Ọda 9
9
Akamawụ Anisirẹrị nịnị
(Kụra 32.1-35)
1“Imosiisi kà Anisirẹrị nịnị e batọ. E vee tu ka ẹ jịnẹ irehu Ijodani ajịnị, dị ẹ na dọ anẹkụra ene hi ịzọọ ẹtẹ ẹnịnị. Ẹkụra ẹbanyị-ẹbanyị ana jị ọvọ ọgọdọ kara ẹ vị nị. Ẹnịnị ẹ nyị ụkata ẹtẹẹtẹrẹ. 2Aza ene hi ịzọọ vị ajịmasị anọrụ ana aā hị́ Anaki. Eyi ộ yẹ ohiku ẹnịnị ka ẹ hụ ẹtẹẹtẹrẹ. Ẹnẹ ka ọnị ọ̀ hụ avọ ịrẹyị ẹnịnị? 3Ama ẹwụ nịnị ụvọta vee re ajịnị ka Ẹnẹyịmavara Ohomorihi awụ nịnị vaa dọ ọvịdị awụ nịnị na hụ́ anẹkụra ẹnẹẹ anka ọrịra avọọ. Ọ vaa mẹ̀ ka wee huna wa, dị ụ wa jịnẹ hụụnị ẹtẹ ẹnịnị yamị-yamị anka ọ mẹ̀ ka avọọ. 4Ịjị Ẹnẹyịmavara ọ vavọọ ra dụ wa jịnẹ hụụnị ẹtẹ ọnọọ, asị ọza ọnyọọnyị rò o ka ọnị ọ vavọọ ya nị, Ẹnẹyịmavara vị ana dụ wa jịnẹ kwooze yị wụ nịnị agụvị ebira odivi ẹnịnị. 5Ẹ yị vị agụvị ịnẹ ọyịza ọnịrị ebira ozoza awụ nịnị aa sị navọ ka wa dọ ẹtẹ ẹnịnị. Ama agụvị ebira odivi ẹnịnị Ẹnẹyịmavara Ohomorihi awụ nịnị vaa sị dụ wa jịnẹ eyi awụ nịnị nị. Ộ vavọọ mẹ̀ agụvị dị ọ sị ahụ ku ịrẹyị ọnị ọ ka yị ohiku ẹnịnị, Abụrahamị, Ayiziiki, ọnịrị Ijekọvụ. 6Ẹnịnị ệ vavọọ yẹ ka Ẹnẹyịmavara ẹ yị sị ẹtẹ ozoza ọnọnị yị ẹnị agụvị ka ê mẹ̀ ẹtẹẹrẹ. Eyiyee, Anakamawụ ẹnịnị vị nịnị nị.
Ụmẹ ọnị Anisirẹrị sị mẹ̀ ori yị ẹngụ ẹnịnị
(Kụra 32)
7“Imosiisi ka asị ayị hi wa ẹ mẹmẹ dụ Ẹnẹyịmavara Ohomorihi awụ nịnị ayị ịnị ụnọmị. Hụrị ẹkụhị ọnị ẹ kwẹẹtẹ hụrẹ Ijipiti ẹ mẹ̀ akamawụ hi Ẹnẹyịmavara pooro va ngụ ịzị ẹ ya booro aanị nị. 8Ayị ọnị ẹ mẹ̀ kụ ọ ịrẹsụ ataba Ịhọrẹbị ộ hụ ọ ka o vu wa ẹtẹ saka-saka. 9#Kụra 24.18Imosiisi ka ọnị ộ hịrẹ nọ ịrẹsụ ataba ka ọnị na dọ ọparị ịrẹta ana a chẹrẹ oto ọnị Ẹnẹyịmavara wo yị ẹnịnị tụ ịnị anị. Ọnị ộ ya ịzọọ ọọdụ ọnịrị ịrahụ ẹbẹẹva, mẹ yị rị ịsa, me yi hú ịsa ọnyọọnyị. 10Dị Ẹnẹyịmavara va sị ọparị ịrẹta ẹẹva ọnị ọ sị ụvọ anị chẹrẹ ịsa ọnị ọ́ kà yị wụ nịnị tụ yị mị nị. Ịnị akakana ịra ọ yà kà ịrẹyị ẹnẹẹ ịhị ọnọọ ọnị ụ gụ nịnị ịnị ataba ọnọọ nị. 11Hịịn, ịrẹma ọọdụ ọnịrị ịrahụ ẹbẹẹva ọnọọ, Ẹnẹyịmavara ộ sị ọparị ịrẹta ẹẹva ẹnẹẹ ọnị ọ chẹrẹ oto ọnọọ tụ yị mị. 12Dị Ẹnẹyịmavara va ka ẹ yị Imosiisi ka ò chi hụrẹ ịrẹsụ ataba obobooro ọnọọ nee tu aza anị ọnị ọ kụ́ hụrẹ Ijipiti vẹ. Ẹnịnị ẹ raà mẹ̀ ebira odivi ene du wa ẹngụ. Ẹ sị va hụụnị ịsa ọnị ọnị mẹ ọda anị yị wa. Ẹ sị ori mẹ yị ẹngụ ẹnịnị. 13Ẹnẹyịmavara kà a ọnị ộ yẹ ka ayị aza ẹnẹnị ộ kata yị ẹngụ ẹnịnị. 14Asị ụ za mị jẹẹ; mee sì ka me vu wa ẹtẹ, dị ọza ẹ yị ma vana tamayị ẹnịnị paa. Mị vaa mẹ wụ ohiku ẹkụra ọsa ana vaa banyị, dị ọ nyị ụkata hu wa. 15Ịzẹyịza mâ varẹma, di mi chi hụụnị ataba aa vaachi nị. Mâ sị ọparị ịrẹta ẹẹva ana a chẹrẹ oto Ẹnẹyịmavara hi rị ụvọ. Ịra vị anaa dà wụụrụ ịnị ataba ọnọọ. 16Mê re ka wa raa jịnẹ ọda ọnị Ẹnẹyịmavara Ohomorihi awụ nịnị mẹ yị wụ nịnị. Mê re ka wa raa rị ịvị anị nịnị agụvị ka wa raa sị enyusẹ me ori yị ẹngụ awụ nịnị, ori ọnọọ vị ana sị mẹẹ anka ozi ụnọ avọọ. 17Agụvị avọọ, di mi ne ọparị ịrẹta ẹnẹẹ nya ẹtẹ ọvịdị awụ nịnị, dị mị chaka wa ha nị. 18Mâ rẹ vana vaku ẹtẹ ọvịdị Ẹnẹyịmavara ọọdụ ọnịrị ịrahụ ẹbẹẹva; mẹ yị rị ịsa ọnyọọnyị, mẹ yị re hú bẹẹ. Agụvị ka wa raa rị ịvị Ẹnẹyịmavara, wâ mẹ ayị kụ́ ọ nịnị mị maanị sị mẹ nị. 19#Ihib 12.21Angwa ô hí mị agụvị ọyịkụ Ẹnẹyịmavara. Ayị anị ộ dà ọ̀va pooro ne tu ka ê sì ka oni ò vu wụ nịnị ẹtẹ; ama ụpẹ ọnya tụ ọ, Ẹnẹyịmavara ộ wụ́ aduwa amị. 20Ẹnẹyịmavara ộ rẹ kụ́ ayị hi Eerọnị ne tu ka ô sì ka ọnị ọ̀ wụ̀ ọ. Imosiisi kà a agụvị avọọ ọnị da ịpẹ yị Ohomorihi agụvị Eerọnị nị. 21Ịvị ọ vị ka Anisirẹrị nịnị ẹ sị enyusẹ mẹ imaaru dị ọ vị uyi ori ẹnịnị nị. Agụvị avọọ ọnị rị ọ ịra, dị ọnị mẹ ka aa kwọ ọ, dị a va atịtọ anị hi enyi ene sì vaa chi hụrẹ ịrẹsụ ataba nị. 22#Ịrị 11.3; Kụra 17.7; Ịrị 11.34Avọọ ẹnịnị mẹrẹ du Ẹnẹyịmavara ayị ịzị aā hị́ Itabera ọnịrị Imasa ne beri Ikibiroti Ihataava nị. 23#Ịrị 13.17; Ọda 1.21; Ịrị 13.31; Ọda 1.26; Ihib 3.16Â nyị ụmẹ ọsa ọnị Ẹnẹyịmavara sị kà a yị wa ka ẹ hụrẹ Ịkẹdẹsị Ibaneya na dọ ẹtẹ ọnị ọnị raà sị yị wa. Ama dị ẹnịnị mẹ akamawụ hi ọda Ẹnẹyịmavara Ohomorihi ẹnịnị nị. Ẹnịnị ẹ yị sị̀ ayị tụra a, dị ẹ yị saasa ịrẹyị anị nị. 24Imosiisi kà hụrị ụmẹ ọnị sị yẹ wa ẹ hụrẹ aa mẹ akamawụ hi Ẹnẹyịmavara nị. 25Agụvị ka ẹ mẹ̀ uyi ori ẹnịnị vene imaaru, dị Ẹnẹyịmavara kà a ka oni e vu wa ẹtẹ. Agụvị avọọ ọnị tana tụra ẹtẹ ọọdụ ọnịrị ịrahụ ẹkụhị ẹbẹẹva, 26dị ọnị da ịpẹ yị Ẹnẹyịmavara kà asị ọ vu aza ẹtẹ. Ọnị ộ sị ụkata anị dọ wa ha hụrẹ ụvọ Anigipiti nịnị, dị ọ wara wa áanị nị. 27Ọ kà Ẹnẹyịmavara ọ̀ tamayị ohiku ẹnịnị Abụrahamị ọnịrị Ayiziiki ne beri Ijekọvụ, dị asị ọ sị̀ eyi nọ ịnị ayọkatẹngụ ẹnịnị ọnịrị ebira odivi ẹnịnị beri ịvị ẹnịnị. 28Ẹ yị vị avọọ, Anijipiti nịnị vaa kà a ka Ẹnẹyịmavara ộ yị zụ kụ aza anị nọ ịnị ẹtẹ ọnị ọ raà wo oto anị yị wa. Dị ẹ ka ọ kụ wa nọ ịnị ụnọmị na wụ̀ wa va ha agụvị ka ộ nyị ịhyẹrẹ ẹnịnị nị. 29Ama aza anị ọnị ộ nyị ẹ vị nị. Ọnị ộ sị ụkata anị kụ wa jịnẹ hụrẹ Ijipiti nị.
Tans Gekies:
Ọda 9: EBTP
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Ebira First Bible © Bible Society of Nigeria, 2014.
Ọda 9
9
Akamawụ Anisirẹrị nịnị
(Kụra 32.1-35)
1“Imosiisi kà Anisirẹrị nịnị e batọ. E vee tu ka ẹ jịnẹ irehu Ijodani ajịnị, dị ẹ na dọ anẹkụra ene hi ịzọọ ẹtẹ ẹnịnị. Ẹkụra ẹbanyị-ẹbanyị ana jị ọvọ ọgọdọ kara ẹ vị nị. Ẹnịnị ẹ nyị ụkata ẹtẹẹtẹrẹ. 2Aza ene hi ịzọọ vị ajịmasị anọrụ ana aā hị́ Anaki. Eyi ộ yẹ ohiku ẹnịnị ka ẹ hụ ẹtẹẹtẹrẹ. Ẹnẹ ka ọnị ọ̀ hụ avọ ịrẹyị ẹnịnị? 3Ama ẹwụ nịnị ụvọta vee re ajịnị ka Ẹnẹyịmavara Ohomorihi awụ nịnị vaa dọ ọvịdị awụ nịnị na hụ́ anẹkụra ẹnẹẹ anka ọrịra avọọ. Ọ vaa mẹ̀ ka wee huna wa, dị ụ wa jịnẹ hụụnị ẹtẹ ẹnịnị yamị-yamị anka ọ mẹ̀ ka avọọ. 4Ịjị Ẹnẹyịmavara ọ vavọọ ra dụ wa jịnẹ hụụnị ẹtẹ ọnọọ, asị ọza ọnyọọnyị rò o ka ọnị ọ vavọọ ya nị, Ẹnẹyịmavara vị ana dụ wa jịnẹ kwooze yị wụ nịnị agụvị ebira odivi ẹnịnị. 5Ẹ yị vị agụvị ịnẹ ọyịza ọnịrị ebira ozoza awụ nịnị aa sị navọ ka wa dọ ẹtẹ ẹnịnị. Ama agụvị ebira odivi ẹnịnị Ẹnẹyịmavara Ohomorihi awụ nịnị vaa sị dụ wa jịnẹ eyi awụ nịnị nị. Ộ vavọọ mẹ̀ agụvị dị ọ sị ahụ ku ịrẹyị ọnị ọ ka yị ohiku ẹnịnị, Abụrahamị, Ayiziiki, ọnịrị Ijekọvụ. 6Ẹnịnị ệ vavọọ yẹ ka Ẹnẹyịmavara ẹ yị sị ẹtẹ ozoza ọnọnị yị ẹnị agụvị ka ê mẹ̀ ẹtẹẹrẹ. Eyiyee, Anakamawụ ẹnịnị vị nịnị nị.
Ụmẹ ọnị Anisirẹrị sị mẹ̀ ori yị ẹngụ ẹnịnị
(Kụra 32)
7“Imosiisi ka asị ayị hi wa ẹ mẹmẹ dụ Ẹnẹyịmavara Ohomorihi awụ nịnị ayị ịnị ụnọmị. Hụrị ẹkụhị ọnị ẹ kwẹẹtẹ hụrẹ Ijipiti ẹ mẹ̀ akamawụ hi Ẹnẹyịmavara pooro va ngụ ịzị ẹ ya booro aanị nị. 8Ayị ọnị ẹ mẹ̀ kụ ọ ịrẹsụ ataba Ịhọrẹbị ộ hụ ọ ka o vu wa ẹtẹ saka-saka. 9#Kụra 24.18Imosiisi ka ọnị ộ hịrẹ nọ ịrẹsụ ataba ka ọnị na dọ ọparị ịrẹta ana a chẹrẹ oto ọnị Ẹnẹyịmavara wo yị ẹnịnị tụ ịnị anị. Ọnị ộ ya ịzọọ ọọdụ ọnịrị ịrahụ ẹbẹẹva, mẹ yị rị ịsa, me yi hú ịsa ọnyọọnyị. 10Dị Ẹnẹyịmavara va sị ọparị ịrẹta ẹẹva ọnị ọ sị ụvọ anị chẹrẹ ịsa ọnị ọ́ kà yị wụ nịnị tụ yị mị nị. Ịnị akakana ịra ọ yà kà ịrẹyị ẹnẹẹ ịhị ọnọọ ọnị ụ gụ nịnị ịnị ataba ọnọọ nị. 11Hịịn, ịrẹma ọọdụ ọnịrị ịrahụ ẹbẹẹva ọnọọ, Ẹnẹyịmavara ộ sị ọparị ịrẹta ẹẹva ẹnẹẹ ọnị ọ chẹrẹ oto ọnọọ tụ yị mị. 12Dị Ẹnẹyịmavara va ka ẹ yị Imosiisi ka ò chi hụrẹ ịrẹsụ ataba obobooro ọnọọ nee tu aza anị ọnị ọ kụ́ hụrẹ Ijipiti vẹ. Ẹnịnị ẹ raà mẹ̀ ebira odivi ene du wa ẹngụ. Ẹ sị va hụụnị ịsa ọnị ọnị mẹ ọda anị yị wa. Ẹ sị ori mẹ yị ẹngụ ẹnịnị. 13Ẹnẹyịmavara kà a ọnị ộ yẹ ka ayị aza ẹnẹnị ộ kata yị ẹngụ ẹnịnị. 14Asị ụ za mị jẹẹ; mee sì ka me vu wa ẹtẹ, dị ọza ẹ yị ma vana tamayị ẹnịnị paa. Mị vaa mẹ wụ ohiku ẹkụra ọsa ana vaa banyị, dị ọ nyị ụkata hu wa. 15Ịzẹyịza mâ varẹma, di mi chi hụụnị ataba aa vaachi nị. Mâ sị ọparị ịrẹta ẹẹva ana a chẹrẹ oto Ẹnẹyịmavara hi rị ụvọ. Ịra vị anaa dà wụụrụ ịnị ataba ọnọọ. 16Mê re ka wa raa jịnẹ ọda ọnị Ẹnẹyịmavara Ohomorihi awụ nịnị mẹ yị wụ nịnị. Mê re ka wa raa rị ịvị anị nịnị agụvị ka wa raa sị enyusẹ me ori yị ẹngụ awụ nịnị, ori ọnọọ vị ana sị mẹẹ anka ozi ụnọ avọọ. 17Agụvị avọọ, di mi ne ọparị ịrẹta ẹnẹẹ nya ẹtẹ ọvịdị awụ nịnị, dị mị chaka wa ha nị. 18Mâ rẹ vana vaku ẹtẹ ọvịdị Ẹnẹyịmavara ọọdụ ọnịrị ịrahụ ẹbẹẹva; mẹ yị rị ịsa ọnyọọnyị, mẹ yị re hú bẹẹ. Agụvị ka wa raa rị ịvị Ẹnẹyịmavara, wâ mẹ ayị kụ́ ọ nịnị mị maanị sị mẹ nị. 19#Ihib 12.21Angwa ô hí mị agụvị ọyịkụ Ẹnẹyịmavara. Ayị anị ộ dà ọ̀va pooro ne tu ka ê sì ka oni ò vu wụ nịnị ẹtẹ; ama ụpẹ ọnya tụ ọ, Ẹnẹyịmavara ộ wụ́ aduwa amị. 20Ẹnẹyịmavara ộ rẹ kụ́ ayị hi Eerọnị ne tu ka ô sì ka ọnị ọ̀ wụ̀ ọ. Imosiisi kà a agụvị avọọ ọnị da ịpẹ yị Ohomorihi agụvị Eerọnị nị. 21Ịvị ọ vị ka Anisirẹrị nịnị ẹ sị enyusẹ mẹ imaaru dị ọ vị uyi ori ẹnịnị nị. Agụvị avọọ ọnị rị ọ ịra, dị ọnị mẹ ka aa kwọ ọ, dị a va atịtọ anị hi enyi ene sì vaa chi hụrẹ ịrẹsụ ataba nị. 22#Ịrị 11.3; Kụra 17.7; Ịrị 11.34Avọọ ẹnịnị mẹrẹ du Ẹnẹyịmavara ayị ịzị aā hị́ Itabera ọnịrị Imasa ne beri Ikibiroti Ihataava nị. 23#Ịrị 13.17; Ọda 1.21; Ịrị 13.31; Ọda 1.26; Ihib 3.16Â nyị ụmẹ ọsa ọnị Ẹnẹyịmavara sị kà a yị wa ka ẹ hụrẹ Ịkẹdẹsị Ibaneya na dọ ẹtẹ ọnị ọnị raà sị yị wa. Ama dị ẹnịnị mẹ akamawụ hi ọda Ẹnẹyịmavara Ohomorihi ẹnịnị nị. Ẹnịnị ẹ yị sị̀ ayị tụra a, dị ẹ yị saasa ịrẹyị anị nị. 24Imosiisi kà hụrị ụmẹ ọnị sị yẹ wa ẹ hụrẹ aa mẹ akamawụ hi Ẹnẹyịmavara nị. 25Agụvị ka ẹ mẹ̀ uyi ori ẹnịnị vene imaaru, dị Ẹnẹyịmavara kà a ka oni e vu wa ẹtẹ. Agụvị avọọ ọnị tana tụra ẹtẹ ọọdụ ọnịrị ịrahụ ẹkụhị ẹbẹẹva, 26dị ọnị da ịpẹ yị Ẹnẹyịmavara kà asị ọ vu aza ẹtẹ. Ọnị ộ sị ụkata anị dọ wa ha hụrẹ ụvọ Anigipiti nịnị, dị ọ wara wa áanị nị. 27Ọ kà Ẹnẹyịmavara ọ̀ tamayị ohiku ẹnịnị Abụrahamị ọnịrị Ayiziiki ne beri Ijekọvụ, dị asị ọ sị̀ eyi nọ ịnị ayọkatẹngụ ẹnịnị ọnịrị ebira odivi ẹnịnị beri ịvị ẹnịnị. 28Ẹ yị vị avọọ, Anijipiti nịnị vaa kà a ka Ẹnẹyịmavara ộ yị zụ kụ aza anị nọ ịnị ẹtẹ ọnị ọ raà wo oto anị yị wa. Dị ẹ ka ọ kụ wa nọ ịnị ụnọmị na wụ̀ wa va ha agụvị ka ộ nyị ịhyẹrẹ ẹnịnị nị. 29Ama aza anị ọnị ộ nyị ẹ vị nị. Ọnị ộ sị ụkata anị kụ wa jịnẹ hụrẹ Ijipiti nị.
Tans Gekies:
:
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Ebira First Bible © Bible Society of Nigeria, 2014.