Ọdọvịdị 2
2
Anisirẹrị nịnị ệ mẹ̀ akamawụ hi Ẹnẹyịmavara
1Â nyị ụmẹ ọnya aanị ọnị anggẹẹrị Ẹnẹyịmavara sị hụrị Igirigari na ngụ Ibokimi. Ộ kà a ọnị ọ̀ kụ wa hụrị ẹtẹ Ijipiti na ngụ ịnị ẹtẹ ọnị ọnị hị́ eku anị ka ọnị aa sị yị ohiku ẹnịnị nị. Ộ kà a ọnị ẹ yị vaa sị ahụ jịnẹ eku ọnị ọnị hị́ yị wa. 2#Kụra 34.12,13; Ọda 7.2-5Ộ kà a yị wa ka asị ẹnịrị aza ana raa hi ịzọọ hị́ eku ẹnyẹnyị yị ẹngụ. Ẹnịnị wu ụta ori ene hi ịzọọ ha. Ama ẹnịnị ẹ yị vaa saasa ọda anị. Ẹnịnị ee re ịsị ẹ mẹ aanị. 3Avọọ, anggẹẹrị Ẹnẹyịmavara kà ọnị ẹ yị vaa dụ aza ene hi ịzọọ jịnẹ yị wa eyi ẹnịnị. Ori ọnị ẹ yaa hẹkẹ vị ene vee tura wa. 4Ịjị ịrẹyị anị ta a ka, dị avaba Anisirẹrị nịnị va orere hi, di e yee nowu boro-boro nị. 5Dị ẹnịnị hị́ ịzọọ Ibokimi (orere aza). Dị ẹ mẹ̀ ịsọvọ ịzọọ yị Ẹnẹyịmavara nị.
Ijosuwa ô wusu
6Ịjị Ijosuwa sị mẹ ta, dị ọ hụrẹ wa ụvọ dị ọzọza o na sị ẹtẹ ene tu ọ nị. 7Anisirẹrị nịnị ẹ hẹkẹ Ẹnẹyịmavara ịnị ụmẹ Ijosuwa ọnịrị azọkụ ene ku orubo ana yẹ ịsa ọbanyị ọnị Ẹnẹyịmavara mẹ yị Isirẹrị. 8Ijosuwa ozi Inuni ana vị ozi ahụ Ẹnẹyịmavara ò su ọ mẹ sị gụ ịrayị ẹchẹhị tụra oohu. 9#Ijos 19.49,50Di e ne e tụ ịnị ẹhụ ẹtẹ ana vaa anị ịnị Itiminati-Ịhẹrẹsị ịrẹsụ ataba ẹtẹ Ehwireemi eyi ẹbẹẹba ataba Igaasi. 10Ịrẹma ọnị anụmẹ Ijosuwa wusu kwooze, anụmẹ ọsa ẹnẹ ẹ yị yẹ Ẹnẹyịmavara ọnịrị ịsa ọnị ọ mẹ yị Anisirẹrị vana kwẹẹtẹ nị.
Anisirẹrị nịnị kụkụ aa hẹkẹ ori
11Di e nyima aa mẹ̀ ebira odivi hi Ẹnẹyịmavara, dị ẹ yaa hẹkẹ ori ana a hị́ Ịbaarị nị. 12Di e yi Ẹnẹyịmavara ana vị Ohomorihi ohiku ẹnịnị ana kụ wa jịnẹ hụrị Ijipiti tịtẹ, dị ẹ yaa saasa ori ene hi ịzọọ ọnị aza ana ra kara wa aa hẹkẹ nị. Ọsọnị o du Ẹnẹyịmavara ayị. 13Ẹnịnị vị ana kụkụ a hẹkẹ ori ana a hị́ Ịbaarị ọnịrị Asịtọrẹtị, di e yi Ẹnẹyịmavara tịtẹ nị. 14Ebira odivi ẹnịnị, dị Ẹnẹyịmavara kụ ayị dị ọ hụrẹ wa ụvọ yị ọnịvị ẹnịnị, dị ẹ kụ wa ẹnya nị. Dị ọ navọ wa chire ọnịvị ẹnịnị ụvọ ka ẹ nyị ẹbẹẹba ẹnịnị dị asị ẹ zụ sị ụvọ jị nị. 15Ụmẹ tụra ụmẹ ọnị ẹnịnị ẹ nọ ịrẹkụ dị Ẹnẹyịmavara va eyi ka wa agụvị e huna wa anka ọ mẹ kà a. Dị ẹnịnị ya ịnị ẹngụkata nị.
Ẹnẹyịmavara ộ dọ Anisirẹrị nịnị há
16Ẹnẹyịmavara ộ sị ọdọvịdị nịnị va yị wa ka ẹ dọ wa ha hụụnị ụvọ ọnịvị ẹnịnị ana kụ wa ẹnya. 17Ẹnẹyịmavara mẹ maanị ẹ̀ wa, ẹnịnị ẹ yị wụ́ chire ọdọvịdị ẹnịnị nị. Ẹnịnị vị ana yịị dụ ori zị, dị ẹ yaa hẹkẹ wa. Ẹ ra va hụrẹ ịrẹma ohiku ẹnịnị ana saasa ọda Ẹnẹyịmavara. Ẹnịnị ẹ yị hama wa vụrụ-vụrụ. 18Ụmẹ tụra ụmẹ ọnị Ẹnẹyịmavara ọ̀ọ nyị ọdọvịdị yị wa ọọ jẹẹ pe wa, dị ọ dọ wa ha hụụnị ụvọ ọnịvị ẹnịnị pooro di e su nị. Ẹnẹyịmavara vị anaā vayị ẹnịnị agụvị aza ana mẹ ẹvaya yị wa, dị a sị ụya rị wa. 19Ama ụmẹ tụra ụmẹ ọnị ọdọvịdị ẹnịnị òo su, dị ẹ rẹ varẹma naa mẹ̀ ebira ene divi hu ohiku ẹnịnị. Dị ẹ yaa saasa ori, dị ẹ yaa hẹkẹ wa. Ẹnịnị ẹ yị hụrẹ ebira akamawụ ẹnịnị tịtẹ.
Ẹnẹyịmavara ộ navọ ka ọnịvị Anisirẹrị ọ zama wa re
20Agụvị avọọ, Ẹnẹyịmavara ộ kụ ayị hi Anisirẹrị nịnị ka ẹ ra sị ahụ jịnẹ ọda eku ọnị ọnịrị ohiku hị́ yị ẹngụ. Ẹnịnị ẹ yị wụ́ ịrẹyị anị. 21Ẹnẹyịmavara kà ọnị ẹ yị kụkụ vaa dụ anẹkụra ọnị Ijosuwa navọ tịtẹ di o vee su jịnẹ kwooze yị wa. 22Ộ kà ọnị a sị zama wa re, ẹnịnị ẹ vaa tẹsị ka ẹnị ẹ saasa oze anị anka ohiku ẹnịnị 23Dị Ẹnẹyịmavara navọ anẹkụra ẹnẹẹ dị ọ yị hụ wa eyi Ijosuwa a vị ịrẹma ọnị o wusu nị.
Tans Gekies:
Ọdọvịdị 2: EBTP
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Ebira First Bible © Bible Society of Nigeria, 2014.
Ọdọvịdị 2
2
Anisirẹrị nịnị ệ mẹ̀ akamawụ hi Ẹnẹyịmavara
1Â nyị ụmẹ ọnya aanị ọnị anggẹẹrị Ẹnẹyịmavara sị hụrị Igirigari na ngụ Ibokimi. Ộ kà a ọnị ọ̀ kụ wa hụrị ẹtẹ Ijipiti na ngụ ịnị ẹtẹ ọnị ọnị hị́ eku anị ka ọnị aa sị yị ohiku ẹnịnị nị. Ộ kà a ọnị ẹ yị vaa sị ahụ jịnẹ eku ọnị ọnị hị́ yị wa. 2#Kụra 34.12,13; Ọda 7.2-5Ộ kà a yị wa ka asị ẹnịrị aza ana raa hi ịzọọ hị́ eku ẹnyẹnyị yị ẹngụ. Ẹnịnị wu ụta ori ene hi ịzọọ ha. Ama ẹnịnị ẹ yị vaa saasa ọda anị. Ẹnịnị ee re ịsị ẹ mẹ aanị. 3Avọọ, anggẹẹrị Ẹnẹyịmavara kà ọnị ẹ yị vaa dụ aza ene hi ịzọọ jịnẹ yị wa eyi ẹnịnị. Ori ọnị ẹ yaa hẹkẹ vị ene vee tura wa. 4Ịjị ịrẹyị anị ta a ka, dị avaba Anisirẹrị nịnị va orere hi, di e yee nowu boro-boro nị. 5Dị ẹnịnị hị́ ịzọọ Ibokimi (orere aza). Dị ẹ mẹ̀ ịsọvọ ịzọọ yị Ẹnẹyịmavara nị.
Ijosuwa ô wusu
6Ịjị Ijosuwa sị mẹ ta, dị ọ hụrẹ wa ụvọ dị ọzọza o na sị ẹtẹ ene tu ọ nị. 7Anisirẹrị nịnị ẹ hẹkẹ Ẹnẹyịmavara ịnị ụmẹ Ijosuwa ọnịrị azọkụ ene ku orubo ana yẹ ịsa ọbanyị ọnị Ẹnẹyịmavara mẹ yị Isirẹrị. 8Ijosuwa ozi Inuni ana vị ozi ahụ Ẹnẹyịmavara ò su ọ mẹ sị gụ ịrayị ẹchẹhị tụra oohu. 9#Ijos 19.49,50Di e ne e tụ ịnị ẹhụ ẹtẹ ana vaa anị ịnị Itiminati-Ịhẹrẹsị ịrẹsụ ataba ẹtẹ Ehwireemi eyi ẹbẹẹba ataba Igaasi. 10Ịrẹma ọnị anụmẹ Ijosuwa wusu kwooze, anụmẹ ọsa ẹnẹ ẹ yị yẹ Ẹnẹyịmavara ọnịrị ịsa ọnị ọ mẹ yị Anisirẹrị vana kwẹẹtẹ nị.
Anisirẹrị nịnị kụkụ aa hẹkẹ ori
11Di e nyima aa mẹ̀ ebira odivi hi Ẹnẹyịmavara, dị ẹ yaa hẹkẹ ori ana a hị́ Ịbaarị nị. 12Di e yi Ẹnẹyịmavara ana vị Ohomorihi ohiku ẹnịnị ana kụ wa jịnẹ hụrị Ijipiti tịtẹ, dị ẹ yaa saasa ori ene hi ịzọọ ọnị aza ana ra kara wa aa hẹkẹ nị. Ọsọnị o du Ẹnẹyịmavara ayị. 13Ẹnịnị vị ana kụkụ a hẹkẹ ori ana a hị́ Ịbaarị ọnịrị Asịtọrẹtị, di e yi Ẹnẹyịmavara tịtẹ nị. 14Ebira odivi ẹnịnị, dị Ẹnẹyịmavara kụ ayị dị ọ hụrẹ wa ụvọ yị ọnịvị ẹnịnị, dị ẹ kụ wa ẹnya nị. Dị ọ navọ wa chire ọnịvị ẹnịnị ụvọ ka ẹ nyị ẹbẹẹba ẹnịnị dị asị ẹ zụ sị ụvọ jị nị. 15Ụmẹ tụra ụmẹ ọnị ẹnịnị ẹ nọ ịrẹkụ dị Ẹnẹyịmavara va eyi ka wa agụvị e huna wa anka ọ mẹ kà a. Dị ẹnịnị ya ịnị ẹngụkata nị.
Ẹnẹyịmavara ộ dọ Anisirẹrị nịnị há
16Ẹnẹyịmavara ộ sị ọdọvịdị nịnị va yị wa ka ẹ dọ wa ha hụụnị ụvọ ọnịvị ẹnịnị ana kụ wa ẹnya. 17Ẹnẹyịmavara mẹ maanị ẹ̀ wa, ẹnịnị ẹ yị wụ́ chire ọdọvịdị ẹnịnị nị. Ẹnịnị vị ana yịị dụ ori zị, dị ẹ yaa hẹkẹ wa. Ẹ ra va hụrẹ ịrẹma ohiku ẹnịnị ana saasa ọda Ẹnẹyịmavara. Ẹnịnị ẹ yị hama wa vụrụ-vụrụ. 18Ụmẹ tụra ụmẹ ọnị Ẹnẹyịmavara ọ̀ọ nyị ọdọvịdị yị wa ọọ jẹẹ pe wa, dị ọ dọ wa ha hụụnị ụvọ ọnịvị ẹnịnị pooro di e su nị. Ẹnẹyịmavara vị anaā vayị ẹnịnị agụvị aza ana mẹ ẹvaya yị wa, dị a sị ụya rị wa. 19Ama ụmẹ tụra ụmẹ ọnị ọdọvịdị ẹnịnị òo su, dị ẹ rẹ varẹma naa mẹ̀ ebira ene divi hu ohiku ẹnịnị. Dị ẹ yaa saasa ori, dị ẹ yaa hẹkẹ wa. Ẹnịnị ẹ yị hụrẹ ebira akamawụ ẹnịnị tịtẹ.
Ẹnẹyịmavara ộ navọ ka ọnịvị Anisirẹrị ọ zama wa re
20Agụvị avọọ, Ẹnẹyịmavara ộ kụ ayị hi Anisirẹrị nịnị ka ẹ ra sị ahụ jịnẹ ọda eku ọnị ọnịrị ohiku hị́ yị ẹngụ. Ẹnịnị ẹ yị wụ́ ịrẹyị anị. 21Ẹnẹyịmavara kà ọnị ẹ yị kụkụ vaa dụ anẹkụra ọnị Ijosuwa navọ tịtẹ di o vee su jịnẹ kwooze yị wa. 22Ộ kà ọnị a sị zama wa re, ẹnịnị ẹ vaa tẹsị ka ẹnị ẹ saasa oze anị anka ohiku ẹnịnị 23Dị Ẹnẹyịmavara navọ anẹkụra ẹnẹẹ dị ọ yị hụ wa eyi Ijosuwa a vị ịrẹma ọnị o wusu nị.
Tans Gekies:
:
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Ebira First Bible © Bible Society of Nigeria, 2014.