мяне ды не забараняйце ім, бо такіх ёсць Валадарства Божае.
15 #
Мц. 11:25; Лк. 13:28 Сапраўды кажу вам: калі хто не прыме Валадарства Божага, як дзіця, не ўвойдзе ў яго».
16 #
Мц. 19:15
І, прытуліўшы іх да Сябе, усклаў на іх рукі і дабраславіў іх.
17 #
Мц. 19:16; Лк. 18:18; Ян. 6:28 Калі Ён выходзіў у дарогу, прыбегшы, нехта ўпаў перад Ім на калені і пытаўся ў Яго: «Настаўнік добры, што маю рабіць, каб наследаваць жыццё вечнае?»
18Ісус жа сказаў яму: «Чаму Мяне называеш добрым? Ніхто не добры, толькі адзін Бог.
19 #
Вых. 20:12-16; Паўт. Зак. 5:16-20; Мц. 5:21; Лк. 18:20; Як. 2:10; Рым. 13:9 Прыказанні ведаеш: не забівай, не чужалож, не крадзі, не гавары фальшывага сведчання, не рабі крыўды, паважай бацьку свайго і маці».
20 #
Плп. 3:6
А ён сказаў Яму: «Настаўнік, я гэта ўсё захоўваў ад маленства свайго».
21 #
Мц. 6:19; Лк. 12:33 Ісус жа, глянуўшы на яго, узлюбіў яго ды сказаў яму: «Аднаго табе не хапае: ідзі, прадай усё, што маеш, і раздай убогім, і будзеш мець скарб на небе, а тады прыходзь, узяўшы крыж, і ідзі за Мною».
22Той, засмучаны гэтым словам, адышоўся сумны, бо меў вялікую маёмасць.
23 #
Мц. 19:23; Лк. 18:24; Як. 2:5 І Ісус, паглядзеўшы вакол, гаворыць Сваім вучням: «Як цяжка тым, што маюць багацце, увайсці ў Валадарства Божае».
24Вучні ж дзівіліся са слоў Яго. Але Ісус зноў, адказваючы, гаворыць ім: «Сынове, як цяжка тым, хто ўскладае надзею на багацце, увайсці ў Валадарства Божае.
25Лягчэй вярблюду праціснуцца праз вушка іголкі, чым багацею ўвайсці ў Валадарства Божае».
26А яны тым болей дзівіліся, гаворачы між сабою: «Дык хто можа быць збаўлены?»
27 #
Мц. 19:26; Лк. 1:37 Ісус, паглядзеўшы на іх, гаворыць: «У людзей гэта немагчыма, але не ў Бога: у Бога ўсё магчыма».
28 #
Мц. 19:27; Лк. 18:28 Дык Пётра пачаў казаць Яму: «Вось жа, мы пакінулі ўсё і пайшлі за Табой».
29Гаворыць Ісус у адказ: «Сапраўды кажу вам: няма нікога, хто б пакінуў дом, або братоў, або сясцёр, або бацьку, або маці, або жонку, або дзяцей, або поле дзеля Мяне і дзеля Евангелля,
30 #
Мц. 12:48; Лк. 18:29 каб ён не атрымаў цяпер, у гэты час, сярод пераследаванняў, у сто разоў больш дамоў, і братоў, і сясцёр, і мацярок, і сыноў, і палёў, а ў будучым веку – жыццё вечнае.
31 #
Мц. 19:30; Лк. 13:30 І многія першыя будуць апошнімі, і апошнія – першымі».
32 #
Мц. 16:20; Лк. 9:22 І былі ў дарозе, узыходзячы ў Ерузалім, і Ісус ішоў перад імі, а яны, за Ім ідучы, дзівіліся і баяліся. І паклікаў зноў дванаццаць ды пачаў казаць, што адбудзецца з Ім:
33 #
Мц. 20:18; Лк. 18:31 «Вось жа, уваходзім у Ерузалім; і Сын Чалавечы будзе выдадзены першасвятарам і кніжнікам, і асудзяць Яго на смерць, і выдадуць паганам,
34і будуць з Яго здзекавацца і пляваць на Яго, будуць бічаваць Яго ды заб’юць Яго, але на трэці дзень Ён уваскрэсне».
35 #
Мц. 20:20; Як. 4:3 І падышлі да Ісуса Якуб і Ян, сыны Зебядзеевы, кажучы: «Настаўнік, хочам, каб зрабіў нам, пра што будзем прасіць Цябе».
36Ён жа спытаўся ў іх: «Што хочаце, каб Я вам зрабіў?»
37Яны ж сказалі Яму: «Дай нам, каб сядзець ад Цябе аднаму праваруч, а другому – леваруч у славе Тваёй».
38 #
Мц. 26:39; Лк. 12:50; Ян. 18:11 Ісус жа гаворыць ім: «Не ведаеце, пра што просіце. Ці ж можаце піць келіх, які Я п’ю, або хрысціцца хростам, якім Я хрышчуся?»
39 #
Мц. 10:17; Лк. 12:50; Ян. 16:33 Яны сказалі Яму: «Можам». Ісус гаворыць ім: «З келіха, з якога Я п’ю, будзеце піць, ды хростам, якім Я хрышчуся, будзеце ахрышчаны.
40 #
Мц. 25:34; Ян. 17:2; Рым. 8:30; Геб. 11:16 Але сядзець праваруч ад Мяне або леваруч не Мне даваць вам, але Кім прыгатавана».
41 #
Мц. 20:24; Лк. 22:24 Чуючы ж гэта, дзесяць пачалі абурацца на Якуба і Яна.
42І, паклікаўшы іх, Ісус кажа: «Ведаеце, што тыя, якія ўважаюцца за валадароў народаў, пануюць над імі, ды князі іх маюць уладу над імі.
43 #
Мц. 20:26; Лк. 9:48 Не так будзе паміж вамі, але хто хацеў бы быць сярод вас большым, хай будзе вашым паслугачом.
44І хто хацеў бы ў вас быць першым, хай будзе паслугачом усіх.
45 #
Мц. 20:28; Лк. 22:27; Ян. 13:14 Бо і Сын Чалавечы не прыйшоў, каб Яму паслугавалі, але каб паслугаваць і даць душу Сваю на адкупленне многіх».
46 #
Мц. 20:29; Лк. 18:35 І прыходзяць у Ерыхон. І калі Ён выходзіў з Ерыхона разам з вучнямі Сваімі і вялікім натоўпам, сляпы Бартымей, сын Тымея, сядзеў пры дарозе і жабраваў.
47 #
Мц. 15:22; Лк. 17:13 Пачуўшы, што гэта Ісус Назарэй, пачаў крычаць і прасіць: «Ісус, Сын Давіда, злітуйся нада мной!»
48І сварыліся многія на яго, каб маўчаў. Але ён тым мацней крычаў: «Сын Давіда, злітуйся нада мной!»
49І Ісус, спыніўшыся, сказаў яго паклікаць. Дык паклікалі сляпога і сказалі яму: «Адважней, уставай, кліча цябе!»
50Ён, скінуўшы плашч свой, падняўся і прыйшоў да Ісуса.
51І, звяртаючыся да яго, Ісус сказаў: «Што хочаш, каб Я табе ўчыніў?» Сляпы адказаў Яму: «Рабоні, каб мне бачыць».
52 #
Мц. 9:22; Лк. 7:50 І Ісус гаворыць яму: «Ідзі, вера твая ўратавала цябе». І зараз жа стаў бачыць і пайшоў за Ісусам па дарозе.
Tans Gekies:
Евангелле паводле Марка Раздзел 10: ББЧ
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© МХРБ «Біблейскае таварыства ў Рэспубліцы Беларусь», 2017
