Iruutu 4
4
Ibowazị ộ nyị Iruutu
1Ibowazị ọnị ộ nọ aha eyọgẹ anẹkụra, oze ovwoovu ẹkụra, dị ọ yaayịtẹ nị. Ọ mẹ̀ yà ịzọọ, dị anda Ẹrịmẹrẹkị ọnị Ibowazị kà ịrẹyị aanị aa parahu ịzọọ nị. Dị Ibowazị ka, “Va yaatụ ịzẹnị ọta amị.” Dị ọnọrụ ọnọọ na yaatụ nị. 2Dị Ibowazị hị́ ẹnị ẹẹwụ ịnị azọkụ ẹkụra ka ẹnịnị ẹ̀ yaatụ ịzọọ nị. Ịjị ẹ sị yaatụ, 3di Ibowazị kà a yị anda ẹnịnị ọnọnị ka, “Inawomi ana hụrẹ ẹtẹ Imowabi vẹ aa ná ẹtẹ Ẹrịmẹrẹkị ana vị ọọnyara ayị. 4Mê ro ka a vọrọ ka ma kà a yị wụ, dị wa hị́ ọ ịnị eyi anda ayị ọnịrị azọkụ ayị ene hi ẹtẹ aanị. Wèe sì ka waa hị́, ụ hị́ ọ, wẹ̀ yị rẹ hị́ ọ, waa kà a mị dị ma yẹ. Wâ yẹ ka ẹwụ ọ vọrọ tụra ka ọ̀ hị́ ọ nị. Wẹ̀ yị hị́ ọ, di o si tù mị.” Dị ọnọrụ ọnọọ ka, “Maa hị́ ọ de!” 5Dị Ibowazị ka, “Oo zoza. Ịhị wàa hị́ ẹtẹ ọnọọ hụụnị ụvọ Inawomi, ụ rẹẹ vaa sị Iruutu Animowabi ọnị ọva anị sú nị. Wàa vavọọ sị ọ, dị ọ̀ ma ozi ana vaa kú ogu ọza ene sú aanị, dị aa sị ẹtẹ ọnọọ tamayị ịrẹha anị.” 6Dị ọnọrụ ana a ka ọ̀ hị́ ẹtẹ kà, “Àa vị avọọ yọ nị, mẹ yị zụ hị́ ọ o! Mẹ yị nyị ẹngụ tọ́ irenu yị ọza rị uye. Wa hị́ ọ. Mẹ yị zụ hị́ ọ o.” 7#Ọda 25.9Ịnị ịyẹẹyẹ, â nyị ịsị Anisirẹrị nịnị mẹ. Ẹ̀ẹ yaa hị́ ẹtẹ varẹma ọnịrị ẹ̀ẹ yaa ná ẹtẹ dị ọza ịnya tụ adava anị ọnya, dị ọ sị yị ọsa. Avọọ a mẹẹ mẹ ivenu tụ̀ ịnị ẹtẹ ana ná nị. 8Ọnọrụ ọnọọ mẹ̀ ka yị Ibowazị ka ọ̀ hị́ ọ de, dị ọ tụ adava anị dị ọ sị yị Ibowazị nị. 9Dị Ibowazị kà, “Ma raà hị́ avaba ogu Ẹrịmẹrẹkị ọnịrị ogu ezi anị Imahironi ọnịrị Ikiriyoni hụụnị ụvọ Inawomi. Ẹwụ nịnị azọkụ ọnịrị aza ene hi ịzẹnị vị onivenu amị ajịnị. 10#Ọda 25.5,6Ẹma kụkụ nyị Iruutu ana vị Animowabi ana vịdị vị ose Imahironi nị. Ose emi ọ kụkụ vị nị. Ozi ọnị ọ̀ọ na ma ọnị ọ vaa sịị hị́ ịrẹha ada anị ene sú nị. Ọsọnị ọ vaa mẹ ka asị anda ẹnịnị ọnịrị anẹkụra amị hi ayị ada anị ịzị ọvịdị ra nị. Ẹwụ nịnị ọ vị onivenu amị ajịnị nị o!” 11#Oyn 29.31Dị avaba aza ene hị́ ịzọọ beri azọkụ nịnị ka, “Ee, avaba ayị vị onivenu. Ẹnẹyịmavara ọ̀ navọ ọnẹẹ ana aa vẹ ịnị eehi awụ aanị ọ̀ ma ozi anka Irechẹrị ọnịrị Iriya. Ozi Irechẹrị ọnịrị Iriya ẹ mẹ ka irehi Isirẹrị ọ̀ yara. Ẹnẹyịmavara ọ̀ va sị wụ tụ ẹbẹẹba ịnị ịrẹsụ Ehwirati, dị wa va ngụ ịrẹyị ịnị ẹkụra Ịbẹtịrẹhẹmị. 12#Oyn 38.27-30Ezi ọnị Ẹnẹyịmavara ọ̀ọ sị yị wụ ịnị ẹngụ ọnẹẹ ọnọọ ọ̀ va sị mẹẹ anka ovwoovu Ịpẹrẹzị oni Ịtama ma yị Ijuda.”
Iruutu ọ vị ọnyị ọbanyị Idevidi ana vị ohinọyị nị
13Ịzẹyịza, di Ibowazị sị Iruutu, dị Iruutu kụkụ vị ose anị nị. Dị Ẹnẹyịmavara mẹ ka Iruutu ọ̀ zyẹẹ, dị ọ ma ozi ọnọrụ nị. 14Dị anyẹnẹẹ anẹkụra ọnọọ kà a yị Inawomi ka, “Yâ kụ́ Ẹnẹyịmavara avọ. Ọ raa mẹ̀ ka wa nyị ọdọmịrẹsụ tụ́ ẹhẹ ajịnị. Ọ maa navọ ozi ọnọọ ọ̀ va ngụ ịrẹyị ịnị ẹtẹ Isirẹrị. 15Ose ozi ẹwụ ọnọnị ô sì ịrẹyị awụ. Ọnị ọ ma ozi ọnọọ yị wụ nị. Ô huna ezi ọnọrụ ịhịmba yị wụ. Ozi ọnọnị va sị ụkata awụ vara ọwọọwa. Ọ va tẹsị awụ wèe sị bo.” 16Dị Inawomi si ozi ọnọọ pè ẹngụ dị aa pa a nị. 17Dị Ẹnyẹnẹẹ anokokooro ọnọọ aa kà a zị ka a si ozi ọnọrụ ma yị Inawomi. Dị ẹ ka ịrẹha aanị ọ rị Ọbẹdị nị. Ọbẹdị ọnọnị ọ vị ada Ijeese, dị Ijeese ọnị vị ada Idevidi ana vị ohinọyị nị.
18Ezi Ịpẹrẹzị m maa vaa hị́ aanị nị: Ịpẹrẹzị vị ada Ihezironi, 19Ihezironi vị ada Irami, Irami vị ada Aminadabi, 20Aminadabi vị ada Inahisoni, Inahisoni vị ada Ịsarịmọnị, 21Ịsarịmọnị vị ada Ibowazị, Ibowazị vị ada Ọbẹdị, 22Ọbẹdị vị ada Ijeese, dị Ijeese ọnị vị ada Idevidi ana vị ohinọyị nị.
Tans Gekies:
Iruutu 4: EBTP
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Ebira First Bible © Bible Society of Nigeria, 2014.
Iruutu 4
4
Ibowazị ộ nyị Iruutu
1Ibowazị ọnị ộ nọ aha eyọgẹ anẹkụra, oze ovwoovu ẹkụra, dị ọ yaayịtẹ nị. Ọ mẹ̀ yà ịzọọ, dị anda Ẹrịmẹrẹkị ọnị Ibowazị kà ịrẹyị aanị aa parahu ịzọọ nị. Dị Ibowazị ka, “Va yaatụ ịzẹnị ọta amị.” Dị ọnọrụ ọnọọ na yaatụ nị. 2Dị Ibowazị hị́ ẹnị ẹẹwụ ịnị azọkụ ẹkụra ka ẹnịnị ẹ̀ yaatụ ịzọọ nị. Ịjị ẹ sị yaatụ, 3di Ibowazị kà a yị anda ẹnịnị ọnọnị ka, “Inawomi ana hụrẹ ẹtẹ Imowabi vẹ aa ná ẹtẹ Ẹrịmẹrẹkị ana vị ọọnyara ayị. 4Mê ro ka a vọrọ ka ma kà a yị wụ, dị wa hị́ ọ ịnị eyi anda ayị ọnịrị azọkụ ayị ene hi ẹtẹ aanị. Wèe sì ka waa hị́, ụ hị́ ọ, wẹ̀ yị rẹ hị́ ọ, waa kà a mị dị ma yẹ. Wâ yẹ ka ẹwụ ọ vọrọ tụra ka ọ̀ hị́ ọ nị. Wẹ̀ yị hị́ ọ, di o si tù mị.” Dị ọnọrụ ọnọọ ka, “Maa hị́ ọ de!” 5Dị Ibowazị ka, “Oo zoza. Ịhị wàa hị́ ẹtẹ ọnọọ hụụnị ụvọ Inawomi, ụ rẹẹ vaa sị Iruutu Animowabi ọnị ọva anị sú nị. Wàa vavọọ sị ọ, dị ọ̀ ma ozi ana vaa kú ogu ọza ene sú aanị, dị aa sị ẹtẹ ọnọọ tamayị ịrẹha anị.” 6Dị ọnọrụ ana a ka ọ̀ hị́ ẹtẹ kà, “Àa vị avọọ yọ nị, mẹ yị zụ hị́ ọ o! Mẹ yị nyị ẹngụ tọ́ irenu yị ọza rị uye. Wa hị́ ọ. Mẹ yị zụ hị́ ọ o.” 7#Ọda 25.9Ịnị ịyẹẹyẹ, â nyị ịsị Anisirẹrị nịnị mẹ. Ẹ̀ẹ yaa hị́ ẹtẹ varẹma ọnịrị ẹ̀ẹ yaa ná ẹtẹ dị ọza ịnya tụ adava anị ọnya, dị ọ sị yị ọsa. Avọọ a mẹẹ mẹ ivenu tụ̀ ịnị ẹtẹ ana ná nị. 8Ọnọrụ ọnọọ mẹ̀ ka yị Ibowazị ka ọ̀ hị́ ọ de, dị ọ tụ adava anị dị ọ sị yị Ibowazị nị. 9Dị Ibowazị kà, “Ma raà hị́ avaba ogu Ẹrịmẹrẹkị ọnịrị ogu ezi anị Imahironi ọnịrị Ikiriyoni hụụnị ụvọ Inawomi. Ẹwụ nịnị azọkụ ọnịrị aza ene hi ịzẹnị vị onivenu amị ajịnị. 10#Ọda 25.5,6Ẹma kụkụ nyị Iruutu ana vị Animowabi ana vịdị vị ose Imahironi nị. Ose emi ọ kụkụ vị nị. Ozi ọnị ọ̀ọ na ma ọnị ọ vaa sịị hị́ ịrẹha ada anị ene sú nị. Ọsọnị ọ vaa mẹ ka asị anda ẹnịnị ọnịrị anẹkụra amị hi ayị ada anị ịzị ọvịdị ra nị. Ẹwụ nịnị ọ vị onivenu amị ajịnị nị o!” 11#Oyn 29.31Dị avaba aza ene hị́ ịzọọ beri azọkụ nịnị ka, “Ee, avaba ayị vị onivenu. Ẹnẹyịmavara ọ̀ navọ ọnẹẹ ana aa vẹ ịnị eehi awụ aanị ọ̀ ma ozi anka Irechẹrị ọnịrị Iriya. Ozi Irechẹrị ọnịrị Iriya ẹ mẹ ka irehi Isirẹrị ọ̀ yara. Ẹnẹyịmavara ọ̀ va sị wụ tụ ẹbẹẹba ịnị ịrẹsụ Ehwirati, dị wa va ngụ ịrẹyị ịnị ẹkụra Ịbẹtịrẹhẹmị. 12#Oyn 38.27-30Ezi ọnị Ẹnẹyịmavara ọ̀ọ sị yị wụ ịnị ẹngụ ọnẹẹ ọnọọ ọ̀ va sị mẹẹ anka ovwoovu Ịpẹrẹzị oni Ịtama ma yị Ijuda.”
Iruutu ọ vị ọnyị ọbanyị Idevidi ana vị ohinọyị nị
13Ịzẹyịza, di Ibowazị sị Iruutu, dị Iruutu kụkụ vị ose anị nị. Dị Ẹnẹyịmavara mẹ ka Iruutu ọ̀ zyẹẹ, dị ọ ma ozi ọnọrụ nị. 14Dị anyẹnẹẹ anẹkụra ọnọọ kà a yị Inawomi ka, “Yâ kụ́ Ẹnẹyịmavara avọ. Ọ raa mẹ̀ ka wa nyị ọdọmịrẹsụ tụ́ ẹhẹ ajịnị. Ọ maa navọ ozi ọnọọ ọ̀ va ngụ ịrẹyị ịnị ẹtẹ Isirẹrị. 15Ose ozi ẹwụ ọnọnị ô sì ịrẹyị awụ. Ọnị ọ ma ozi ọnọọ yị wụ nị. Ô huna ezi ọnọrụ ịhịmba yị wụ. Ozi ọnọnị va sị ụkata awụ vara ọwọọwa. Ọ va tẹsị awụ wèe sị bo.” 16Dị Inawomi si ozi ọnọọ pè ẹngụ dị aa pa a nị. 17Dị Ẹnyẹnẹẹ anokokooro ọnọọ aa kà a zị ka a si ozi ọnọrụ ma yị Inawomi. Dị ẹ ka ịrẹha aanị ọ rị Ọbẹdị nị. Ọbẹdị ọnọnị ọ vị ada Ijeese, dị Ijeese ọnị vị ada Idevidi ana vị ohinọyị nị.
18Ezi Ịpẹrẹzị m maa vaa hị́ aanị nị: Ịpẹrẹzị vị ada Ihezironi, 19Ihezironi vị ada Irami, Irami vị ada Aminadabi, 20Aminadabi vị ada Inahisoni, Inahisoni vị ada Ịsarịmọnị, 21Ịsarịmọnị vị ada Ibowazị, Ibowazị vị ada Ọbẹdị, 22Ọbẹdị vị ada Ijeese, dị Ijeese ọnị vị ada Idevidi ana vị ohinọyị nị.
Tans Gekies:
:
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Ebira First Bible © Bible Society of Nigeria, 2014.