Isaiah 37
37
Kumpipa in Isaiah ii Ngaisutna Dongh
(2 Kumpite 19:1-7)
1Hezekiah Kumpipa sia amate ii thupuakte a zaak pawpo ciang khuangai in a puan balkeak a, khau-ip puan silhin Topa Biakinnpi zuan hi. 2Ama in kumpi inn sung ukpa Eliakim, zumsung thuzeakpipa Shebna, le thiampi khanghaamte sia Amoz ii tapa kamsaang Isaiah kungah puak hi. Amate zongh in khau-ip puan silh uh hi. 3Hi thu sia Isaiah tungah a son tu kumpipa ii thupuak hi a: “Tuni sia ngim thuak ni khat ahi hi; daan ih kha a ih maimawl hi. Eite sia numei khat nau suak tu kithoai zo napi, a tha zawm lei hu in a suak zo ngawl taw ih kibang hi. 4Assyria kumpilianpa in a ulianbel pa sia a nungta Pathian nunau tu in paisak zo hi. Hi bang nunaunate Topa na Pathian in za tahen a, nunauna kampaute daan pia tahen. Tua ahiciang a nungta lai ih mite atu in Pathian tungah thungen vun,” ci hi.
5Isaiah in Hezekiah kumpipa tung pan thupuak sia a nga ciang, 6hi bangin zo kik hi: “Topa in note hong hun zo ngawl tu hi ci a, Assyria te ii hong son hangin na patau ngawl natu uh in Topa in note hong son hi. 7Tua kumpilianpa sia a ngam ah a cia kik natu in Topa in kamleang khat zasak tu a, tua zawkciang Topa in tua munah ama kithatlumsak tu hi,” ci hi.
Assyria te in Tawng kik
(2 Kumpite 19:8-19)
8Assyria kumpilianpa sia Lachish khua pan ding zo a, Libnah khuapi naina ah ngalsimin a omna thu Assyria ulianpa in za hi; tua ahikom ama ii tungah thu dongh tu in tua munah ama pai hi. 9Ethiopia kumpipa Tirhakah in Egypt ngalkapte lampui in Assyria te sim tu in hong kuanna thu sia Assyria te in za zo hi. Kumpilianpa in hi thu a zaak ciang, Judah kumpipa Hezekiah tungah lai khat thaak a, 10“Na muan uh pathian in note sia ka khut sung theng ngawl tu hi ci in note hong son zo hi, ahitazong tua thu in note theamsak heak vun. 11Assyria kumpilianpa in lalsak tu in, a khensat sa ngam khat pawpo a vawtna thu sia na za zo uh hi. Suakta zo tu in ki um nu ziam? 12Ka taanghpupite in Gozan, Haran le Rezeph khuapite lalcipsakin, Telassar ah a teang Betheden mite thatlum hi, amate ii pathiante khat zongh in amate hun zo ngawl hi. 13Hamath, Arpad, Sepharvaim, Hena le Ivvah khuapite ii kumpite koi sungah om ziam?” ci in at hi.
14Hezekiah kumpipa in kamtaite tung pan laithak sia saangin sim hi. Tua zawkciang Biakinnpi ah pai in Topa mai ah tua laithak koi in, 15a thungetna ah 16“Cherubim tungah a to, Vaanglianbelpa Topa Israel ii Pathian awng, nangma bekma Pathian hi a, leitung kumpi ngam theampo na uk hi. Nangma in lei le van na bitphua hi. #Pu 25:22 17Tu in Topa awng, hong ngai ta'n a, kote tungah hong piang thute hong en ta'n. A nungta Pathian ahi nang tungah Sennacherib papau in hong nunauna thute theampo ngai in. 18Topa awng, Assyria kumpiliante in minam tam mama susia in, a ngam uh siasak a, 19a pathiante — tuate sia pathian tatak hi ngawl het a, khut taw a vawttawm thing le suang po ii limte bek ahi a pathiante a haltumsak sia ka he siat uh hi. 20Tu in Topa kote Pathian awng, nangma bek Topa na hina thu, leitung ngam theampo in a heak natu in, Assyria te khut sung panin kote hong suatak ta'n,” ci hi.
Kumpipa tungah Isaiah ii Thupuak
(2 Kum 19:20-37)
21Tuaciang kumpipa ii thungetna, Topa ii a zona thu teng sia Isaiah in Hezekiah kumpipa kungah thupuaksak hi. 22Topa in, “Sennacherib awng, Jerusalem khuapi in nang hong nuisan in hong nomu hi. 23Na selno a na nunau sia akua hi tu na um ziam? Keima Israel te ii a thiangtho Pathian hong melsia na hi hi. 24Na siphu ngalleang theampo taw Lebanon mualsaangbel sia na zawna thu, kei tungah a kisuangtaak tu in na naseamte nong puak hi. Nangma in a saangbel cedar thingkung le a hoibel cypress thingkungte tua munah phuktan in, ngam thuk belnate dong na thetna sia kisuantaak na in nong nei hi. 25Ngamdang ah tuikhuk to in tui na neak theina le na ngalkapte in a peangte taw tuanhin Nile ngun a kosak sia na kiphatsak pui hi.
26“Taanghlai pek pan hite theampo ka ngeal sa ahi hunlam za ngeingawl ni ziam? Tuasia, tu in ka zomto zo hi. Kulh taw ki uum khuapi muanhuaite sia niinthukte na suasak natu in thahatna kong pia hi. 27Tualai ah a teang mite sia thahatna nei ngawl a; lau in lungmang uh hi. Amate in lo sungah lopate bang, ahibuale innkhum tungah a po lopate, nisuana sang pan vuisate ii seamkeak bang ahi hi.
28“Ahitazong na thu theampo, bang vawtin, a koisung teng pai cisia ka he siat hi. Ka tungah na thin uukna ka he hi. 29Tua na thin uukna thu le na kiphatsakna thu he siat zo ka hikom tu in na naak ah thikkoai khat kong thua tu a, na kam ah kamkhau thua in, nong paina lampi zui in kong cia kiksak tu hi,” ci hi.
30Tuaciang, Isaiah in Hezekiah kumpipa tungah, “Hi thu in maisang hong piang tu lakna lim ahi hi. Tu kum le mai kum ciangin ngamh an bek na ne tu uh hi; ahizong kum kik ciangin thaicii tu in an na la tu uh a, sapitkung suanin a nga na ne tu uh hi. 31Judah minam sung pan a suakta mite sia khangto in, lei thukna ah zung tha in nga a nga thingno kungte bang hi tu hi. 32Jerusalem khua sung le Zion Mual tungah a suakta mihing om tu hi, banghang ziam cile Vaanglianbelpa Topa in hi bang piangsak tu in khensat zo hi.
33“Tuaciang hi thu sia Assyria kumpilianpa taw kisai Topa ii sonsa ahi hi: ‘Ama in hi khuapi sung tum ngawl tu a, thaltang khat taw zong kap ngawl tu hi. Lum toai ngalkapte kuama khuapi nai ah pai ngawl tu a, a kiim ah ngalnan natu kulh kivawt ngawl tu hi. 34Ama sia hi khuapi sungah tum ngawlin, hong paina lampi ma zui in cia kik tu hi. Keima Topa pau zo khi hi. 35Ka minthan natu le ka naseampa David tungah ka kamciam hu in hi khuapi hungin ka dal tu hi,’ ci hi,” ci hi.
36 Topa ii vantunglalang khat Assyria te ngiaphual ah pai in ngalkap 185,000 thatlum hi. A zing ciang zingsang khuavak tuungin tua munah amate a thi siatsa in kisial hi! 37Tuaciang Assyria kumpilianpa Sennacherib sia nungkin in Nineveh ah heak kik hi. 38Ni khat ni in Sennacherib in a biakinn sungah a pathian Nisroch bia in a om laitak, a tate sung pan nii ahi, Adrammelech le Sharezer te in amate ii namsaute taw a pa thatlum in, tua zawkciang Ararat ngam ah ngelin suakta uh hi. A tate sung pan a dang khat ahi Esarhaddon in a kumpilian za lua hi.
Tans Gekies:
Isaiah 37: SCB2
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Siyin Chin Bible © Bible Society of Myanmar, 2016
Isaiah 37
37
Kumpipa in Isaiah ii Ngaisutna Dongh
(2 Kumpite 19:1-7)
1Hezekiah Kumpipa sia amate ii thupuakte a zaak pawpo ciang khuangai in a puan balkeak a, khau-ip puan silhin Topa Biakinnpi zuan hi. 2Ama in kumpi inn sung ukpa Eliakim, zumsung thuzeakpipa Shebna, le thiampi khanghaamte sia Amoz ii tapa kamsaang Isaiah kungah puak hi. Amate zongh in khau-ip puan silh uh hi. 3Hi thu sia Isaiah tungah a son tu kumpipa ii thupuak hi a: “Tuni sia ngim thuak ni khat ahi hi; daan ih kha a ih maimawl hi. Eite sia numei khat nau suak tu kithoai zo napi, a tha zawm lei hu in a suak zo ngawl taw ih kibang hi. 4Assyria kumpilianpa in a ulianbel pa sia a nungta Pathian nunau tu in paisak zo hi. Hi bang nunaunate Topa na Pathian in za tahen a, nunauna kampaute daan pia tahen. Tua ahiciang a nungta lai ih mite atu in Pathian tungah thungen vun,” ci hi.
5Isaiah in Hezekiah kumpipa tung pan thupuak sia a nga ciang, 6hi bangin zo kik hi: “Topa in note hong hun zo ngawl tu hi ci a, Assyria te ii hong son hangin na patau ngawl natu uh in Topa in note hong son hi. 7Tua kumpilianpa sia a ngam ah a cia kik natu in Topa in kamleang khat zasak tu a, tua zawkciang Topa in tua munah ama kithatlumsak tu hi,” ci hi.
Assyria te in Tawng kik
(2 Kumpite 19:8-19)
8Assyria kumpilianpa sia Lachish khua pan ding zo a, Libnah khuapi naina ah ngalsimin a omna thu Assyria ulianpa in za hi; tua ahikom ama ii tungah thu dongh tu in tua munah ama pai hi. 9Ethiopia kumpipa Tirhakah in Egypt ngalkapte lampui in Assyria te sim tu in hong kuanna thu sia Assyria te in za zo hi. Kumpilianpa in hi thu a zaak ciang, Judah kumpipa Hezekiah tungah lai khat thaak a, 10“Na muan uh pathian in note sia ka khut sung theng ngawl tu hi ci in note hong son zo hi, ahitazong tua thu in note theamsak heak vun. 11Assyria kumpilianpa in lalsak tu in, a khensat sa ngam khat pawpo a vawtna thu sia na za zo uh hi. Suakta zo tu in ki um nu ziam? 12Ka taanghpupite in Gozan, Haran le Rezeph khuapite lalcipsakin, Telassar ah a teang Betheden mite thatlum hi, amate ii pathiante khat zongh in amate hun zo ngawl hi. 13Hamath, Arpad, Sepharvaim, Hena le Ivvah khuapite ii kumpite koi sungah om ziam?” ci in at hi.
14Hezekiah kumpipa in kamtaite tung pan laithak sia saangin sim hi. Tua zawkciang Biakinnpi ah pai in Topa mai ah tua laithak koi in, 15a thungetna ah 16“Cherubim tungah a to, Vaanglianbelpa Topa Israel ii Pathian awng, nangma bekma Pathian hi a, leitung kumpi ngam theampo na uk hi. Nangma in lei le van na bitphua hi. #Pu 25:22 17Tu in Topa awng, hong ngai ta'n a, kote tungah hong piang thute hong en ta'n. A nungta Pathian ahi nang tungah Sennacherib papau in hong nunauna thute theampo ngai in. 18Topa awng, Assyria kumpiliante in minam tam mama susia in, a ngam uh siasak a, 19a pathiante — tuate sia pathian tatak hi ngawl het a, khut taw a vawttawm thing le suang po ii limte bek ahi a pathiante a haltumsak sia ka he siat uh hi. 20Tu in Topa kote Pathian awng, nangma bek Topa na hina thu, leitung ngam theampo in a heak natu in, Assyria te khut sung panin kote hong suatak ta'n,” ci hi.
Kumpipa tungah Isaiah ii Thupuak
(2 Kum 19:20-37)
21Tuaciang kumpipa ii thungetna, Topa ii a zona thu teng sia Isaiah in Hezekiah kumpipa kungah thupuaksak hi. 22Topa in, “Sennacherib awng, Jerusalem khuapi in nang hong nuisan in hong nomu hi. 23Na selno a na nunau sia akua hi tu na um ziam? Keima Israel te ii a thiangtho Pathian hong melsia na hi hi. 24Na siphu ngalleang theampo taw Lebanon mualsaangbel sia na zawna thu, kei tungah a kisuangtaak tu in na naseamte nong puak hi. Nangma in a saangbel cedar thingkung le a hoibel cypress thingkungte tua munah phuktan in, ngam thuk belnate dong na thetna sia kisuantaak na in nong nei hi. 25Ngamdang ah tuikhuk to in tui na neak theina le na ngalkapte in a peangte taw tuanhin Nile ngun a kosak sia na kiphatsak pui hi.
26“Taanghlai pek pan hite theampo ka ngeal sa ahi hunlam za ngeingawl ni ziam? Tuasia, tu in ka zomto zo hi. Kulh taw ki uum khuapi muanhuaite sia niinthukte na suasak natu in thahatna kong pia hi. 27Tualai ah a teang mite sia thahatna nei ngawl a; lau in lungmang uh hi. Amate in lo sungah lopate bang, ahibuale innkhum tungah a po lopate, nisuana sang pan vuisate ii seamkeak bang ahi hi.
28“Ahitazong na thu theampo, bang vawtin, a koisung teng pai cisia ka he siat hi. Ka tungah na thin uukna ka he hi. 29Tua na thin uukna thu le na kiphatsakna thu he siat zo ka hikom tu in na naak ah thikkoai khat kong thua tu a, na kam ah kamkhau thua in, nong paina lampi zui in kong cia kiksak tu hi,” ci hi.
30Tuaciang, Isaiah in Hezekiah kumpipa tungah, “Hi thu in maisang hong piang tu lakna lim ahi hi. Tu kum le mai kum ciangin ngamh an bek na ne tu uh hi; ahizong kum kik ciangin thaicii tu in an na la tu uh a, sapitkung suanin a nga na ne tu uh hi. 31Judah minam sung pan a suakta mite sia khangto in, lei thukna ah zung tha in nga a nga thingno kungte bang hi tu hi. 32Jerusalem khua sung le Zion Mual tungah a suakta mihing om tu hi, banghang ziam cile Vaanglianbelpa Topa in hi bang piangsak tu in khensat zo hi.
33“Tuaciang hi thu sia Assyria kumpilianpa taw kisai Topa ii sonsa ahi hi: ‘Ama in hi khuapi sung tum ngawl tu a, thaltang khat taw zong kap ngawl tu hi. Lum toai ngalkapte kuama khuapi nai ah pai ngawl tu a, a kiim ah ngalnan natu kulh kivawt ngawl tu hi. 34Ama sia hi khuapi sungah tum ngawlin, hong paina lampi ma zui in cia kik tu hi. Keima Topa pau zo khi hi. 35Ka minthan natu le ka naseampa David tungah ka kamciam hu in hi khuapi hungin ka dal tu hi,’ ci hi,” ci hi.
36 Topa ii vantunglalang khat Assyria te ngiaphual ah pai in ngalkap 185,000 thatlum hi. A zing ciang zingsang khuavak tuungin tua munah amate a thi siatsa in kisial hi! 37Tuaciang Assyria kumpilianpa Sennacherib sia nungkin in Nineveh ah heak kik hi. 38Ni khat ni in Sennacherib in a biakinn sungah a pathian Nisroch bia in a om laitak, a tate sung pan nii ahi, Adrammelech le Sharezer te in amate ii namsaute taw a pa thatlum in, tua zawkciang Ararat ngam ah ngelin suakta uh hi. A tate sung pan a dang khat ahi Esarhaddon in a kumpilian za lua hi.
Tans Gekies:
:
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Siyin Chin Bible © Bible Society of Myanmar, 2016