२ कोरिन्थी 4
4
सजे तीयाँने धन
1येरेक्यूत्देबे परमेश्वरजे रङ्से कृपादे अम्ब काम ङीने पीनब क्यूत्देबे ङी सेम् चीद अन्ची। 2त्वा पर्तेब काम मेस्ये छ्यूप्देबे चेब अन्ज्य कामयू क्वाने ङीदे क्यापीक ख्यङ्। ङी तीप्लीङ्-छोप्लीङ् चेब काम अन्ची, परमेश्वरजे वचनने अदल-बदल अन्ची। तर परमेश्वरजे खूम्ने तम्दम् पो क्यम्क्य, मेस्ये भरपर्ते खल्जे मीयू क्वादेने अम्ब पो स्येय। 3होर्दे कादेये ङीजे सूगब खबरने त्वा उपब कोलादे उप्ये ख्यङ्लीने अम्ब नाश क्यूप्पयूजे लागि त्यामे हम्ब त्वा उपब कोलादे उप्ये ख्यङ्। 4अम्ब संसारजे देऊता, शैतानदे विश्वास अन्चेबयूजे सेम्ने म्या अन्तङब मीप्र बन्द चीप्पे ख्यङ्। थमयूदे सूगब खबरजे महिमाजे ओथ्याङ् तङ अङ्खू। थमयूदे परमेश्वरजे खास रुप् ख्यब ख्रीष्टजे महिमाजे बारेने ख्यब अम्ब खबर क्व अङ्खू। 5ङी रङ्सेजे पो स्य्वेब काम अन्ची, तर येशूजे लागि ङी नमयूजे त्वो क्यूत्देबे, येशू ख्रीष्टने प्रभु ख्यङ् यदेबे प्रचार चीक्क्य। 6#उत्पत्ति 1:3“मून्दूङ् नङ्दे ओथ्याङ् क्यूस्स्य” यदेबे परमेश्वरदे य ख्यङ्। हम्ब परमेश्वरदे येशू ख्रीष्टजे त्वाने तङब परमेश्वरजे महिमा ङीनदे स्ये खूस्य यदेबे ङीनजे सेम्ने अम्ब ओथ्याङ् चेम्कीतीमे ख्यङ्।
7अम्ब पात्ता नङ्ने केन् शक्ति ङीजे दी, तर परमेश्वरजे ख्यङ् यदेबे चेलाबे तनने अम्ब धन ङीप्रे सजे तीयाँयूने हीते ख्यङ्। 8केर्देनेयली ङीदे सकस्त्या प्रे ख्यङ्, होरेक्यूल्लीने हम्ब सकस्दे बेस्से अन्च्योप्क। अल्मल् क्यूल्लीने सेम् चीद अन्क्यूर ख्यङ्। 9ङीने सतनम् पीन्लीने, परमेश्वरदे ङीने अम्पोङ्ये ख्यङ्। ङीने बेस्से ठरीदेबे क्यर्पीलीने, ङी अन्सीये ख्यङ्। 10येशूजे जीया ङीजे ङ्वने तङ्स्य यदेबे ङू सेक्कब दु:ख ङीदेये रङ्से ङ्वने भोक्तीन ख्यङ्। 11चेनेयलो येशूजे जीया ङीनजे सीबब ङ्वने तङ्स्य यदेबे ङी सोम्बो क्यूत्दासेमे येशूजे लागि येतार्ने कालजे ङूर्ने पर्दीन ख्यङ्। 12येर्बे ङीने येतार्ने कालजे ङूर्ने सबब काम क्यूर ख्यङ्, तर अम्बदे चीत्देबे नमयूदे जीया प्रे ख्यङ्।
13 #
भजनसंग्रह 116:10
पवित्र धर्मशास्त्रने येरे लिख्दीये ख्यङ्, “ङैदे विश्वास चीत्दे, येरेक्यूत्देबे ङ क्यम्दे।” हम्ब विश्वासजे आत्मा ङीने क्यूत्देबे ङीये विश्वास चीक्क्य मेस्ये क्यम्क्य। 14ङीदे स्ये ख्यङ्, प्रभु येशूने सोम्बो चीम्मेब परमेश्वरदे ङीननेये येशूप्रेने सोम्बो चीम्मीय। ङूदेने ङीने नमयूप्रे ङूजे खूम्ने रेक्क्य। 15अम्ब क्वाने नमयूजे लागिने क्यूर ख्यङ्, चेनेयलो केर्बे अनुग्रह सोरो कूम मीयूने फ्योबीन ख्यङ्, होरप्रने परमेश्वरजे महिमाजे लागि धन्यवाद पीनब कामये कूम क्यूप्पीनूस्य।
16येरेक्यूत्देबे ङी सेम् चीद अन्ची। ङीजे फीजे ङ्व नाश क्यूप्पीनूली ङीजे नङ्जे आत्माब दिनजेने सर् क्यूप्पीनीय। 17चेनेयलो ङीदे खात्या ङ्यूक्लीत्या प्रेब सकस्दे ङीने कलङ्बेये अन्जेनब पात्ता केन् महिमा तयार चीन्न ख्यङ्, अम्ब सकस्यली हम्ब महिमा केन् ख्यङ्। 18ङी म्यादे तङ ख्वब सेयूने दी, तर तङ-अङ्ख्वब सेयूने सेम् पीन्क्य, चेनेयलो चैसे तङ खूइय हम्ब सेयू खात्यात्या क्यूक्क्य, तर चैसे तङ-अङ्खू हम्ब सेयू येतार्ने क्यून्नीय।
Tans Gekies:
२ कोरिन्थी 4: सर् कबुल
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Ghale New Testament © Nepal Bible Society, 2011.