TOWUNÖT Kitoröt
Kitoröt
Ngölyontonï le “Towunöt” kï, kitoröto kïgh anta syakat anta apite. Kïpöghisyegho ngölyontonï kekurtegho kitapunï pö tagh pö Kisilat nyo pö Köny ompöwölo röru wölo kingwïnta ngwïnya nko kitoröto ptangengmöt nko pipö Israel. Kichagh kegh kitapunï pö Towunöt ompö woptin odeny cho echön choni kï, ngala könyisyok cho pö ptangengmöt (kuka 1-11) nko ngala könyisyok cho pö pipö Israel (kuka 12-50).
Pköchini chi nyo somönöy lasiny nyo pö nyoman lö, ngalechete lapay mi kitapu Towunöt kï pö Tororöt kegh. Kökïmwowï nyo tagh lö, nyinte nyo kigh yïm nko ngwïny (kigh tïkwïn löwïr), akï kïngata towunöt, kiyomis nyinte lö osoyönöy ngwïny, akuwanta kuror lö letöy tagh kusoyönöy ptangengmöt. Kikikir ngalechete ompö kighanat nyo chïchïmate lö, Tororöt nyo le Ighinto tïkwïn löwïr.
Ngal cho mi ori
Ighata ngwïny nko yïm nko ptangengmöt 1:1–2:25
Towunöto ngokï nko nyarïl 3:1-24
Kïngeta Adam ntökwit Noa 4:1–5:32
Noa nko pögh cho kilum kor 6:1–10:32
Teksyo Papilon 11:1-9
Kingeta Syem ntökwit Apram 11:10-32
Apraam nko Isak nko Yakopo 12:1–35:29
Pipö ara Esau 36:1-43
Yosep nko werkökwa 37:1–45:28
Pipö Israel ompö Misri 46:1–50:26
Tans Gekies:
TOWUNÖT Kitoröt: PIPÏLIA
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
©Bible Society of Kenya, 2019