เลวี 12
12
มเซียะ ตอน ยู์ง กู้งว์า สา หวุย เญย เล์ย
1 เฒี้ยว ก๊อง บั๋ว โมเซ, 2“อ๋อย หฒุ บั๋ว อิสะลาเอน เมี่ยน, ‘สี ก๊อง หาย เต้า มเซียะ ตอน ม่าย กู้งว์า, ยู์ง ตุ๊ เต้า ตอน, วั้ว เต้า มเซียะ ตอน ม่าย หวุย เสี่ย ฮนอย ฮนั้ง ซิน-เหยี่ยน เญย ฮนอย-เหญียะ ม่าย หวุย วั้ว นอ. 3เถา ตะเป๊ด วั้ว ฮนอย, อ๋อย หฒุ เถง วั้ว เต้า กู้งว์า-ตอน เจี๋ย ก๊าด เญย เล์ย.#ทิน เต่ย โต้ว 17:12; ลูกา 2:21 4มเซียะ ตอน หธ่อ อ๋อย หฒุ แอ๋ง ฒั้ว ฟ่า เหฒียบ ฟาม ฮนอย หธีง ต้าย ไฮ่ สา เหฑ่ง ยู์ง กู้งว์า ธ้วด ฑย้าม เญย หวุย. นิ่น หย่า ไม้ ตู๋ง มัวะ หฒุ หาย หญู่ง ธีง-เหฑ่ง เญย กะน้าย. หย่า ไม้ ตู๋ง เปียะ หฒั่ง ทิน-ฮู่ง เญย ด๊บ-ลิ่ว. ฒั้ว เถา ยู์ง กู้งว์า ธ้วด ฑย้าม ม่าย หวุย เญย ฮนอย-เหญียะ ปวั๊ง. 5มป่า ยู์ง ตุ๊ กู้งว์า-เซียะ นอ, ฯฒฯ ม่าย หวุย อี นอม เล์ย-ป๋าย, ฮนั้ง ซิน-เหยี่ยน เญย ฮนอย-เหญียะ ม่าย หวุย วั้ว นอ. อ๋อย หฒุ แอ๋ง ฒั้ว หลัวะ เหฒียบ หลัวะ ฮนอย เถา ยู์ง กู้งว์า ธ้วด ฑย้าม ม่าย หวุย เญย ฮนอย-เหญียะ ปวั๊ง.
6“‘เถา สา หวุย เญย ฮนอย-เหญียะ ปวั๊ง, ไม้ กุ๊น ยู์ง ตุ๊ ตอน ไฟ เซียะ, นิ่น อ๋อย หฒุ ต้อ เต้า ต๋อย หฮญัง เญย ปะกี ยู่ง ตอน โหฒว ปั๊ว เหฒี่ย ฝ่ง ห่อ เญย กะน้าย. หย่า อ๋อย หฒุ ต้อ นอม แปะ ก๊บ หลุน ไฟ เหยียด นอม เหนาะ โฆ เหฒี่ย เหว่ย ฟิ ฒุ์ย. อ๋อย หฒุ ต้อ เถา หวุ่ย ปวั้ง ด๊บ-ลิ่ว เญย แก้ง ด่าง จิว ปุน ไซ เมี่ยน. 7ไซ เมี่ยน ฯฒฯ ต้อ น้าย เต๋ย กะน้าย เยียม เฒี้ยว เญย หฑะเฮมียน เหฒี่ย เถง นิ่น สา เหฑ่ง ยู์ง กู้งว์า ธ้วด ฑย้าม เญย หวุย. น้าย เซ มเซียะ ตอน ยู์ง กู้งว์า เญย เล์ย ไม้ กุ๊น ยู์ง ตอน ไฟ เซียะ. 8สี ก๊อง นิ่น ไม้ ม่าย ญ่าน ม์าย เหยียด เต้า ปะกี ยู่ง ตอน, นิ่น อ๋อย หฒุ ต้อ อี นอม เหนาะ โฆ ไฟ อี นอม แปะ ก๊บ หลุน.#ลูกา 2:24 หล่ง นอม โหฒว ปั๊ว เหฒี่ย ฝ่ง ห่อ เญย กะน้าย. แอ๋ง หล่ง นอม ฟิ ฒุ์ย, ปุน ไซ เมี่ยน เถง นิ่น สา หวุย. นิ่น ฯฒฯ ธีง-เหฑ่ง หมี่ อ๊ะ.’”
Tans Gekies:
เลวี 12: IuMiTH
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Mien Bible (Thai Script) © Thailand Bible Society, 2007