1 Ịsamụwẹrị 9
9
Ịsọọrụ ô ne tu Ịsamụwẹrị
1Ụmẹ ọnya yà ịzọọ â nyị ọza ọbanyị ọnya aanị, Anịbẹnjamịnị ọ vị nị, di eyi yẹ ẹ ẹtẹẹtẹrẹ nị. Ịrẹha ọnọrụ ọnọọ ọ rị Ikisi nị. Ikisi ọnọọ vị ozi Abiyẹrị. Abiyẹrị ọnị rẹ vị ozi Izerọ. Ada Izerọ ọ rị Ibekora nị. Ibekora ọnị rẹ vị ozi Apiya.
2Ikisi ọnọọ ộ ma ozi ọnọrụ ọnya ana aā hị́ Ịsọọrụ. Ịsọọrụ ộ ta jẹẹ ịnị ọmụha nyị aza ana gọdọ tụ̀ ọ ịnị avaba Anisirẹrị. Ọnị ộ sị ẹhụụ ịza dà a vahịrẹ gọdọ huna avaba aza ana vọ.
3Ikisi ada Ịsọọrụ ộ nyị ịkẹrịkẹtẹ ẹnyị aanị ene vu. Dị Ikisi va hị́ Ịsọọrụ dị ọ ka ọ̀ sị ozida ẹnịnị ọnya tụra ẹngụ di è ne sì ịkẹrịkẹtẹ ẹnẹẹ vẹ.
4Ịzẹyịza dị ẹ kwẹẹtẹ dị ẹ zị oze ẹkụra Ehwireemi ana yà ịnị ataba, dị ẹ vavọọ zị ọ na ngụ okokooro ịzị aā hị́ Isarisa nị. Ẹnịnị e yi re ịkẹrịkẹtẹ ẹnẹẹ. Dị ẹnịnị na, dị ẹ rẹ nọ ịnị ẹtẹ Ịsọọrụ nịnị rẹ zi oze ẹtẹ Anịbẹnjamịnị na para hu nị, di è yi rị re ịkẹrịkẹtẹ ẹnẹẹ nị.
5Ịjị ẹ na sị ngụ ẹkụra Izuhwi, dị Ịsọọrụ va hị́ ozida ọnị ọnịrị zị dị ọ ka ọ̀ vẹ ẹnị ẹ̀ varẹma, ka ada anị ọ zụ sị ayị hụụnị ịrẹyị ịkẹrịkẹtẹ dị ahịka ịrẹyị ẹnịnị ọ kụkụ jị ọ areyi nị.
6Di ozida ọnị ọnịrị Ịsọọrụ zị aanị hị́ Ịsọọrụ dị ọ ka ọ́ọ́ yẹ ka â nyị ọza Ohomorihi ọnya ịnị ẹkụra ọnọnị. Ọ kà aza ệ sị ụbanyị yọ ẹtẹẹtẹrẹ, ka avaba ịrẹyị ọnị ộ kà, avọọ ọ mẹ̀ raa yịị yà nị. Ozida ọnọọ ka Ịsọọrụ ẹ̀ vẹ dị ẹnị ẹ̀ nọ ịzọọ, ka ọ zụ hụ ọ dị ọ kà a yị ẹnị oze ana a vọrọ ka ẹnị ẹ̀ zị.
7Dị Ịsọọrụ tụ́ ozida ọnọọ ohi dị ọ ka ẹnị ẹ̀ẹ na ịzọọ, dị ẹnị vaa sị naa yị ọza ọnọọ? Ọ kà ịsọyịrị ẹnị ẹnị za ộ ta, ẹnị ẹ yị kụkụ nyị ịsa ana vọrọ ka ẹnị ẹ̀ sị na yị ọza Ohomorihi ọnọọ. Di o re họ̀ use ka áá nyị ịsị ẹnị kụkụ nyị nị.
8Di ozida ọnọọ rẹ tụ Ịsọọrụ ohi ka ọnị ộ nyị ẹkẹhị chee aanị. Ọ kà ọnị aa sị yi ọza Ohomorihi ọnọọ, dị ọ̀ kà a yị ẹnị oze ana a vọrọ ka ẹnị ẹ̀ zị.
9Ịnị ụmẹ ọnọọ, ọnịsẹ nịnị vị ana aā hị́ orẹtẹ. Ọza ọ̀ọ ka ọnị ee nee họ̀ use ịrẹyị hụụnị ụvọ Ohomorihi, dị ọ ka à nọ ịda orẹtẹ. 10Dị Ịsọọrụ va ohi yọ ka ịrẹyị anị oo zoza. Dị ọ ka ọ̀ vẹ dị ẹnị ẹ̀ẹ na. Ịzẹyịza di e si hu aa nọ ịnị ẹkụra ịzị ọza Ohomorihi ọnọọ yà nị. 11Ẹ́ maà hịrẹ ataba naa ngụ ịnị ẹkụra ọnọọ, dị ẹ na gẹrị ezi anẹẹ ẹnyị aanị ana aa naa dà enyi nị. Dị ẹ họ̀ ezi anẹẹ ẹnẹẹ use ka oretẹ wáá yà ịnị ẹkụra ọnọọ nị.
12Di ezi anẹẹ ẹnẹẹ tụ́ ohi dị ẹ ka orẹtẹ yà ịnị ẹkụra ẹnịnị ịzọọ. Ẹ ka vị ọ maanị tụ́ ọvịdị Ịsọọrụ nịnị chee va ngụ ịnị ẹkụra nị. Ẹnịnị ẹ̀ wụsẹẹ dụ ọ na. Dị ẹ rẹ kà anẹkụra ẹnịnị aa mẹ̀ ịsọvọ ịhị ọnọọ aha ịsọvọ. 13Ama ẹnịnị e yi vee nyima ịsọyịrị di orẹtẹ ọnọọ ọ va na ngụ ịzọọ. Ẹ ka orẹtẹ vaa mẹ̀ aduwa tụ́ ịnị ịsa dị aza ana a hị́ vẹ ẹ̀ va rị ọ. Dị ẹ rẹ ka Ịsọọrụ nịnị ẹ̀ẹ na sị ngụ ịnị ẹkụra kẹnẹ, e vee re e dị ọ va nọ aha ịsọvọ na rị ịsa. Dị ẹ rẹ ka Ịsọọrụ nịnị ọ wụsẹẹ na booro aanị ka e vee re e dị ọ va na aha ịsọvọ nị.
14Dị Ịsọọrụ nịnị sị hu aa nọ ịnị ẹkụra nị. Ẹ́ màa ngụ ịnị ẹkụra kẹnẹ, di e re ka Ịsamụwẹrị ọnị raa hịrẹẹ vẹ, ọ maà nọ aha ịsọvọ nị.
15Ịjị ọ sị vọ ụhwọọ ọnị Ịsọọrụ nịnị aa vaa ngụ ịnị ẹkụra, Ẹnẹyịmavara ộ vịdị raà sị ịrẹyị ọnọọ zụ̀ Ịsamụwẹrị.
16Ẹnẹyịmavara ộ vịdị sị ọ kà yị Ịsamụwẹrị ka ụmẹ aanị ụhwọ, ọnị vaa tụ́ ọmụha ọnya aanị hị́ ọ. Ọ kà Ịbẹnjamịnị ọ vaa hụrẹẹ vẹ nị. Ọ kà ọza ọnọọ ọ̀ọ vẹ, dị Ịsamụwẹrị ọ̀ nyị ọ dị ọ kụkụ vị ọdọvịdị Anisirẹrị ana vị aza Ohomorihi. Ẹnẹyịmavara kà ọza ọnọọ ọ vaa dọ Anisirẹrị aza anịị hụụnị ụvọ Anihwirisiti nịnị nị. Ohomorihi ka oni ô re aza anị maà rị ụya, ọnị ọ rẹ wụ́ e mèe nowu ka ọnị ọ̀ ba ẹnị owu.
17Ịsamụwẹrị mè re Ịsọọrụ dị Ẹnẹyịmavara kà ọza ọnị ọnị aa kà ọ vị ọnọọ nị. Ọ kà ọnị ọ vaa vị ohinọyị aza ọnị Ohomorihi nị.
18Ịsamụwẹrị aa va naa ngụ ini oze ẹkụra dị Ịsọọrụ ne tù ọ nị, dị ọ ka aarịhịnị Ịsamụwẹrị ọ̀ kà a yị ọnị ịzị irehi orẹtẹ ọ̀ọ́ yà.
19Dị Ịsamụwẹrị kà ọnị ọ vị oretẹ ọnọọ nị. Dị Ịsamụwẹrị rẹ ka ọ̀ tụ́ ọvịdị anị dị ọ̀ọ nọ aha ịsọvọọ zi ọnị, ka ọnịrị wa ọ vaa rị ịsa ajịnị nị. Ẹnẹnẹ eyinẹhẹ anị ọnị vaa sị ohi avaba ịrẹyị ọnị Ịsọọrụ ee ro ịnị ayị anị yọ, dị ọnị navọ wa ka ẹẹ na.
20Dị Ịsamụwẹrị rẹ ka asị o kuku ro ịrẹyị ịkẹrịkẹtẹ ẹnẹẹ ene vu ajịnọgwẹẹta, ka a sị wa re. Dị Ịsamụwẹrị ka Ịsọọrụ ọ́ọ́ yẹ ka ọnị aneehi ada anị Anisirẹrị maanị ee sì nị?
21Di Ịsọọrụ tụ́ ohi ka, “Ho! wáá yẹ ka Anịbẹnjamịnị mị vị nị. Ịrẹsụ ayị o weyi hu keekere ịnị avaba Anisirẹrị nọ! Ovwoovu amị o re ve weyi hu ini avaba ovwoovu Ịbẹnjamịnị nị. Ụ mẹmẹ zụ ka ẹngụ ịrẹyị ẹnẹnịị mị?”
22Dị Ịsamụwẹrị sị Ịsọọrụ ọnịrị ozi ahụ anị na ngụ aku ọgana ini eehi ịzị ọzọgaā hi aa vaa rị ịsa. Ịzọọ dọ azọga ẹhụụ ohurẹẹwụ avọọ. Dị ahịka Ịsọọrụ a ka ọ̀ yaayịtẹ udi ọzọkụ nị.
23Dị Ịsamụwẹrị hị́ ọza ana aā mẹ̀ ịsa ka ọ kụ uye ọnị ọnị vịdị kà a ka ọ̀ sị tụ́ irenyi vẹ nị.
24Ịzẹyịza dị ọza ọnọọ sị usi uye vẹ dị ọ sị va yị Ịsọọrụ nị. Dị Ịsamụwẹrị hị́ Ịsọọrụ dị ọ ka uye ana a sị tẹ ẹ ọ vị ọnọọ nị. Ịsamụwẹrị ka ọ̀ọ rị ọ, ka ụmẹ ọnị ọnị hụrẹ kà a ka ọnị aa kụ́ ọzọgaa vẹ ịnị ịsọvọ ọnọọ ọnị hụrẹ sị tẹ ẹ nị. Dị Ịsọọrụ ọnịrị Ịsamụwẹrị rị ịsa ịhị ọnọọ nị.
Ịsamụwẹrị Ộ nyị Ịsọọrụ ka ọ̀ vị ohinọyị
25Ẹ mẹ̀ raà hụrẹ aha ịsọvọ ọnọọ chi vẹ, dị Ịsamụwẹrị ọnịrị Ịsọọrụ nọ ịrẹsụ irehi dị ẹ naa kà ịrẹyị nị.
26Eyi mẹ̀ sị nị, dị ẹ sị ha nị. Dị Ịsamụwẹrị hị́ Ịsọọrụ ana sụ ịrẹsụ irehi dị ọ ka ò tenyi ẹngụ dị ọnị ọ̀ sị ọ na tụ́ nị. Ịjị Ịsọọrụ sị ẹngụ tenyi, dị ọnịrị Ịsamụwẹrị kwẹẹtẹ dị ẹ jịnẹ dị ẹ yaa na nị.
27E mèe chii naa ngụ ụtọ ẹkụra, dị Ịsamụwẹrị ka Ịsọọrụ ọ̀ kà a yị ozida ọnọọ ka ọ̀ọ na zi ẹnị nị. Di ozida ọnọọ aa naa zi wa nị. Dị Ịsamụwẹrị va kà a yị Ịsọọrụ ka ọnị ọ̀ jẹẹ chee dị ọnị ọ̀ kà yọ ụtụ oni Ohomorihi tụ́ hị́ ọ nị.
Tans Gekies:
1 Ịsamụwẹrị 9: EBTP
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Ebira First Bible © Bible Society of Nigeria, 2014.
1 Ịsamụwẹrị 9
9
Ịsọọrụ ô ne tu Ịsamụwẹrị
1Ụmẹ ọnya yà ịzọọ â nyị ọza ọbanyị ọnya aanị, Anịbẹnjamịnị ọ vị nị, di eyi yẹ ẹ ẹtẹẹtẹrẹ nị. Ịrẹha ọnọrụ ọnọọ ọ rị Ikisi nị. Ikisi ọnọọ vị ozi Abiyẹrị. Abiyẹrị ọnị rẹ vị ozi Izerọ. Ada Izerọ ọ rị Ibekora nị. Ibekora ọnị rẹ vị ozi Apiya.
2Ikisi ọnọọ ộ ma ozi ọnọrụ ọnya ana aā hị́ Ịsọọrụ. Ịsọọrụ ộ ta jẹẹ ịnị ọmụha nyị aza ana gọdọ tụ̀ ọ ịnị avaba Anisirẹrị. Ọnị ộ sị ẹhụụ ịza dà a vahịrẹ gọdọ huna avaba aza ana vọ.
3Ikisi ada Ịsọọrụ ộ nyị ịkẹrịkẹtẹ ẹnyị aanị ene vu. Dị Ikisi va hị́ Ịsọọrụ dị ọ ka ọ̀ sị ozida ẹnịnị ọnya tụra ẹngụ di è ne sì ịkẹrịkẹtẹ ẹnẹẹ vẹ.
4Ịzẹyịza dị ẹ kwẹẹtẹ dị ẹ zị oze ẹkụra Ehwireemi ana yà ịnị ataba, dị ẹ vavọọ zị ọ na ngụ okokooro ịzị aā hị́ Isarisa nị. Ẹnịnị e yi re ịkẹrịkẹtẹ ẹnẹẹ. Dị ẹnịnị na, dị ẹ rẹ nọ ịnị ẹtẹ Ịsọọrụ nịnị rẹ zi oze ẹtẹ Anịbẹnjamịnị na para hu nị, di è yi rị re ịkẹrịkẹtẹ ẹnẹẹ nị.
5Ịjị ẹ na sị ngụ ẹkụra Izuhwi, dị Ịsọọrụ va hị́ ozida ọnị ọnịrị zị dị ọ ka ọ̀ vẹ ẹnị ẹ̀ varẹma, ka ada anị ọ zụ sị ayị hụụnị ịrẹyị ịkẹrịkẹtẹ dị ahịka ịrẹyị ẹnịnị ọ kụkụ jị ọ areyi nị.
6Di ozida ọnị ọnịrị Ịsọọrụ zị aanị hị́ Ịsọọrụ dị ọ ka ọ́ọ́ yẹ ka â nyị ọza Ohomorihi ọnya ịnị ẹkụra ọnọnị. Ọ kà aza ệ sị ụbanyị yọ ẹtẹẹtẹrẹ, ka avaba ịrẹyị ọnị ộ kà, avọọ ọ mẹ̀ raa yịị yà nị. Ozida ọnọọ ka Ịsọọrụ ẹ̀ vẹ dị ẹnị ẹ̀ nọ ịzọọ, ka ọ zụ hụ ọ dị ọ kà a yị ẹnị oze ana a vọrọ ka ẹnị ẹ̀ zị.
7Dị Ịsọọrụ tụ́ ozida ọnọọ ohi dị ọ ka ẹnị ẹ̀ẹ na ịzọọ, dị ẹnị vaa sị naa yị ọza ọnọọ? Ọ kà ịsọyịrị ẹnị ẹnị za ộ ta, ẹnị ẹ yị kụkụ nyị ịsa ana vọrọ ka ẹnị ẹ̀ sị na yị ọza Ohomorihi ọnọọ. Di o re họ̀ use ka áá nyị ịsị ẹnị kụkụ nyị nị.
8Di ozida ọnọọ rẹ tụ Ịsọọrụ ohi ka ọnị ộ nyị ẹkẹhị chee aanị. Ọ kà ọnị aa sị yi ọza Ohomorihi ọnọọ, dị ọ̀ kà a yị ẹnị oze ana a vọrọ ka ẹnị ẹ̀ zị.
9Ịnị ụmẹ ọnọọ, ọnịsẹ nịnị vị ana aā hị́ orẹtẹ. Ọza ọ̀ọ ka ọnị ee nee họ̀ use ịrẹyị hụụnị ụvọ Ohomorihi, dị ọ ka à nọ ịda orẹtẹ. 10Dị Ịsọọrụ va ohi yọ ka ịrẹyị anị oo zoza. Dị ọ ka ọ̀ vẹ dị ẹnị ẹ̀ẹ na. Ịzẹyịza di e si hu aa nọ ịnị ẹkụra ịzị ọza Ohomorihi ọnọọ yà nị. 11Ẹ́ maà hịrẹ ataba naa ngụ ịnị ẹkụra ọnọọ, dị ẹ na gẹrị ezi anẹẹ ẹnyị aanị ana aa naa dà enyi nị. Dị ẹ họ̀ ezi anẹẹ ẹnẹẹ use ka oretẹ wáá yà ịnị ẹkụra ọnọọ nị.
12Di ezi anẹẹ ẹnẹẹ tụ́ ohi dị ẹ ka orẹtẹ yà ịnị ẹkụra ẹnịnị ịzọọ. Ẹ ka vị ọ maanị tụ́ ọvịdị Ịsọọrụ nịnị chee va ngụ ịnị ẹkụra nị. Ẹnịnị ẹ̀ wụsẹẹ dụ ọ na. Dị ẹ rẹ kà anẹkụra ẹnịnị aa mẹ̀ ịsọvọ ịhị ọnọọ aha ịsọvọ. 13Ama ẹnịnị e yi vee nyima ịsọyịrị di orẹtẹ ọnọọ ọ va na ngụ ịzọọ. Ẹ ka orẹtẹ vaa mẹ̀ aduwa tụ́ ịnị ịsa dị aza ana a hị́ vẹ ẹ̀ va rị ọ. Dị ẹ rẹ ka Ịsọọrụ nịnị ẹ̀ẹ na sị ngụ ịnị ẹkụra kẹnẹ, e vee re e dị ọ va nọ aha ịsọvọ na rị ịsa. Dị ẹ rẹ ka Ịsọọrụ nịnị ọ wụsẹẹ na booro aanị ka e vee re e dị ọ va na aha ịsọvọ nị.
14Dị Ịsọọrụ nịnị sị hu aa nọ ịnị ẹkụra nị. Ẹ́ màa ngụ ịnị ẹkụra kẹnẹ, di e re ka Ịsamụwẹrị ọnị raa hịrẹẹ vẹ, ọ maà nọ aha ịsọvọ nị.
15Ịjị ọ sị vọ ụhwọọ ọnị Ịsọọrụ nịnị aa vaa ngụ ịnị ẹkụra, Ẹnẹyịmavara ộ vịdị raà sị ịrẹyị ọnọọ zụ̀ Ịsamụwẹrị.
16Ẹnẹyịmavara ộ vịdị sị ọ kà yị Ịsamụwẹrị ka ụmẹ aanị ụhwọ, ọnị vaa tụ́ ọmụha ọnya aanị hị́ ọ. Ọ kà Ịbẹnjamịnị ọ vaa hụrẹẹ vẹ nị. Ọ kà ọza ọnọọ ọ̀ọ vẹ, dị Ịsamụwẹrị ọ̀ nyị ọ dị ọ kụkụ vị ọdọvịdị Anisirẹrị ana vị aza Ohomorihi. Ẹnẹyịmavara kà ọza ọnọọ ọ vaa dọ Anisirẹrị aza anịị hụụnị ụvọ Anihwirisiti nịnị nị. Ohomorihi ka oni ô re aza anị maà rị ụya, ọnị ọ rẹ wụ́ e mèe nowu ka ọnị ọ̀ ba ẹnị owu.
17Ịsamụwẹrị mè re Ịsọọrụ dị Ẹnẹyịmavara kà ọza ọnị ọnị aa kà ọ vị ọnọọ nị. Ọ kà ọnị ọ vaa vị ohinọyị aza ọnị Ohomorihi nị.
18Ịsamụwẹrị aa va naa ngụ ini oze ẹkụra dị Ịsọọrụ ne tù ọ nị, dị ọ ka aarịhịnị Ịsamụwẹrị ọ̀ kà a yị ọnị ịzị irehi orẹtẹ ọ̀ọ́ yà.
19Dị Ịsamụwẹrị kà ọnị ọ vị oretẹ ọnọọ nị. Dị Ịsamụwẹrị rẹ ka ọ̀ tụ́ ọvịdị anị dị ọ̀ọ nọ aha ịsọvọọ zi ọnị, ka ọnịrị wa ọ vaa rị ịsa ajịnị nị. Ẹnẹnẹ eyinẹhẹ anị ọnị vaa sị ohi avaba ịrẹyị ọnị Ịsọọrụ ee ro ịnị ayị anị yọ, dị ọnị navọ wa ka ẹẹ na.
20Dị Ịsamụwẹrị rẹ ka asị o kuku ro ịrẹyị ịkẹrịkẹtẹ ẹnẹẹ ene vu ajịnọgwẹẹta, ka a sị wa re. Dị Ịsamụwẹrị ka Ịsọọrụ ọ́ọ́ yẹ ka ọnị aneehi ada anị Anisirẹrị maanị ee sì nị?
21Di Ịsọọrụ tụ́ ohi ka, “Ho! wáá yẹ ka Anịbẹnjamịnị mị vị nị. Ịrẹsụ ayị o weyi hu keekere ịnị avaba Anisirẹrị nọ! Ovwoovu amị o re ve weyi hu ini avaba ovwoovu Ịbẹnjamịnị nị. Ụ mẹmẹ zụ ka ẹngụ ịrẹyị ẹnẹnịị mị?”
22Dị Ịsamụwẹrị sị Ịsọọrụ ọnịrị ozi ahụ anị na ngụ aku ọgana ini eehi ịzị ọzọgaā hi aa vaa rị ịsa. Ịzọọ dọ azọga ẹhụụ ohurẹẹwụ avọọ. Dị ahịka Ịsọọrụ a ka ọ̀ yaayịtẹ udi ọzọkụ nị.
23Dị Ịsamụwẹrị hị́ ọza ana aā mẹ̀ ịsa ka ọ kụ uye ọnị ọnị vịdị kà a ka ọ̀ sị tụ́ irenyi vẹ nị.
24Ịzẹyịza dị ọza ọnọọ sị usi uye vẹ dị ọ sị va yị Ịsọọrụ nị. Dị Ịsamụwẹrị hị́ Ịsọọrụ dị ọ ka uye ana a sị tẹ ẹ ọ vị ọnọọ nị. Ịsamụwẹrị ka ọ̀ọ rị ọ, ka ụmẹ ọnị ọnị hụrẹ kà a ka ọnị aa kụ́ ọzọgaa vẹ ịnị ịsọvọ ọnọọ ọnị hụrẹ sị tẹ ẹ nị. Dị Ịsọọrụ ọnịrị Ịsamụwẹrị rị ịsa ịhị ọnọọ nị.
Ịsamụwẹrị Ộ nyị Ịsọọrụ ka ọ̀ vị ohinọyị
25Ẹ mẹ̀ raà hụrẹ aha ịsọvọ ọnọọ chi vẹ, dị Ịsamụwẹrị ọnịrị Ịsọọrụ nọ ịrẹsụ irehi dị ẹ naa kà ịrẹyị nị.
26Eyi mẹ̀ sị nị, dị ẹ sị ha nị. Dị Ịsamụwẹrị hị́ Ịsọọrụ ana sụ ịrẹsụ irehi dị ọ ka ò tenyi ẹngụ dị ọnị ọ̀ sị ọ na tụ́ nị. Ịjị Ịsọọrụ sị ẹngụ tenyi, dị ọnịrị Ịsamụwẹrị kwẹẹtẹ dị ẹ jịnẹ dị ẹ yaa na nị.
27E mèe chii naa ngụ ụtọ ẹkụra, dị Ịsamụwẹrị ka Ịsọọrụ ọ̀ kà a yị ozida ọnọọ ka ọ̀ọ na zi ẹnị nị. Di ozida ọnọọ aa naa zi wa nị. Dị Ịsamụwẹrị va kà a yị Ịsọọrụ ka ọnị ọ̀ jẹẹ chee dị ọnị ọ̀ kà yọ ụtụ oni Ohomorihi tụ́ hị́ ọ nị.
Tans Gekies:
:
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Ebira First Bible © Bible Society of Nigeria, 2014.