Евангелле паводле Мацвея Раздзел 12
Раздзел 12
1 #
Паўт. Зак. 23:25; Мк. 2:23; Лк. 6:1 У той час праходзіў Ісус у суботу праз ніву; вучні ж Яго згаладаліся і пачалі зрываць каласы і есці.
2Убачыўшы гэта, фарысеі сказалі Яму: «Вось жа, вучні Твае робяць, чаго не належыць рабіць у дні суботнія».
3 #
1Сам. 21:1-6
Тады Ён сказаў ім: «Ці не чыталі, што зрабіў Давід, калі згаладаўся, ды тыя, што з ім былі?
4 #
Святар. 24:9
Як увайшоў у дом Божы і еў хлябы пакладныя, якіх есці не належала ані яму, ані тым, што з ім былі, але толькі святарам?
5 #
Ліч. 28:9, 10; Ян. 7:22 Ці хіба не чыталі ў законе, што ў суботу святары ў святыні парушаюць шабат і застаюцца без віны?
6Але кажу вам, што тут ёсць большы за святыню.
7 #
Ос. 6:6; Мц. 9:13 Калі б вы ведалі, што значыць: “Міласэрнасці хачу, а не ахвяры”, дык не асуджалі б бязвінных.
8 #
Мк. 2:28
Бо Гаспадаром суботы ёсць Сын Чалавечы».
9 #
Мк. 3:1; Лк. 6:6 І, калі адышоў адтуль, прыйшоў Ён у іх сінагогу.
10 #
Лк. 13:14; Ян. 9:16 І вось, чалавек сухарукі. І спыталі ў Яго, кажучы: «Ці выпадае аздараўляць у суботу?», каб абвінаваціць Яго.
11Ён жа сказаў ім: «Ці будзе сярод вас чалавек, які мае адну авечку, і, калі яна ўваліцца ў роў у суботу, ці ж не возьме ён яе і не выцягне?
12У колькі ж разоў даражэйшы чалавек за авечку? Таму можна дабро рабіць і па суботах».
13Потым гаворыць таму чалавеку: «Выцягні тваю руку». І ён выцягнуў, і сталася яна здаровай, як другая.
14 #
Мк. 3:6; Лк. 6:11; Ян. 5:16 А фарысеі, выйшаўшы, учынілі раду супраць Яго, якім чынам загубіць Яго.
15 #
Мк. 3:7
А Ісус, даведаўшыся пра гэта, пайшоў адтуль. І следам за Ім ішлі многія, і Ён аздараўляў іх усіх
16 #
Мк. 8:26; Лк. 5:14 і загадваў ім, каб Яго не выяўлялі,
17каб споўнілася тое, што было сказана Ісаем прарокам, які казаў:
18 #
Іс. 42:1-4
«Вось жа, Паслугач Мой, Якога Я выбраў, Улюбёнец Мой, у Якім мае ўпадабанне душа Мая. Ускладу Дух Мой на Яго, і абвесціць народам суд.
19 Не будзе спрачацца і не будзе крычаць, ніхто не пачуе голасу Яго на вуліцах.
20 Трысціны надламанай не зломіць і льну тлеючага не патушыць, аж пакуль давядзе суд да перамогі,
21 ды ў Яго імені народы надзею мець будуць».
22 #
Мк. 3:11; Лк. 11:14 Затым прывялі да Яго апанаванага дэманамі, сляпога і нямога, і Ён аздаравіў яго, так што нямы стаў гаварыць і бачыць.
23 #
Ян. 7:42
І ўсе натоўпы дзівіліся і казалі: «Ці ж гэта не Сын Давіда?»
24 #
Мк. 3:22; Лк. 11:15 А фарысеі, чуючы гэта, казалі: «Ён ніяк іначай не выганяе дэманаў, як толькі з дапамогай Бэльзебула, князя дэманаў».
25 #
Мк. 3:24; Лк. 11:17; Адкр. 2:23 Ён жа, ведаючы іх думкі, сказаў ім: «Любое валадарства, падзеленае само ў сабе, апусцее, і любы горад ці дом, раздзелены сам у сабе, не выстаіць.
26 #
Мк. 3:23; Лк. 11:17 А калі шатан шатана выганяе, то і яго раздзірае нязгода. Як жа ўтрымаецца царства яго?
27 #
Лк. 11:19; Дзеі 19:13 І калі Я з дапамогай Бэльзебула выганяю дэманаў, дык з дапамогай каго выганяюць сыны вашы? Вось чаму яны будуць вашымі суддзямі.
28 #
Лк. 11:20
Але калі Я Духам Божым выганяю дэманаў, значыць, прыйшло да вас Валадарства Божае.
29Або як можа хто-небудзь увайсці ў дом асілка і забраць рэчы яго, калі спачатку не звяжа асілка? І толькі тады дом яго абрабуе.
30 #
Лк. 11:23; Ян. 4:36 Хто не са Мною, той супраць Мяне; і хто са Мною не збірае, той раскідае.
31 #
Мк. 3:28; Лк. 12:10; Дзеі 7:51; Геб. 6:4 Таму кажу вам: кожны грэх і блюзненне будуць людзям адпушчаны, але блюзненне на Духа не будзе адпушчана.
32І, калі хто скажа слова супраць Сына Чалавечага, будзе яму даравана, а хто скажа супраць Духа Святога, не будзе яму даравана ані ў гэтым, ані ў будучым веку.
33 #
Лк. 6:43; Ян. 15:4 Альбо прызнайце дрэва добрым і плод яго добрым, альбо прызнайце дрэва ліхім і плод яго ліхім, бо паводле плода пазнаецца дрэва.
34 #
Лк. 3:7; Як. 3:2; Эф. 4:29 Род змяіны! Як жа вы можаце добрае гаварыць, калі самі вы благія. Бо ад паўнаты сэрца і вусны гавораць.
35Добры чалавек з добрага скарбу выносіць добрае, а благі чалавек з благога скарбу выносіць благое.
36Але кажу вам: за любое пустое слова, якое прамовяць людзі, здадуць яны справаздачу пра тое ў судны дзень.
37 #
Лк. 19:22
Бо па словах сваіх будзеш ты апраўданы і па словах сваіх будзеш асуджаны».
38 #
Мк. 8:11; Лк. 11:16; Ян. 2:18; 1Кар. 1:22 Тады адказалі Яму некаторыя кніжнікі і фарысеі, кажучы: «Настаўнік, хацелі б мы бачыць ад Цябе знак».
39 #
Мк. 8:38; Лк. 11:29; 24:46; Ян. 4:48 А Ён, адказваючы, гаворыць ім: «Род ліхі і чужаложны знака патрабуе, але не будзе яму дадзены знак, адно знак Ёны прарока.
40 #
Ёна 2:1
Бо як Ёна быў у чэраве вялікай рыбы тры дні і тры ночы, так Сын Чалавечы будзе ў сэрцы зямлі тры дні і тры ночы.
41 #
Ёна 3:5; Лк. 11:32 Мужы з Нінівы паўстануць перад судом разам з родам гэтым ды асудзяць яго, бо яны навярнуліся згодна пропаведзі Ёны; а вось, тут большы за Ёну!
42 #
1Цар. 10:1-10; 2Пар. 9:1-12; Лк. 11:31 Царыца з поўдня паўстане перад судом з родам гэтым ды асудзіць яго; бо яна прыйшла з краю зямлі паслухаць мудрасці Саламона; а вось, тут большы за Саламона!
43 #
Лк. 11:24; 1Пёт. 5:8 Калі нячысты дух выйдзе з чалавека, ён блукае па бязводных месцах, шукаючы адпачынку, ды не знаходзіць.
44Тады кажа: “Вярнуся ў дом свой, адкуль выйшаў”. Ды, прыйшоўшы, знаходзіць яго пустым, падмеценым і прыбраным.
45 #
Мк. 5:9; Лк. 11:26; Дзеі 1:14 Тады ідзе і бярэ з сабой сем іншых духаў, горшых за сябе, ды, увайшоўшы, жывуць там. І будзе пазнейшае чалавеку таму горшым за першае. Так будзе і гэтаму роду крывадушнаму».
46Калі Ён яшчэ прамаўляў да людзей, вось, Маці і браты Яго сталі звонку, хочучы з Ім пагаварыць.
47 #
Дзеі 1:14
І сказаў Яму хтосьці: «Вось Маці Твая і браты Твае звонку стаяць, хочучы пагаварыць з Табой».
48 #
Ян. 7:6
А Ён, адказваючы таму, хто звяртаўся да Яго, гаворыць: «Хто Маці Мая і хто браты Мае?»
49 #
Ян. 20:17; Рым. 8:29 І, паказваючы рукой Сваёй на вучняў Сваіх, сказаў: «Вось Маці Мая і браты Мае.
50 #
Лк. 8:21; Ян. 6:40; Гал. 5:6; Клс. 3:11 Бо калі хто будзе выконваць волю Айца Майго, Які ёсць у небе, той Мой брат, і сястра, і маці».
Tans Gekies:
Евангелле паводле Мацвея Раздзел 12: ББЧ
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© МХРБ «Біблейскае таварыства ў Рэспубліцы Беларусь», 2017
