โยนา 4
4
เฒี้ยว ค้อ-เลี่ยน เมี่ยน, โยนา เฉีย เจี์ย
1โยนา ปวัด เฒี้ยว ฮนั้ง หน่าย นอ โหฒว ไม้ หอบ นิ่น เญย เฮญี้ยว, นิ่น เฉีย เจี์ย ไห่. 2นิ่น ฯฒฯ เต๋า เก๋า บั๋ว เฒี้ยว, “เฒี้ยว อ้า! เยีย เยียม เยีย เญย ป๊วน-กั๊วะ วั้ว หฒั่น, เยีย ไม้ เฒ์ย ก๊อง เม่ย อ๋อย ฮนั้ง น้าย นอ โหฒว ไฟ? เหว่ย หฒุ ฮนั้ง น้าย นอ เยีย หธีง ต้าย ป่าๆ เปย๋า มี่ง ทานซิด ฒี่ง. เยีย ฮิ้ว ตุ๊ เม่ย ฮนั้ม เมี่ยน, ค้อ-เลี่ยน เมี่ยน เญย. เม่ย เฮญี้ยว ด๊าว ไห่, หาย หฒั่น หย่า อะเฮน้ย โหฒว หลง ปุน เมี่ยน. เม่ย อะเฮน้ย ทิ้ว เม่ย เญย หฒะเอ๋ย, ไม้ ตี่ง เมี่ยน เญย ฒุ์ย. 3เฒี้ยว อ้า! เม่ย อี้ หฒั่น ปุน เยีย ไต่ อ๊ะ ม่าะ! เยีย ไต่ ฒู้ง เก้า หลง เฒี่ยง เจี๊ยน.”
4 เฒี้ยว เตา, “เม่ย ฮนั้ง น้าย นอ เฉีย เจี์ย เซ หอบ เญย ไฟ?”
5โยนา ธ้วด หฒิ ฒี่ง มี่ง ตง ปูง แหมง บย๊อ ติ๊ เตียน ลิ่ว เฒว์ย เจี๊ยน วั้ว ปี๋ง ล่าง. นิ่น ฒั้ว เจี๊ยน หมั่ง ก๋า, นินะเว ฒี่ง อ๋อย ม่าย หาย หญู่ง สี่ ธ้วด. 6เฒี้ยว ทิน-ฮู่ง ปุน บย์อง เฮมย ธ้วด ต้าย บย์อง เจี๊ยน วั้ว, เถง นิ่น ท้อง เจี๊ยน ล่าง, ปุน นิ่น ไม้ หนั่ง ยัวะ. โยนา หฒะเก้ง อะเฮน้ย ไห่ วั้ว บย์อง เฮมย. 7ตะเหญ่ย ดอม ลู่ง ฌัง, ทิน-ฮู่ง ปุน นอม แกง ต้าย หงาด วั้ว บย์อง เฮมย, เฮมย ฯฒฯ เหญา หมี่ อ๊ะ. 8บะฮนอย ธ้วด ต้าย, ทิน-ฮู่ง ปุน ตง ปูง แหมง เญย หฑยาว-จอม ป่วน. หญุด หย่า โตะ พุย โยนา เญย มฆ้อง. โยนา ปะหละ ยัวะ ไห่ อ๊ะ. นิ่น ก๊อง, “เยีย ไต่ เก้า หลง เฒี่ยง เสย หฒั่ง.”
9มป่า ทิน-ฮู่ง ก๊อง, “เม่ย หลาย น้าย บย์อง เฮมย ฮนั้ง น้าย นอ เฉีย เจี์ย เซ หอบ เญย?”
โยนา เตา, “หอบ เญย. เยีย ปะหละ เฉีย เจี์ย ไห่, ฒู้ง อ๋อย ไต่ ไห่ อ๊ะ.”
10 เฒี้ยว ก๊อง บั๋ว นิ่น, “น้าย บย์อง เฮมย อะฮนอย ธ้วด ต้าย, อี้ ฮนอย ไต่ หมี่ อ๊ะ. เม่ย หย่า ไม้ หฒุ ด๊อด หาย หญู่ง ชะ หย่า ไม้ เฒ์ย เม่ย เถง นิ่น หฮยาง ต้าย บย์อง น้าย. มป่า นิ่น ไต่ เม่ย หย่า ค้อ-ฟิ นิ่น. 11นินะเว ต้ม ฒี่ง ม่าย เหยียด สิน อี หว่าน ไม้ ฮิ้ว ตุ๊ หาย ฮนอย ฌัง หาย ฮนอย หฮมวัง เญย เมี่ยน.#4:11 ฟาน หฒะ ก๊อง “...ม่าย เหยียด สิน อี หว่าน เต้า ปุน ไม้ ฆอย หฒาย เจี๊ยะ ปั์ว เหธา บย่าว เจี๊ยะ ปั์ว เญย เมี่ยน”. แซง-คู้ หย่า ม่าย ธั้ม. เยีย ไม้ เฒ์ย อ๋อย หฒุ เก้า ค้อ-เลี่ยน นิ่น บัว ไฟ?”
Tans Gekies:
โยนา 4: IuMiTH
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Mien Bible (Thai Script) © Thailand Bible Society, 2007