Ọdọvịdị 4
4
Idebora ọnịrị Ịbarakị
1Ịrẹma ọnị Ehudi wusu, dị Anisirẹrị nịnị rẹ nyima aa mẹ akamawụ hi Ẹnẹyịmavara nị. 2Agụvị avọọ dị Ẹnẹyịmavara navọ Ijabini ohinọyị Ihazori ọ dọ Isirẹrị, Ọga isoja Ijabini vị ana ra Iharọsẹtị-Ịhagọyimi. 3Isoja Ijabini ệ nyị ịkẹkẹ ịrẹkụ enyusẹ akanarẹchẹhị. Ịrayị oohu Ijabini mẹ Anisirẹrị ọnị ẹzụ mẹ ẹvụ nị. Ịjị ụya sị hụ wa dị ẹ da ịpẹ yị Ẹnẹyịmavara kà ọ gụ ẹnị ụvọ. 4Ịnị ụmẹ ọnọọ, Idebora ana vị ose Irapidoti ana vị ọnịsẹ ộ vị ọdọvịdị Anisirẹrị nịnị nị. 5Ọọ̄ yaatẹ iruvo ọsọchị ọnya aanị ana ya ịnị akakana ẹkụra Iraama ọnịrị Ibeteri ịrẹsụ ataba Ehwireemi, dị aza eē vee họ̀ use ajuwe hụụnị ụvọ anị. 6Ẹkụhị ọnya, dị ọ tụ́ hị́ Ịbarakị ozi Abinowami hụrị Ịkẹdẹsị ịnị ẹtẹ Inahwitari, Idebora ka Ẹnẹyịmavara, Ohomorihi Anisirẹrị ô mẹ ọda ka Ịbarakị ọ̀ kụ aza akawụ-akawụ oze ẹẹhị hụrị ịrẹsụ Inahwitari ọnịrị Izeburuni nọ ịrẹsụ ataba Ịtabọ. 7Ẹnẹyịmavara kà oni vee vene Isisera ana vị ọga isoja Ijabini ka ọ kụ isoja anị anaaa sị ahụ ọnịrị ịkẹkẹ ịrẹkụ vara gẹrẹ ọ ịnị okuha Ikisoni, Ẹnẹyịmavara kà ọnị vaa sị wa chire Ịbarakị ụvọ. 8Dị Ịbarakị kà a, ọnị ẹ yị vaa nọ ịrẹkụ ọnọọ, ẹ̀ẹ vị Idebora saasa ọnị. 9Idebora ka ọnị vaa saasa a. Ama Ịbarakị ẹ yị vaa nyị ụga tu ịnị anị agụvị ka Ẹnẹyịmavara vị ana vaa mẹ ka ọnyẹnẹẹ ọ nyị ẹbẹẹba Isisera. Ịzẹyịza, dị Idebora saasa Ịbarakị nọ Ịkẹdẹsị nị. 10Ịbarakị ộ kụ́ isoja Anizeburuni ọnịrị Aninahwitari akawụ-akawụ oze ẹẹhị nọ ịrẹkụ Ịkẹdẹsị, dị Idebora saasa a nị. 11Ịnị ụmẹ ọnọọ, Iheberi ana vị Anikeni vị ana jị ajẹngụ anị gụrị Ịkẹdẹsị ọgụrị ọchị ooki Izananimi. Evere Ihobabi ana vị ọyẹ Imosiisi ọ vị nị. Ộ ka hụrẹ ẹngụ ada ẹnịnị Anikeeni nị. 12Ịjị Isisera wụ́ ka Ịbarakị ộ raà hịrẹ nọ Ataba Ịtabọ, 13dị ọ kụ́ isoja anị akanarẹchẹhị ana aā sị ịkẹkẹ ịrẹkụ enyusẹ ọnịrị ẹnị anaā sịị ahụ kụ́ ịrẹkụ hụrị Iharọsẹtị-Ịhagọyimi na ngụ okuha Ikisoni. 14Ịjị Idebora re wa kẹnẹ, di o nowu ka Ịbarakị ọ kwẹẹtẹ ka ajịnị Ẹnẹyịmavara aa sị Isisera chire e ụvọ nị. Ẹnẹyịmavara ya ọvịdị ẹnịnị aa nọ ịrẹkụ. Agụvị avọọ dị Ịbarakị chi hụrị ịrẹsụ Ataba Ịtabọ, dị isoja akawụ-akawụ oze ẹẹhị saasa a nọ ịrẹkụ nị. 15Ẹnẹyịmavara ộ va Isisera ọnịrị isoja ana kụ ịkẹkẹ ịrẹkụ ne beri avaba isoja anị zi nị. Ịjị Isisera re ka ẹtẹ ọ sị va zi, di o ji hụụ ịrẹsụ ịkẹkẹ ịrẹkụ anị ee zwe nị. 16Dị Ịbarakị ọnịrị isoja dụ wa ngụ Iharọsẹtị-Ịhagọyimi nị. Avaba isoja Isisera vị ọnị ịrẹkụ rị bemi-bemi. 17Isisera ô zwe na ngụ ajẹngụ Ijayẹrị ose Iheberi ana vị Anikeeni agụvị ka Ijabini Ohinọyị Ịhazọ ọnịrị aza Iheberi ee ze. 18Dị Ijayẹrị jịnẹ na kụ Isisera, dị ọ ka Isisera ọ ngụ ịnị ajẹngụ anị, asị o hí angwa nị. Ọ́ mẹ ngụ eehi, dị ọ hụtụ, dị Ijayẹrị va achị ọ tịtẹ nị. 19Dị ọ ka Ijayẹrị ọ ka enyi yị ọnị agụvị ka onyi aa kụ ọnị nị. Dị Ijayẹrị hụ achuchu ịtụmpa ọnị ọ sị ịrẹva ụnọ tụ, dị ọ ka yọ, dị ọ sị ọ tẹ̀ nị. 20Isisera kà yị ọnẹẹ ọnọọ ka ọ jẹẹ enoze, àa nyị ọza ene ve họ̀ use ka àa nyị ọza ịzẹnị? O tụ́ o ka eyiye. 21Ịjị ara ẹngwẹngụ dọ ọ tịtẹ, dị Ijayẹrị ose Iheberi sị ịhama ọnịrị ẹka ajẹngụ, dị ọ na hẹẹ, dị ọ kanyị ọ hi eyi ụvọrị ịrẹsụ anị na za ẹtẹ, dị ọ wụ̀ ọ nị. 22Ịjị Ịbarakị sì ọ na ngụ ịzọọ, dị Ijayẹrị jịnẹ tụ ẹhẹ ne tụ ọ, dị ọ ka ọ ngụ ajẹngụ ne re ọza oni ee sì. Di e ngụ eehi ne tụ ka ô wusu tịtẹ babaraba ọnịrị ẹka ana a kanyị za ịrẹsụ na za ẹtẹ. 23Ịhị ọnọọ, Ohomorihi sị Anisirẹrị nịnị nyị ẹbẹẹba Ijabini ohinọyị Anikenaani nị. 24Hụrẹ ụmẹ ọnọọ, ụvọ Anisirẹrị nịnị vana kara Ijabini ohinọyị Ikanaani ne tụ ụmẹ ọnị ẹ sị wụ̀ ọ nị.
Tans Gekies:
Ọdọvịdị 4: EBTP
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Ebira First Bible © Bible Society of Nigeria, 2014.
Ọdọvịdị 4
4
Idebora ọnịrị Ịbarakị
1Ịrẹma ọnị Ehudi wusu, dị Anisirẹrị nịnị rẹ nyima aa mẹ akamawụ hi Ẹnẹyịmavara nị. 2Agụvị avọọ dị Ẹnẹyịmavara navọ Ijabini ohinọyị Ihazori ọ dọ Isirẹrị, Ọga isoja Ijabini vị ana ra Iharọsẹtị-Ịhagọyimi. 3Isoja Ijabini ệ nyị ịkẹkẹ ịrẹkụ enyusẹ akanarẹchẹhị. Ịrayị oohu Ijabini mẹ Anisirẹrị ọnị ẹzụ mẹ ẹvụ nị. Ịjị ụya sị hụ wa dị ẹ da ịpẹ yị Ẹnẹyịmavara kà ọ gụ ẹnị ụvọ. 4Ịnị ụmẹ ọnọọ, Idebora ana vị ose Irapidoti ana vị ọnịsẹ ộ vị ọdọvịdị Anisirẹrị nịnị nị. 5Ọọ̄ yaatẹ iruvo ọsọchị ọnya aanị ana ya ịnị akakana ẹkụra Iraama ọnịrị Ibeteri ịrẹsụ ataba Ehwireemi, dị aza eē vee họ̀ use ajuwe hụụnị ụvọ anị. 6Ẹkụhị ọnya, dị ọ tụ́ hị́ Ịbarakị ozi Abinowami hụrị Ịkẹdẹsị ịnị ẹtẹ Inahwitari, Idebora ka Ẹnẹyịmavara, Ohomorihi Anisirẹrị ô mẹ ọda ka Ịbarakị ọ̀ kụ aza akawụ-akawụ oze ẹẹhị hụrị ịrẹsụ Inahwitari ọnịrị Izeburuni nọ ịrẹsụ ataba Ịtabọ. 7Ẹnẹyịmavara kà oni vee vene Isisera ana vị ọga isoja Ijabini ka ọ kụ isoja anị anaaa sị ahụ ọnịrị ịkẹkẹ ịrẹkụ vara gẹrẹ ọ ịnị okuha Ikisoni, Ẹnẹyịmavara kà ọnị vaa sị wa chire Ịbarakị ụvọ. 8Dị Ịbarakị kà a, ọnị ẹ yị vaa nọ ịrẹkụ ọnọọ, ẹ̀ẹ vị Idebora saasa ọnị. 9Idebora ka ọnị vaa saasa a. Ama Ịbarakị ẹ yị vaa nyị ụga tu ịnị anị agụvị ka Ẹnẹyịmavara vị ana vaa mẹ ka ọnyẹnẹẹ ọ nyị ẹbẹẹba Isisera. Ịzẹyịza, dị Idebora saasa Ịbarakị nọ Ịkẹdẹsị nị. 10Ịbarakị ộ kụ́ isoja Anizeburuni ọnịrị Aninahwitari akawụ-akawụ oze ẹẹhị nọ ịrẹkụ Ịkẹdẹsị, dị Idebora saasa a nị. 11Ịnị ụmẹ ọnọọ, Iheberi ana vị Anikeni vị ana jị ajẹngụ anị gụrị Ịkẹdẹsị ọgụrị ọchị ooki Izananimi. Evere Ihobabi ana vị ọyẹ Imosiisi ọ vị nị. Ộ ka hụrẹ ẹngụ ada ẹnịnị Anikeeni nị. 12Ịjị Isisera wụ́ ka Ịbarakị ộ raà hịrẹ nọ Ataba Ịtabọ, 13dị ọ kụ́ isoja anị akanarẹchẹhị ana aā sị ịkẹkẹ ịrẹkụ enyusẹ ọnịrị ẹnị anaā sịị ahụ kụ́ ịrẹkụ hụrị Iharọsẹtị-Ịhagọyimi na ngụ okuha Ikisoni. 14Ịjị Idebora re wa kẹnẹ, di o nowu ka Ịbarakị ọ kwẹẹtẹ ka ajịnị Ẹnẹyịmavara aa sị Isisera chire e ụvọ nị. Ẹnẹyịmavara ya ọvịdị ẹnịnị aa nọ ịrẹkụ. Agụvị avọọ dị Ịbarakị chi hụrị ịrẹsụ Ataba Ịtabọ, dị isoja akawụ-akawụ oze ẹẹhị saasa a nọ ịrẹkụ nị. 15Ẹnẹyịmavara ộ va Isisera ọnịrị isoja ana kụ ịkẹkẹ ịrẹkụ ne beri avaba isoja anị zi nị. Ịjị Isisera re ka ẹtẹ ọ sị va zi, di o ji hụụ ịrẹsụ ịkẹkẹ ịrẹkụ anị ee zwe nị. 16Dị Ịbarakị ọnịrị isoja dụ wa ngụ Iharọsẹtị-Ịhagọyimi nị. Avaba isoja Isisera vị ọnị ịrẹkụ rị bemi-bemi. 17Isisera ô zwe na ngụ ajẹngụ Ijayẹrị ose Iheberi ana vị Anikeeni agụvị ka Ijabini Ohinọyị Ịhazọ ọnịrị aza Iheberi ee ze. 18Dị Ijayẹrị jịnẹ na kụ Isisera, dị ọ ka Isisera ọ ngụ ịnị ajẹngụ anị, asị o hí angwa nị. Ọ́ mẹ ngụ eehi, dị ọ hụtụ, dị Ijayẹrị va achị ọ tịtẹ nị. 19Dị ọ ka Ijayẹrị ọ ka enyi yị ọnị agụvị ka onyi aa kụ ọnị nị. Dị Ijayẹrị hụ achuchu ịtụmpa ọnị ọ sị ịrẹva ụnọ tụ, dị ọ ka yọ, dị ọ sị ọ tẹ̀ nị. 20Isisera kà yị ọnẹẹ ọnọọ ka ọ jẹẹ enoze, àa nyị ọza ene ve họ̀ use ka àa nyị ọza ịzẹnị? O tụ́ o ka eyiye. 21Ịjị ara ẹngwẹngụ dọ ọ tịtẹ, dị Ijayẹrị ose Iheberi sị ịhama ọnịrị ẹka ajẹngụ, dị ọ na hẹẹ, dị ọ kanyị ọ hi eyi ụvọrị ịrẹsụ anị na za ẹtẹ, dị ọ wụ̀ ọ nị. 22Ịjị Ịbarakị sì ọ na ngụ ịzọọ, dị Ijayẹrị jịnẹ tụ ẹhẹ ne tụ ọ, dị ọ ka ọ ngụ ajẹngụ ne re ọza oni ee sì. Di e ngụ eehi ne tụ ka ô wusu tịtẹ babaraba ọnịrị ẹka ana a kanyị za ịrẹsụ na za ẹtẹ. 23Ịhị ọnọọ, Ohomorihi sị Anisirẹrị nịnị nyị ẹbẹẹba Ijabini ohinọyị Anikenaani nị. 24Hụrẹ ụmẹ ọnọọ, ụvọ Anisirẹrị nịnị vana kara Ijabini ohinọyị Ikanaani ne tụ ụmẹ ọnị ẹ sị wụ̀ ọ nị.
Tans Gekies:
:
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Ebira First Bible © Bible Society of Nigeria, 2014.