२ कोरिन्थी 2
2
1येरेक्यूत्देबे नमयूने सकस् अम्पीन्लाचेने ङैदे ङ्येजे पलोने अन्र यदेबे पक्क चीत्दे। 2चेनेयलो कादेये ङैदे नमयूने सेम् नसे पीन्देयलो ङैदे सेम् नसे पीनब हम्ब मी यली सूजो सूदे ङैने सूग्लाबे चीम्मे स्व? 3मेस्ये ङैदे चै पो लिख्दीदे, हम्बने चीत्दे, येरेक्यूत्देबे ङ रब कम्ब मीयूदे चीत्देबे ङ सूग पर्ते ख्य, हम्ब मीयूदे चीत्देबे ङैजे सेम् न अम्पर्तीस्य। चेनेयलो ङ सूगप्रेप्ब नमयू क्वाने सूग प्रेक्क्य यदेबे नमयू क्वा-फ्यानेने ङैदे भर् चे ख्य। 4चेनेयलो ङैदे नमयूजे सेम् नसे पीनने दी, तर ङैदे नमयूने कूम माया चे ख्यङ् यब पो नमयूदे स्येस्य यदेबे सेम्ने कूम पीर् मेस्ये बीगन क्यूत्देबे म्यामू रली ङैदे नमयूने अम्ब चिट्ठी लिख्दीदे।
पापजे क्षमा
5तर कादेये कोइ मीदे सूजो मीने सेम् नसे पीन्देयलो ङूदे ङैने दी, तर ङैने यली नमयू क्वानेने दम्त्या सेम् नसे पीन ख्यङ्, अम्ब पो ङैदे थेप् चीत्देबे यब दी। 6कूम मी मील्लीदेबे पीनब सजाइदे होर मीने कोलानेयली पूक्तीय। 7जेम्से नमयूदे हम्बने क्षमा पीन् मेस्ये सेम् प्लीक्मे पर्दीय, नत्र हम्ब सोरो शोक्त्या प्लेब क्यूप्पने। 8येरेक्यूत्देबे नमयूदे हम्ब मीने खूम् चेयली थेप् माया ची यदेबे ङ नमयूने बिन्ती चीक्क्य। 9नमयूने जाँच चेने, मेस्ये ङैदे यब पो ङ्यीन-टोङ् यी अन्ङ्यीन-टोङ् यदेबे सम्क्याने ङैदे नमयूने हम्ब चिट्ठी लिख्दे ख्य। 10सूने नमयूदे क्षमा पीन्क्य, हम्बने ङैदेये क्षमा पीन्क्य। कादेये कोइ मीने ङैदे चत्या पोने क्षमा पीन्देयलो, नमयूजे लागि ङैदे ख्रीष्टजे खूम्ने क्षमा पीन्क ख्यङ्, 11येर्बे शैतानदे ङीनने फस्ते अम्प्रेस्स्य, चेनेयलो ङूदे चेब जाली पोयू ङीनदे स्ये ख्यङ्।
सर् करारजे काम फरबयू
12 #
मूल स्यूस्स्यायूजे कामजे किताब 20:1
त्रोआसने ख्रीष्टजे सूगब खबर प्रचार चेने रब, प्रभुदे ङैने काम फरब ज्य मौका पीन्दे। 13तर होने ङैजे च्योन् तितसने अन्तूप ङ सोरो सुर्त क्यूत्दे। येरेक्यूत्देबे थमयूने प्रीय यदेबे ङ माकेडोनियातेले गीलीदे।
14तर परमेश्वरने धन्यवाद पीन्क्य, चेनेयलो ङूदे ङीने ख्रीष्टप्रे-प्रे येतार्ने ट्याब लम्ने स्योल्क्य, मेस्ये ङूजे ज्ञानजे ज्य बस्न रब पो का-मुलुकने ड्वाङ्गे चेने ङूदे ङीने च्योल्क्य। 15चेनेयलो उद्धार प्रेन्नबयू मेस्ये नाश क्यूप्पीनयूजे अन्द्रनेये परमेश्वरजे लागि ख्रीष्टदे चैर्तीयेब ज्य बस्न रब धूपप्र ङी ख्यङ्। 16नाश क्यूप्पबयूजे लागि सीइदेबे रम्येब पूङ्प्र मेस्ये उद्धार प्रेबयूजे लागि जीयाजे ज्य बस्नरप्र ङीन ख्यङ्। अम्ब काम फरब लायकजे सू ख्यङ्? 17चेनेयलो परमेश्वरजे वचनजे छोङ् चेब कूम मीयूप्र ङी दी, तर परमेश्वरदे कूल्बेब चैये छल् त्वब मीप्र परमेश्वरजे खूम्ने ख्रीष्टप्रे क्यूत्देबे ङी क्यम्क्य।
Tans Gekies:
२ कोरिन्थी 2: सर् कबुल
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Ghale New Testament © Nepal Bible Society, 2011.