Isaiah 3
3
Jerusalem Khua sungah Buaina
1Tu in Topa, Vaanglianbelpa Topa in Jerusalem le Judah pan mihingte ii tulmawkna theampo, suan le muan mihing theampo laaksak tu in kithoai hi. Topa in amate ii an le tui, 2a ngalhangte le a ngalkapte, a thukhenmangte le a kamsaangte, aisaan theite le a ngam lampuite, 3a ngalkap sang lampuite le a mihon lampuite, a ngam vai thu kinte le thupiangte uk tu a zak mitbum thiamte theampo laaksak tu hi. 4Topa in mihingte sia a khanthin ngawl lai patangte in uksak tu hi. 5Mihing theampo khat le khat tungnut kituu in meetna la tu hi. Khangmoite in khanghaamte zakta ngawl tu a, a mannung ngawl mihingte in a tungsia te zakta ngawl tu hi.
6Amate bee sung pan mihing khat a teal tu hun khat theng tu a, a teal sia pa tungah, “Nang na hile puansilh tawm tu nei buang na hi ciang, hi bang ngim le kham hun sungah kote lampui hong seam ka ven,” ci tu uh hi.
7Ahizong ama in, “Kei hi ngawl khi hi! Hong hu zo ngawl tu khi hi. Ka anneak tu ka puansilh tu nei ngawl khi hi. Na lampui hong seamsak heak vun!” ci in zo kik tu hi.
8Hi peu hi, Jerusalem sia a lal tu hi zo hi! Judah sia a lalal hi zo hi! Amate kampau theampo le a sep a vawt theampo in Topa langpan hi; amate in Pathian mama sia a langh takin selno hi. 9Ngual ngaimaw khol a doidanna sia amate ii puk natu ahi hi. Sodom mite bangin amate in a langh takin mawna khialna vawt uh hi. Amate a lal tu hi zo a, a zon bangin tawk uh hi.
10Thumaan thutang mihingte lungdam tu uh a, amate atu in a pha hong piang tu hi. Amate a sepna bang zui in nuamsa thei tu uh hi. 11Ahihang mi seksolte a lal tu hi zo hi; amate in ngual tung a vawt bangin tu in, amate tungah kivawt tu hi.
12Sum pukthaakte in ka mite zawthawk vawt a, a leiba tote in amate theam uh hi.
Ka mite awng, na lampuite in lam hong pui khial ahikom, na kiheak natu lampi na he bua uh hi.
Topa in A mite Thukhen
13 Topa sia ama ii thu sung tu in kinging hi; ama in a mite tung thukhen tu in kithoai zo hi. 14Topa in ama mihingte ii upate le a lampuite thukhenna thuaksak tu hi. Ama in hi bangin: “Note in sapithuante na suttol uh a, na inn uh sia mizawngte tung pan na laak uh vanhte taw kidim teak hi. 15Ka mite na sukcip natu le mizawngte tung pan meetna laak natu thu bangma na nei bua uh hi. Keima, Vaanglianpipa Topa, Vaanglianbelpa ka pau zo hi,” ci in mawsak hi.
Jerusalem Numeite tung Kidop natu Thupiakna
16 Topa in, “En vun Jerusalem numeite kiphasak mama hi! Amate vandak sa in lampai uh hi. Amate sikvil tawntung hi. Amate a kal tomsakin pai vakhiangh a, a siakmit tungah haakte ngingsak vasial hi. 17Ahihang amate daan ka pia tu hi — a sam uh ka meetsak tu a, lutol in ka nusia tu hi,” ci hi.
18Topa in Jerusalem numeite tung pan tuabang a, a kiphatsak pui nate theampo — a siakmit tungah a but, a lu tungah a tot, a ngawng ah a aw kizepnate, 19tuaciang a khut tung a but haakte theampo a laak tu hun ni khat hong theng tu hi. Ama in a maisitnate le 20a lukhute; a baan tung le a kawngah a vom mitbum aite; 21a khutmete tungah a but khutzungbute le a naakba te; 22puasil puantual te, puantualte, puanvante le a dangka ipte theampo; 23a vang silsial a puanzate, a puanneal dial note, ngawng aw puante le lu tung khuk maisitna puan a saute la siat tu hi.
24Paaknamtuite a zak luangin amate namsia valut tu hi; kawngkhau phate luangin khauhual teang tu hi; a sam hoite taangin a lu uh tol tu hi; puansilh phate luangin, puansia ngapkaai kisilhsak tu hi; a mealhoina in maizumna suak tu hi!
25Hi hi, khuapi sung pasalte, a thahat belte ngawngawn ngal sungah kithatlum tu hi. 26Khuapi kongpite mau in kap tu a, a khuapi mama sia a puan teng kisuutsak a, a pumnguak in lei ah a to numei khat taw kibang tu hi.
Tans Gekies:
Isaiah 3: SCB2
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Siyin Chin Bible © Bible Society of Myanmar, 2016
Isaiah 3
3
Jerusalem Khua sungah Buaina
1Tu in Topa, Vaanglianbelpa Topa in Jerusalem le Judah pan mihingte ii tulmawkna theampo, suan le muan mihing theampo laaksak tu in kithoai hi. Topa in amate ii an le tui, 2a ngalhangte le a ngalkapte, a thukhenmangte le a kamsaangte, aisaan theite le a ngam lampuite, 3a ngalkap sang lampuite le a mihon lampuite, a ngam vai thu kinte le thupiangte uk tu a zak mitbum thiamte theampo laaksak tu hi. 4Topa in mihingte sia a khanthin ngawl lai patangte in uksak tu hi. 5Mihing theampo khat le khat tungnut kituu in meetna la tu hi. Khangmoite in khanghaamte zakta ngawl tu a, a mannung ngawl mihingte in a tungsia te zakta ngawl tu hi.
6Amate bee sung pan mihing khat a teal tu hun khat theng tu a, a teal sia pa tungah, “Nang na hile puansilh tawm tu nei buang na hi ciang, hi bang ngim le kham hun sungah kote lampui hong seam ka ven,” ci tu uh hi.
7Ahizong ama in, “Kei hi ngawl khi hi! Hong hu zo ngawl tu khi hi. Ka anneak tu ka puansilh tu nei ngawl khi hi. Na lampui hong seamsak heak vun!” ci in zo kik tu hi.
8Hi peu hi, Jerusalem sia a lal tu hi zo hi! Judah sia a lalal hi zo hi! Amate kampau theampo le a sep a vawt theampo in Topa langpan hi; amate in Pathian mama sia a langh takin selno hi. 9Ngual ngaimaw khol a doidanna sia amate ii puk natu ahi hi. Sodom mite bangin amate in a langh takin mawna khialna vawt uh hi. Amate a lal tu hi zo a, a zon bangin tawk uh hi.
10Thumaan thutang mihingte lungdam tu uh a, amate atu in a pha hong piang tu hi. Amate a sepna bang zui in nuamsa thei tu uh hi. 11Ahihang mi seksolte a lal tu hi zo hi; amate in ngual tung a vawt bangin tu in, amate tungah kivawt tu hi.
12Sum pukthaakte in ka mite zawthawk vawt a, a leiba tote in amate theam uh hi.
Ka mite awng, na lampuite in lam hong pui khial ahikom, na kiheak natu lampi na he bua uh hi.
Topa in A mite Thukhen
13 Topa sia ama ii thu sung tu in kinging hi; ama in a mite tung thukhen tu in kithoai zo hi. 14Topa in ama mihingte ii upate le a lampuite thukhenna thuaksak tu hi. Ama in hi bangin: “Note in sapithuante na suttol uh a, na inn uh sia mizawngte tung pan na laak uh vanhte taw kidim teak hi. 15Ka mite na sukcip natu le mizawngte tung pan meetna laak natu thu bangma na nei bua uh hi. Keima, Vaanglianpipa Topa, Vaanglianbelpa ka pau zo hi,” ci in mawsak hi.
Jerusalem Numeite tung Kidop natu Thupiakna
16 Topa in, “En vun Jerusalem numeite kiphasak mama hi! Amate vandak sa in lampai uh hi. Amate sikvil tawntung hi. Amate a kal tomsakin pai vakhiangh a, a siakmit tungah haakte ngingsak vasial hi. 17Ahihang amate daan ka pia tu hi — a sam uh ka meetsak tu a, lutol in ka nusia tu hi,” ci hi.
18Topa in Jerusalem numeite tung pan tuabang a, a kiphatsak pui nate theampo — a siakmit tungah a but, a lu tungah a tot, a ngawng ah a aw kizepnate, 19tuaciang a khut tung a but haakte theampo a laak tu hun ni khat hong theng tu hi. Ama in a maisitnate le 20a lukhute; a baan tung le a kawngah a vom mitbum aite; 21a khutmete tungah a but khutzungbute le a naakba te; 22puasil puantual te, puantualte, puanvante le a dangka ipte theampo; 23a vang silsial a puanzate, a puanneal dial note, ngawng aw puante le lu tung khuk maisitna puan a saute la siat tu hi.
24Paaknamtuite a zak luangin amate namsia valut tu hi; kawngkhau phate luangin khauhual teang tu hi; a sam hoite taangin a lu uh tol tu hi; puansilh phate luangin, puansia ngapkaai kisilhsak tu hi; a mealhoina in maizumna suak tu hi!
25Hi hi, khuapi sung pasalte, a thahat belte ngawngawn ngal sungah kithatlum tu hi. 26Khuapi kongpite mau in kap tu a, a khuapi mama sia a puan teng kisuutsak a, a pumnguak in lei ah a to numei khat taw kibang tu hi.
Tans Gekies:
:
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Siyin Chin Bible © Bible Society of Myanmar, 2016