Isaiah 23
23
Phoenicia taw kisai Thupuak
1Hisia in Tyre taw kisai thupuak ahi hi. Tuipi tung a pai teambaw hawlte awng, khuangai in kap vun! Teambaw tawlngakna na khuapi Tyre sia kilalsak zo hi; a innte le teambaw tawlngakna munte lalcip in om hi. Na teambawte Cyprus pan hong heak kik ciang hi thute na za uh hi. #Eze 26:1—28:19; Jol 3:4-8; Amo 1:9-10; Zec 9:1-4; Mt 11:21-22; Lk 10:13-14 2Sidon sumvawtte awng, tau in kap vun! 3Egypt ngam ah a piang ante a lei a zuak tu le ngam theampo taw sum vawt kipee tu in tuipi kaantan in mihingte na paisak uh hi.
4Sidon khuapi awng, na maimawl hi! Tuipi le tuipi thuk liante in nang hong nialin, “Kei ta khat zongh nei ngei bong. Tapate, tanute ka vaak ka taa ngei bua hi” ci hi.
5Tyre khua lalna thu a zaak uh ciang Egypt mite ngawngawn liinglawngin thinkiam tu uh hi.
6No Phoenicia mite awng, he in kap vun! Na suatak natu in Spain ngam zot tu hanciam vun! 7Hisia in taanghlai pekin a kisaat Tyre khua nuam hi thei na tu ziam? Tuipi kaantan in ngamthakte saatin a teang tu mite a puak sia hi khuapi ahi ziam? 8Kumpi khuapi ahi, leitung ah ngual ii zatak, sumvawt thiamte ii khuapi ahi, Tyre khua ah hi bang theampo a pian natu in akua in ngeal ziam? 9Vaanglianbelpa Topa in ngeal hi. Amate ii nasepna tungah a kiphatsak nate a bo natu le a zatak mite maizum natu in Topa in ngeal hi.
10Spain ngam ah ngamthak saatin a teang no mihingte awng, pai in lotho vun! No hong khoi tu kuama om nawn ngawl hi. 11Topa in tuipi tungah a khut vaan in kumpi ngamte lawnthal zo hi. Phoenicia sum vawtna phualpite a kilalsak natu in ama in thupia zo hi. 12Sidon khuapi awng, na lungdamna bo zo in, na mite in zawthawk thuak uh hi. Amate Cyprus ah a suakta zongin, ngammuang tuan ngawl tu uh hi.
13(Tyre khuapi ngamsate tatna a suaksak sia Assyrian te hi ngawlin, Babylon te ahi uh hi. Ngal matna tausaangte a sa, Tyre khua kulhte a pheltham le khuapi susia in a nusiate sia Babylon te ahi hi.)
14Tuipi tung a pai teambaw naseamte awng, khuangai in kap vun! Na muan uh khuapi sia kilalcipsak zo hi.
15Tyre khua sia kumpi khang khat, kum sawmsali sung a kimakngil tu hun hong theng tu hi. Tua kumte a cin zawkciang, Tyre sia hi la sungah pumpi kizuak numei bang hi tu hi:
16Kuama ii phaw ngawl,
a khuangai huai pumpi kizuak numei awng,
na tengtongh la in khuapi kiimkot in pai in!
Pate khatvei na kung hong zot kik thei natu in
tengtongh tumin na lasakte sa kik in.
17Kum sawmsali a cin ciang, Topa in Tyre khuapi sia ama sep ngei sia ma seam kiksak tu a, leitung kumpi ngam theampo ah ama le ama a pumpi kizuak tu hi. 18Ama ii sumvawtna pan a thalaw sumte Topa tungah ki aap tu hi. Ama in tua sumte kholcip thawthong ngawlin, Topa a bia mite in amate atu a kisamh an le puante leina in zangh tu hi.
Tans Gekies:
Isaiah 23: SCB2
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Siyin Chin Bible © Bible Society of Myanmar, 2016
Isaiah 23
23
Phoenicia taw kisai Thupuak
1Hisia in Tyre taw kisai thupuak ahi hi. Tuipi tung a pai teambaw hawlte awng, khuangai in kap vun! Teambaw tawlngakna na khuapi Tyre sia kilalsak zo hi; a innte le teambaw tawlngakna munte lalcip in om hi. Na teambawte Cyprus pan hong heak kik ciang hi thute na za uh hi. #Eze 26:1—28:19; Jol 3:4-8; Amo 1:9-10; Zec 9:1-4; Mt 11:21-22; Lk 10:13-14 2Sidon sumvawtte awng, tau in kap vun! 3Egypt ngam ah a piang ante a lei a zuak tu le ngam theampo taw sum vawt kipee tu in tuipi kaantan in mihingte na paisak uh hi.
4Sidon khuapi awng, na maimawl hi! Tuipi le tuipi thuk liante in nang hong nialin, “Kei ta khat zongh nei ngei bong. Tapate, tanute ka vaak ka taa ngei bua hi” ci hi.
5Tyre khua lalna thu a zaak uh ciang Egypt mite ngawngawn liinglawngin thinkiam tu uh hi.
6No Phoenicia mite awng, he in kap vun! Na suatak natu in Spain ngam zot tu hanciam vun! 7Hisia in taanghlai pekin a kisaat Tyre khua nuam hi thei na tu ziam? Tuipi kaantan in ngamthakte saatin a teang tu mite a puak sia hi khuapi ahi ziam? 8Kumpi khuapi ahi, leitung ah ngual ii zatak, sumvawt thiamte ii khuapi ahi, Tyre khua ah hi bang theampo a pian natu in akua in ngeal ziam? 9Vaanglianbelpa Topa in ngeal hi. Amate ii nasepna tungah a kiphatsak nate a bo natu le a zatak mite maizum natu in Topa in ngeal hi.
10Spain ngam ah ngamthak saatin a teang no mihingte awng, pai in lotho vun! No hong khoi tu kuama om nawn ngawl hi. 11Topa in tuipi tungah a khut vaan in kumpi ngamte lawnthal zo hi. Phoenicia sum vawtna phualpite a kilalsak natu in ama in thupia zo hi. 12Sidon khuapi awng, na lungdamna bo zo in, na mite in zawthawk thuak uh hi. Amate Cyprus ah a suakta zongin, ngammuang tuan ngawl tu uh hi.
13(Tyre khuapi ngamsate tatna a suaksak sia Assyrian te hi ngawlin, Babylon te ahi uh hi. Ngal matna tausaangte a sa, Tyre khua kulhte a pheltham le khuapi susia in a nusiate sia Babylon te ahi hi.)
14Tuipi tung a pai teambaw naseamte awng, khuangai in kap vun! Na muan uh khuapi sia kilalcipsak zo hi.
15Tyre khua sia kumpi khang khat, kum sawmsali sung a kimakngil tu hun hong theng tu hi. Tua kumte a cin zawkciang, Tyre sia hi la sungah pumpi kizuak numei bang hi tu hi:
16Kuama ii phaw ngawl,
a khuangai huai pumpi kizuak numei awng,
na tengtongh la in khuapi kiimkot in pai in!
Pate khatvei na kung hong zot kik thei natu in
tengtongh tumin na lasakte sa kik in.
17Kum sawmsali a cin ciang, Topa in Tyre khuapi sia ama sep ngei sia ma seam kiksak tu a, leitung kumpi ngam theampo ah ama le ama a pumpi kizuak tu hi. 18Ama ii sumvawtna pan a thalaw sumte Topa tungah ki aap tu hi. Ama in tua sumte kholcip thawthong ngawlin, Topa a bia mite in amate atu a kisamh an le puante leina in zangh tu hi.
Tans Gekies:
:
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Siyin Chin Bible © Bible Society of Myanmar, 2016