Ọda 2
2
Imosiisi ô tamayị Anisirẹrị ịsị ẹ me Ịsẹyị
1 #
Ịrị 21.4
Imosiisi ka, ịjị Anisirẹrị vavọọ raa vara eyi aa ngụ ụnọmị, dị ẹ vatụra oze ana na ngụ oku ịkẹ-ịkẹ anka Ẹnẹyịmavara mẹ mẹ̀ ọda yị wa nị. Dị ẹ kú ịzọọ ẹtẹẹtẹrẹ, ẹ maa va chị va hịrẹ ịrẹsụ ataba Ịsẹyị nị. 2Ụmẹ ọnọọ, Ẹnẹyịmavara ô pe Imosiisi ka ịrẹyị. 3Dị ọ ka, Ẹhụ ene e jesi kara ẹtẹ avọọ ò zee. Ẹnịnị ẹ va ịrẹsụ ka oze ẹyị ẹbẹẹba. 4#Oyn 36.8Dị ọ ka, Imosiisi ọ̀ ka yị wa ka è vee che Ịsẹyị ẹtẹ Anedomi ana vị anda ẹnịnị parahu. Aza ene hi ịzọọ vee hí angwa, ama asị ẹ va ẹngụ ha. 5Asị ẹnịrị evere Iisọ zyaazị ẹtẹ ọnyọọnyị agụvị ka Ẹnẹyịmavara ộ ra sị avaba ẹtẹ Anedomi ene hị́ ịrẹsụ ataba Ịsẹyị yị wa. 6Ama ẹnịnị ẹ zụ hị́ ịsọyịrị ọnịrị ẹnyị hụụnị ụvọ ẹnịnị ẹ̀ẹ yaa parahu. 7Dị Imosiisi ka, asị ayị hi wa ka Ẹnẹyịmavara vene sere wa ịrayị ẹbẹẹva ịhị ụnọmị paragada. Ộ mẹ̀ ẹhẹ rọ wa ẹngụ, ẹ yị nyị ịsị ẹ zwọ wa. 8Dị Anisirẹrị para Ịsẹyị hu sị oze ana hụrẹ Erati ngụ Ezayọnị-Ịgẹba tịtẹ, dị ẹ va eyi ka oze ịnị ụnọmị Animowabi nị. 9#Oyn 19.37Dị Ẹnẹyịmavara kà yi Imosiisi ka asị e beri Animowabi ana vị evere Ịrọọtị zyaazị agụvị ẹtẹ. Ẹnị ẹ nyị ẹkụra ana a hị́ Aarị nị. Ọnị ẹ yị vaa dọ evere Iisọ ẹtẹ yị wa.
Ịrẹsụ ana ra gụrị Ịkanaanị
10Anemimi ẹ vịdị ra ịzọọ nị. Ẹnịnị ệ rụrụ, ệ nyị ụkata, dị ẹ hụ anka ezi Anakimi avọọ nị. 11Ịrẹha ọsa ana a hị́ wa ọ vị Irehwayimi nị. 12Anihori nịnị ẹ̀ vị ọdịrẹma ana ra Ịsẹyị dị evere Iisọ vaa dọ wa jịnẹ anka Anisirẹrị mẹ dụ ọnịvị ẹnịnị hụụnị ẹtẹ ọnị Ẹnẹyịmavara sị yị wa.
Anisirẹrị ana jịnẹ opooporo Ịzẹrẹdị
13Ịzẹyịza, dị Anisirẹrị nịnị kwẹẹtẹ, dị ẹ jịnẹ okuha Ịzẹrẹdị anka Ẹnẹyịmavara mẹ̀ ka yị wa. 14#Ịrị 14.28-35Ịrayị ohurẹẹwụ tụra ịhịnta ẹ sị zị ụsẹ hụrẹ Ịkẹdẹsị Ibaneya na ngụ okuha Ịzẹrẹdị nị. Avaba anọrụ ana kụ́ ịrẹkụ vene su anka Ẹnẹyịmavara mẹ kà a yị wa. 15Ẹnẹyịmavara vana sị ụya rị wa pooro dị avaba ẹnịnị su va ha. 16Ịrẹma ọnị avaba ẹnịnị wusu ha, 17dị Ẹnẹyịmavara kà a yị wa ka, 18ịhị ọnọọ ẹ yaa hụụnị ẹtẹ Animowabi na ngụ Arị nị. 19#Oyn 19.38Ịjọnọọ ẹ yaa gụrị ẹtẹ Anamọnị ana vị evere Ịrọọtị. Asị e beri wa zyaazị ẹtẹ ẹnịnị agụvị ka ọnị ọ yị vaa varẹma sị ẹtẹ yị wa.
Anẹkụra ana vọ ana ra gụrị ẹtẹ Ịkanaanị
20Anirehwayimi ana nyị ẹtẹ ọnọọ ana ra ịzọọ vị ọnị Anamọnị nịnị hị́ Izamizumi. 21Aza ẹnẹẹ ẹ̀ kata, dị ẹ rụrụ, dị ẹ hụ bahị-bahị anka evere Anakimi avọọ. Ẹnẹyịmavara ọ̀ vịdị vu wa ẹtẹ, dị Anisirẹrị va sị ịzọọ mẹ ẹtẹ ẹnịnị nị. 22Avọọ Ẹnẹyịmavara mẹ̀ rẹ mẹmẹ dọ ẹtẹ yị evere Iisọ nị. Dị ẹ vavẹ ịzọọ, Ẹnẹyịmavara ọ raà kụ́ Anihori ana ra Ịsẹyị kwooze agụvị dị ịzọọ ọ vị ẹtẹ ẹnịnị. Evere Iisọ ẹ ra ịzọọ pooro tu ajịnị nị. 23Ẹngụ ịrẹyị ọnọọ o re tu Avimi ana ra ẹkụra ana gụrị Igaza nị. Anịkahụtọ ana vị Anikereti ọ̀ hụ wa ẹkụra ẹnịnị dị ẹ sị ẹtẹ ẹnịnị nị.
Anisirẹrị nịnị ana jịnẹ opooporo Arinọnị
24Ịrẹma ọnị Anisirẹrị sị para Imowabi hu, dị Ẹnẹyịmavara kà ẹnịnị ẹ kwẹẹtẹ ẹ jịnẹ okuha Arinọnị, ọ ka ọnị ọ raa sị Isihoni, ohinọyị Anihesiboni chire ụvọ. Ẹ na kụ ịrẹkụ dị ẹ dọ wa ẹtẹ. 25Ẹnẹyịmavara kà ọnị vaa mẹ ka avaba aza ee hí angwa ẹnịnị. Ọza tụra ọza anaa wụ ịrẹha ẹnịnị kẹnẹ, dị ivóvó anị aa za a.
 mẹmẹ huna Isihoni Ohinọyị Ịhẹsịbọnị
(Ịrị 21.21-30)
26Ịnị ụnọmị Ikedemoti, Imosiisi ộ tụ́ ụtụ ẹngwọọrọ ne tù Isihoni ana vị ohinọyị Ịhẹsịbọnị. 27Imosiisi ka, ọ̀ navọ ọnịrị aza e che ẹkụra anị parahu. Oze kẹnẹ ẹnị vaa vatụra nị. Ẹnị ẹ ị vaa ha zị aha ẹnyẹnyị. 28Ẹnị vee sị ụta ịsọyịrị ọnịrị enyi ọnị ẹnị ee hu. Aarihini ọ̀ jẹẹ ẹnị ẹ parahu, 29anka Anedomi ene hi Ịsẹyị ọnịrị Animowabi mẹ sị oze yị ẹnị parahu ịnị ẹtẹ ẹnịnị. 30Ama, Isihoni ẹ yị zẹ ka ẹ parahu. Ẹnẹyịmavara ô mẹ̀ ayị katẹngụ agụvị ẹnị ẹ zụ nyị ẹbẹẹba anị, dị ẹnị ẹ dọ ọ ẹtẹ anị. 31Dị Ẹnẹyịmavara kà yị Imosiisi ka ọnị ọ raa tụ́ Isihoni ọnịrị aza anị ọkụmị, ẹnịnị ẹ na dọ ọ ẹtẹ dị ọ vị ẹnịnị. 32Dị Isihoni kụ́ aza jịnẹ nọ ịrẹkụ ẹnịnị ọ gụrị ẹkụra ana a hị́ Ijahazi nị. 33Ama dị Ẹnẹyịmavara Ohomorihi ẹnịnị sị ọ chire ẹnị ụvọ, dị ẹnị wụ ọnịrị ezi anị beri avaba aza nị. 34Ịnị ụmẹ ọnọọ, ẹnị sị rị avaba ẹkụra ẹnịnị, dị ẹnị wụ̀ avaba aza ene hi ịzọọ, dị e yị nyị ọza ana ha ịnị, ẹnịnị vụrụ-vụrụ. 35Dị ẹnị kụ ịsụpa ọnịrị ogu ẹnịnị nị. 36Dị Ẹnẹyịmavara mẹ ka ẹ rị avaba ẹkụra ẹnẹẹ hụrị Aroyeri huu va ngụ Igiriyadi. 37Ama ẹnịnị ẹ yị gụrị ẹtẹ Anamọnị a vị ụtọ irehu Ijaboki, a vị ẹkụra ene hi ịrẹsụ ataba ọnịrị aha ana vọ ịzị Ẹnẹyịmavara kà yị wa ka asị ẹ ngụ.
Tans Gekies:
Ọda 2: EBTP
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Ebira First Bible © Bible Society of Nigeria, 2014.
Ọda 2
2
Imosiisi ô tamayị Anisirẹrị ịsị ẹ me Ịsẹyị
1 #
Ịrị 21.4
Imosiisi ka, ịjị Anisirẹrị vavọọ raa vara eyi aa ngụ ụnọmị, dị ẹ vatụra oze ana na ngụ oku ịkẹ-ịkẹ anka Ẹnẹyịmavara mẹ mẹ̀ ọda yị wa nị. Dị ẹ kú ịzọọ ẹtẹẹtẹrẹ, ẹ maa va chị va hịrẹ ịrẹsụ ataba Ịsẹyị nị. 2Ụmẹ ọnọọ, Ẹnẹyịmavara ô pe Imosiisi ka ịrẹyị. 3Dị ọ ka, Ẹhụ ene e jesi kara ẹtẹ avọọ ò zee. Ẹnịnị ẹ va ịrẹsụ ka oze ẹyị ẹbẹẹba. 4#Oyn 36.8Dị ọ ka, Imosiisi ọ̀ ka yị wa ka è vee che Ịsẹyị ẹtẹ Anedomi ana vị anda ẹnịnị parahu. Aza ene hi ịzọọ vee hí angwa, ama asị ẹ va ẹngụ ha. 5Asị ẹnịrị evere Iisọ zyaazị ẹtẹ ọnyọọnyị agụvị ka Ẹnẹyịmavara ộ ra sị avaba ẹtẹ Anedomi ene hị́ ịrẹsụ ataba Ịsẹyị yị wa. 6Ama ẹnịnị ẹ zụ hị́ ịsọyịrị ọnịrị ẹnyị hụụnị ụvọ ẹnịnị ẹ̀ẹ yaa parahu. 7Dị Imosiisi ka, asị ayị hi wa ka Ẹnẹyịmavara vene sere wa ịrayị ẹbẹẹva ịhị ụnọmị paragada. Ộ mẹ̀ ẹhẹ rọ wa ẹngụ, ẹ yị nyị ịsị ẹ zwọ wa. 8Dị Anisirẹrị para Ịsẹyị hu sị oze ana hụrẹ Erati ngụ Ezayọnị-Ịgẹba tịtẹ, dị ẹ va eyi ka oze ịnị ụnọmị Animowabi nị. 9#Oyn 19.37Dị Ẹnẹyịmavara kà yi Imosiisi ka asị e beri Animowabi ana vị evere Ịrọọtị zyaazị agụvị ẹtẹ. Ẹnị ẹ nyị ẹkụra ana a hị́ Aarị nị. Ọnị ẹ yị vaa dọ evere Iisọ ẹtẹ yị wa.
Ịrẹsụ ana ra gụrị Ịkanaanị
10Anemimi ẹ vịdị ra ịzọọ nị. Ẹnịnị ệ rụrụ, ệ nyị ụkata, dị ẹ hụ anka ezi Anakimi avọọ nị. 11Ịrẹha ọsa ana a hị́ wa ọ vị Irehwayimi nị. 12Anihori nịnị ẹ̀ vị ọdịrẹma ana ra Ịsẹyị dị evere Iisọ vaa dọ wa jịnẹ anka Anisirẹrị mẹ dụ ọnịvị ẹnịnị hụụnị ẹtẹ ọnị Ẹnẹyịmavara sị yị wa.
Anisirẹrị ana jịnẹ opooporo Ịzẹrẹdị
13Ịzẹyịza, dị Anisirẹrị nịnị kwẹẹtẹ, dị ẹ jịnẹ okuha Ịzẹrẹdị anka Ẹnẹyịmavara mẹ̀ ka yị wa. 14#Ịrị 14.28-35Ịrayị ohurẹẹwụ tụra ịhịnta ẹ sị zị ụsẹ hụrẹ Ịkẹdẹsị Ibaneya na ngụ okuha Ịzẹrẹdị nị. Avaba anọrụ ana kụ́ ịrẹkụ vene su anka Ẹnẹyịmavara mẹ kà a yị wa. 15Ẹnẹyịmavara vana sị ụya rị wa pooro dị avaba ẹnịnị su va ha. 16Ịrẹma ọnị avaba ẹnịnị wusu ha, 17dị Ẹnẹyịmavara kà a yị wa ka, 18ịhị ọnọọ ẹ yaa hụụnị ẹtẹ Animowabi na ngụ Arị nị. 19#Oyn 19.38Ịjọnọọ ẹ yaa gụrị ẹtẹ Anamọnị ana vị evere Ịrọọtị. Asị e beri wa zyaazị ẹtẹ ẹnịnị agụvị ka ọnị ọ yị vaa varẹma sị ẹtẹ yị wa.
Anẹkụra ana vọ ana ra gụrị ẹtẹ Ịkanaanị
20Anirehwayimi ana nyị ẹtẹ ọnọọ ana ra ịzọọ vị ọnị Anamọnị nịnị hị́ Izamizumi. 21Aza ẹnẹẹ ẹ̀ kata, dị ẹ rụrụ, dị ẹ hụ bahị-bahị anka evere Anakimi avọọ. Ẹnẹyịmavara ọ̀ vịdị vu wa ẹtẹ, dị Anisirẹrị va sị ịzọọ mẹ ẹtẹ ẹnịnị nị. 22Avọọ Ẹnẹyịmavara mẹ̀ rẹ mẹmẹ dọ ẹtẹ yị evere Iisọ nị. Dị ẹ vavẹ ịzọọ, Ẹnẹyịmavara ọ raà kụ́ Anihori ana ra Ịsẹyị kwooze agụvị dị ịzọọ ọ vị ẹtẹ ẹnịnị. Evere Iisọ ẹ ra ịzọọ pooro tu ajịnị nị. 23Ẹngụ ịrẹyị ọnọọ o re tu Avimi ana ra ẹkụra ana gụrị Igaza nị. Anịkahụtọ ana vị Anikereti ọ̀ hụ wa ẹkụra ẹnịnị dị ẹ sị ẹtẹ ẹnịnị nị.
Anisirẹrị nịnị ana jịnẹ opooporo Arinọnị
24Ịrẹma ọnị Anisirẹrị sị para Imowabi hu, dị Ẹnẹyịmavara kà ẹnịnị ẹ kwẹẹtẹ ẹ jịnẹ okuha Arinọnị, ọ ka ọnị ọ raa sị Isihoni, ohinọyị Anihesiboni chire ụvọ. Ẹ na kụ ịrẹkụ dị ẹ dọ wa ẹtẹ. 25Ẹnẹyịmavara kà ọnị vaa mẹ ka avaba aza ee hí angwa ẹnịnị. Ọza tụra ọza anaa wụ ịrẹha ẹnịnị kẹnẹ, dị ivóvó anị aa za a.
 mẹmẹ huna Isihoni Ohinọyị Ịhẹsịbọnị
(Ịrị 21.21-30)
26Ịnị ụnọmị Ikedemoti, Imosiisi ộ tụ́ ụtụ ẹngwọọrọ ne tù Isihoni ana vị ohinọyị Ịhẹsịbọnị. 27Imosiisi ka, ọ̀ navọ ọnịrị aza e che ẹkụra anị parahu. Oze kẹnẹ ẹnị vaa vatụra nị. Ẹnị ẹ ị vaa ha zị aha ẹnyẹnyị. 28Ẹnị vee sị ụta ịsọyịrị ọnịrị enyi ọnị ẹnị ee hu. Aarihini ọ̀ jẹẹ ẹnị ẹ parahu, 29anka Anedomi ene hi Ịsẹyị ọnịrị Animowabi mẹ sị oze yị ẹnị parahu ịnị ẹtẹ ẹnịnị. 30Ama, Isihoni ẹ yị zẹ ka ẹ parahu. Ẹnẹyịmavara ô mẹ̀ ayị katẹngụ agụvị ẹnị ẹ zụ nyị ẹbẹẹba anị, dị ẹnị ẹ dọ ọ ẹtẹ anị. 31Dị Ẹnẹyịmavara kà yị Imosiisi ka ọnị ọ raa tụ́ Isihoni ọnịrị aza anị ọkụmị, ẹnịnị ẹ na dọ ọ ẹtẹ dị ọ vị ẹnịnị. 32Dị Isihoni kụ́ aza jịnẹ nọ ịrẹkụ ẹnịnị ọ gụrị ẹkụra ana a hị́ Ijahazi nị. 33Ama dị Ẹnẹyịmavara Ohomorihi ẹnịnị sị ọ chire ẹnị ụvọ, dị ẹnị wụ ọnịrị ezi anị beri avaba aza nị. 34Ịnị ụmẹ ọnọọ, ẹnị sị rị avaba ẹkụra ẹnịnị, dị ẹnị wụ̀ avaba aza ene hi ịzọọ, dị e yị nyị ọza ana ha ịnị, ẹnịnị vụrụ-vụrụ. 35Dị ẹnị kụ ịsụpa ọnịrị ogu ẹnịnị nị. 36Dị Ẹnẹyịmavara mẹ ka ẹ rị avaba ẹkụra ẹnẹẹ hụrị Aroyeri huu va ngụ Igiriyadi. 37Ama ẹnịnị ẹ yị gụrị ẹtẹ Anamọnị a vị ụtọ irehu Ijaboki, a vị ẹkụra ene hi ịrẹsụ ataba ọnịrị aha ana vọ ịzị Ẹnẹyịmavara kà yị wa ka asị ẹ ngụ.
Tans Gekies:
:
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Ebira First Bible © Bible Society of Nigeria, 2014.