ሌዊ ዓሶ ማፃኣፖ 7
7
ዻቢንቲ ዛላ ጪጋ ማሂ ዒንጎ ዒንጊሢ
1ናንጊና ናንጋ ጎዳ ሃሣ ኬኤዛዖ፦ «ሚርጌና ታኣም ዱማዼያ ማዔሢሮ ዻቢንቶ ዛሎ ጪጋ ማሂ ዒንጎ ዒንጊፆ ጎይፃ ያዺ ማዖንጎ፦ 2ዻቢንቶ ዛሎ ዒንጊንታ ቆልማ ፆኦሲም ዒንጎ ባኮ ዒንጎ ቤዞኮ ኬዶ ዛላ ዓኣ ቤዞይዳ ሹኪንቶንጎ፤ ሱጉፃ ሚቺ ዒንጎ ቤዞኮ ዖይዶ ዛሎ ጎኦቦይዳ ፑጪንቶንጎ። 3ዬያኮ ማላ ቢያ ሹኪንቲ ዔውቲ ሺኢኮንጎ፤ ዬይያኣ፦ ዑንኮ ማላ፥ ጎጶ ባኮ ካንቄ ሃኣቦ ማላ፥ 4ጳላሢና ዒኢካ ዓኣ ማላ፤ ዬያጉዲ ሃሣ ማዮኮ ሻኣዣዻ ቤዛኣ ሺኢሺንቶንጎ። 5ቄኤሳሢ ናንጊና ናንጋ ጎዳም ሚቺ ዒንጎ ዒንጊሢ ማዓንዳጉዲ ሚቺ ዒንጎ ቤዞይዳ ጌሢ ዬያ ሚቾንጎ፤ ዬይ ዻቢንቲ ዛላ ዒንጊንታ ዒንጊሢ ማዓኔ። 6ቄኤሶ ፃጳፓ ማዔ ዓቲንቃ ቢያ ዬያ ዓሽኮ ሙዓኒ ዳንዳዓኔ፤ ዬይ ሚርጌና ታኣም ዱማዼያታሢሮ ታኣም ዱማዼ ቤዛ ሙዖንጎ።
7«ጎሞ ዛሎ ዒንጊንታ ዒንጊፆና ዻቢንቶ ዛሎ ጪጋ ማሂ ዒንጎ ዒንጊፆኮ ዳምባ ፔቴኬ፤ ዬይያ፦ ዒንጊንቴ ባካ ዒንጎ ዳምቦ ኩንሤ ቄኤሳሢም ዒንጊንታኔ። 8ዓይጎ ዓሲማኣ ማዖም ሚቺ ዒንጎ ዒንጊሢ ማዒ ዒንጊንቴ ቆልሞኮ ዒልዓ ሹኪንቲ ዬኖ ዒንጊፆ ፆኦሲም ዒንጌ ቄኤሳሢም ዒንጊንቶንጎ። 9ቦኦቆይዳ ጉኡፒ ላኣዲንቴ ላኣዳ፥ ዖቲዳ ካሢንቴያ፥ ቦኦቆይዳ ጉሪ ላኣዶናያኣ ቢያ ዒንጎ ባኮ ፆኦሲም ዔኪ ሺኢሼ ቄኤሳሢም ዒንጊንቶንጎ። 10ዛይቶና ዲርኪ ጊኢጊሾናሢ ማዔቴያ ሜሌ ጉሪ ዒንጊንቴ ሃኣኮ ዒንጊፃ ዓኣሮኔ ፃጶ ማዔ፥ ቄኤሶም ቢያ ዒንጊንቴም ዔያታ ሄኮ ጊሽቲ ዔኮንጎ።»
ፔቱሞና ፆኦሲም ዒንጎ ዒንጊሢ
11«ናንጊና ናንጋ ጎዳም ዒንጊንታ ፔቱሞና ዒንጎ ዒንጊፆኮ ዳምባ ያዺ ማዓንዳኔ፤ 12ፔቴ ዓሲ ፆኦሲም ጋላታሮ ዒንጋ ዒንጊሢ ማዔቴ ዒዚ ዒንጋ ቆልሞና ዎላ ሙኑቃ ፃኣዛ ጌሊባኣ ላኣዳ፥ ዛይቴና ዲርኪ ሻኣዣሲ ላኣዶና ላኣዳ፥ ዛይቴና ዲርኮና ሺኢቺ ዺኢሊያ ሺኢሾንጎ። 13ጋላቶሮ ዒንጊንታ ፔቱሞ ዒንጊፆና ዎላ ሙኑቃ ፃኣዛ ዋሂ ላኣዲንቴ ካሣ ሺኢሾንጎ። 14ዱማ ዱማ ካሦኮ ቶኦካፓ ቶኦካፓ ፔቴ ፔቴ ዔኪ ናንጊና ናንጋ ጎዳም ዱማዼ ዒንጊሢ ማሂ ሺኢሾንጎ፤ ዬይ ባካ ቆልሞ ሱጉፆ ዔኪ ሚቺ ዒንጎ ቤዞኮ ጎኦቦ ፑጬ፥ ቄኤሳሢም ማዖንጎ። 15ዬይ ዒንጊንቴ ዓሽካ ዒዞ ኬሎ ሙይንቲ ጋጋፖንጎ፤ ዓቲ ዎርቆፓ።
16«ፔቴ ዓሲ ናኣቤ ናኣባ ኩሜሢሮ ጌይ፤ ሃሣ ፔ ማሊሢና ዔኪ ዒንጋያ ማዔቴ ዒንጊንቴ ኬሎ ሙይንቶንጎ፤ ዓቴሢ ዚሮ ጉቴ ቢያ ሙይንቶንጎ። 17ዬካፓ ዓቲ ሃይሣሳ ኬሎ ሄላንዳኣና ዴዔቴ ዓሽካ ታሚና ሚቺንቶንጎ። 18ዓቴ ዓሽካ ሃይሣሳ ኬሎ ዎማይዲ ማዔቴያ ሙይንቴቴ ዬያ ዓሢኮ ዒንጊፆ ፆኦሲ ዔካያቱዋሴ፤ ዬይ ዒንጊፃኣ ዒንጊንቴያ ማዓዓኬ፤ ዬይ ዒኢቴ ባኣዚ ማዓንዳኔ፤ ዬያ ሙዔ ዓሢ ሜቶ ዔካንዳኔ። 19ዒኢቴ ባኣዚና ካኣሜ ዓሽካ ሚሚቺንቶንጎ፥ ሙይንቶፓ።
«ሜሌ ዓሽኮ ጋዓንቴ ካኣዦ ዳምቦ ጎይፆና ጌኤሺ ማዔ ዓይጎ ዓሲያ ሙሙዖንጎ፤ 20ጋዓንቴ ፔቴ ዓሲ ዳምቦ ጎይፆና ጌኤሺቱዋዖ ዬያ ሙዔቴ ፆኦሲ ዴሮ ባኣኮይዳ፥ ፆኦሲ ዓሲ ማዒ ፔቴታዖ ፓይዲንቶፓ። 21ዳምቦ ጎይፆና ጌኤሺ ማዒባኣ፥ ዓሲፓ ማዖም ቆልሞፓ ኬስካ ዒኢሳ ባኣዚ፤ ሃሣ ዓይጎዋ ዒኢሳ ባኣዚ ሄሌዖ ናንጊና ናንጋ ጎዳም ዒንጊንቴ፥ ፔቱሞና ዒንጎና ዒንጊፆኮ ዓሽኮ ሙዔቴ ዬይ ዓሢ ፆኦሲ ዴራፓ ዱማዺ ባባይቆንጎ» ጌዔኔ።
22ናንጊና ናንጋ ጎዳ ሙሴም፦ 23«ዒስራዔኤሌ ዴሮም ሂዚ ጌዔ፤ ባይና ማራይና ዋኣሪናኮ ማሊ ሙይፖቴ፤ 24ጉሪ ሃይቄ ቆልሞንታ ቦዖ ዎዼ ቆልሞንታኮ ማላ ሜሌ ባኣዚ ማዺንቶንጎ፤ ዓሲ ሙሙዖፓ። 25ፆኦሲም ሚቺ ዒንጎያ ማሂ ዒንጊንቴ ቆልሞኮ ማሎ ሙዓ ዓይጎ ዓሲያ ፆኦሲ ዴሮ ባኣካፓ ባይቆንጎ። 26ዒስራዔኤሌ ዓሳ ዓንኮ ቤስካኣ ማዖም ናንጋ ቤዞ ቢያይዳ ካፒሮታቴያ ቆልሞ ሱጉሢ ሙዖፓ። 27ዓይጎ ዓሲያ ማዖም ሱጉሢ ሙዓ ዓሲ ፆኦሲ ዴሮ ባኣካፓ ባይቆንጎ» ጌዔኔ። #ማዢ. ማፃ 9፡4፤ ሌዊ. ዓኬ 17፡10-14፤ 19፡26፤ ላሚ. ዎማ 12፡16፤ 23፤ 15፡23።
28ናንጊና ናንጋ ጎዳ ሃሣ ሙሴም፦ 29«ዒስራዔኤሌ ዴሮም ሂዚ ጌዔ፤ ዓይጎ ዓሲያ ማዖም ፔቱሞና ዒንጎ ዒንጊፆ ፆኦሲም ዒንጋቴ ዬያይዳፓ ፓቂ ፔ ዛሎ ዒንጎ ባኣዚ ማሂ ናንጊና ናንጋ ጎዳም ዔኪ ሺኢኮንጎ። 30ዬያ ሚቺ ዒንጎ ዒንጊሢ ማሂ ፆኦሲም ፔ ኩቻ ዒንጎንጎ፤ ማሎ ዚኢሮና ዎላ ሺኢሺ፥ ዚኢሮዋ ዡጊ ናንጊና ናንጋ ጎዳም ዒንጊሢ ማሂ ሺኢሾንጎ። 31ቄኤሳሢ ዬያ ማሎ ሚቺ ዒንጎ ቤዛ ሚቾንጎ፤ ዚኢሮ ጋዓንቴ ቄኤሶም ዒንጎንጎ። 32ዬኖ ዒንጊፆኮ ሚዛቆ ዛሎ ላባዎ ዬያ ቄኤሳሢም ዒንጎንጎ፤ 33ሚዛቆ ዛሎ ላባኣ ሱጉፆንታ ማሎንታ ዔኪ ፔቱሞ ዒንጊፆ ማሂ ፆኦሲም ሺኢሼ ቄኤሳሢ ዛላ ማዖንጎ። 34ዡጊንቴ ዚኢሮና ዔኪ ሺኢሾና ላባዎ ዒስራዔኤሌ ዴራ ዒንጌ ዒንጊፆፓ ዔኪ፥ ቄኤሳሢ ዓኣሮኔና ዒዛኮ ናኣቶናም ናንጊና ዔያቶሮ ማዓንዳጉዲ ታ ዒንጌኔ» ጌዔኔ።
35«ዓኣሮኔና ናኣቶና ቄኤሴ ማዓንዳጉዲ ፆኦሲ ዶኦሬ ኬሎና ፆኦሲም ዒንጊንታ ሚቺ ዒንጎ ዒንጊፆኮ ቄኤሶ ዛሎ ማዓንዳጉዲ ዱማሶናሢ ዬያኬ። 36ዬኖ ኬሎና ዬያ ዒንጊፆይዳፓ ቄኤሶ ሄላ ዛላ ዔያቶም ዒንጊንታንዳጉዲ ናንጊና ናንጋ ጎዳ ዓይሤኔ፤ ዬይ፦ ኬስካ ዎዶ ቢያይዳ ዒስራዔኤሌ ዓሳ ኩንሣኒ ኮይሳ ዳምቤኬ።»
37ዓካሪ፦ ሚቺ ዒንጎ ዒንጊፆ ዳምባ፥ ሃኣኮ ዒንጎሢሲ፥ ጎሞ ጌኤሻኒ ዒንጎ ዒንጊፆሲ፥ ዻቢንቶ ዛሎ ዒንጎ ዒንጊፆሲ፥ ቄኤሶ ዶኦሪፆም ጌይ ዒንጎ ዒንጊፆሲንታ ፔቱሞና ዒንጎ ዒንጊፆኮ ዳምባ ያዺኬ። 38ዒስራዔኤሌ ዴራ ፆኦሲም ዒንጎ ባኮ ዒንጋንዳጉዲ ዓሲ ናንጉዋ ዳውሎኮ ሲና ዹኮ ኮይላ ዔያቶም ኬኤዚንቴያና ናንጊና ናንጋ ጎዳ ሙሴም ዬያ ዳምቦ ኬኤዜኔ።
Tans Gekies:
ሌዊ ዓሶ ማፃኣፖ 7: ጌኤ.ማፃ
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Maale Full Bible © 2008 by The Word for the World International and The Bible Society of Ethiopia, 2008.
ሌዊ ዓሶ ማፃኣፖ 7
7
ዻቢንቲ ዛላ ጪጋ ማሂ ዒንጎ ዒንጊሢ
1ናንጊና ናንጋ ጎዳ ሃሣ ኬኤዛዖ፦ «ሚርጌና ታኣም ዱማዼያ ማዔሢሮ ዻቢንቶ ዛሎ ጪጋ ማሂ ዒንጎ ዒንጊፆ ጎይፃ ያዺ ማዖንጎ፦ 2ዻቢንቶ ዛሎ ዒንጊንታ ቆልማ ፆኦሲም ዒንጎ ባኮ ዒንጎ ቤዞኮ ኬዶ ዛላ ዓኣ ቤዞይዳ ሹኪንቶንጎ፤ ሱጉፃ ሚቺ ዒንጎ ቤዞኮ ዖይዶ ዛሎ ጎኦቦይዳ ፑጪንቶንጎ። 3ዬያኮ ማላ ቢያ ሹኪንቲ ዔውቲ ሺኢኮንጎ፤ ዬይያኣ፦ ዑንኮ ማላ፥ ጎጶ ባኮ ካንቄ ሃኣቦ ማላ፥ 4ጳላሢና ዒኢካ ዓኣ ማላ፤ ዬያጉዲ ሃሣ ማዮኮ ሻኣዣዻ ቤዛኣ ሺኢሺንቶንጎ። 5ቄኤሳሢ ናንጊና ናንጋ ጎዳም ሚቺ ዒንጎ ዒንጊሢ ማዓንዳጉዲ ሚቺ ዒንጎ ቤዞይዳ ጌሢ ዬያ ሚቾንጎ፤ ዬይ ዻቢንቲ ዛላ ዒንጊንታ ዒንጊሢ ማዓኔ። 6ቄኤሶ ፃጳፓ ማዔ ዓቲንቃ ቢያ ዬያ ዓሽኮ ሙዓኒ ዳንዳዓኔ፤ ዬይ ሚርጌና ታኣም ዱማዼያታሢሮ ታኣም ዱማዼ ቤዛ ሙዖንጎ።
7«ጎሞ ዛሎ ዒንጊንታ ዒንጊፆና ዻቢንቶ ዛሎ ጪጋ ማሂ ዒንጎ ዒንጊፆኮ ዳምባ ፔቴኬ፤ ዬይያ፦ ዒንጊንቴ ባካ ዒንጎ ዳምቦ ኩንሤ ቄኤሳሢም ዒንጊንታኔ። 8ዓይጎ ዓሲማኣ ማዖም ሚቺ ዒንጎ ዒንጊሢ ማዒ ዒንጊንቴ ቆልሞኮ ዒልዓ ሹኪንቲ ዬኖ ዒንጊፆ ፆኦሲም ዒንጌ ቄኤሳሢም ዒንጊንቶንጎ። 9ቦኦቆይዳ ጉኡፒ ላኣዲንቴ ላኣዳ፥ ዖቲዳ ካሢንቴያ፥ ቦኦቆይዳ ጉሪ ላኣዶናያኣ ቢያ ዒንጎ ባኮ ፆኦሲም ዔኪ ሺኢሼ ቄኤሳሢም ዒንጊንቶንጎ። 10ዛይቶና ዲርኪ ጊኢጊሾናሢ ማዔቴያ ሜሌ ጉሪ ዒንጊንቴ ሃኣኮ ዒንጊፃ ዓኣሮኔ ፃጶ ማዔ፥ ቄኤሶም ቢያ ዒንጊንቴም ዔያታ ሄኮ ጊሽቲ ዔኮንጎ።»
ፔቱሞና ፆኦሲም ዒንጎ ዒንጊሢ
11«ናንጊና ናንጋ ጎዳም ዒንጊንታ ፔቱሞና ዒንጎ ዒንጊፆኮ ዳምባ ያዺ ማዓንዳኔ፤ 12ፔቴ ዓሲ ፆኦሲም ጋላታሮ ዒንጋ ዒንጊሢ ማዔቴ ዒዚ ዒንጋ ቆልሞና ዎላ ሙኑቃ ፃኣዛ ጌሊባኣ ላኣዳ፥ ዛይቴና ዲርኪ ሻኣዣሲ ላኣዶና ላኣዳ፥ ዛይቴና ዲርኮና ሺኢቺ ዺኢሊያ ሺኢሾንጎ። 13ጋላቶሮ ዒንጊንታ ፔቱሞ ዒንጊፆና ዎላ ሙኑቃ ፃኣዛ ዋሂ ላኣዲንቴ ካሣ ሺኢሾንጎ። 14ዱማ ዱማ ካሦኮ ቶኦካፓ ቶኦካፓ ፔቴ ፔቴ ዔኪ ናንጊና ናንጋ ጎዳም ዱማዼ ዒንጊሢ ማሂ ሺኢሾንጎ፤ ዬይ ባካ ቆልሞ ሱጉፆ ዔኪ ሚቺ ዒንጎ ቤዞኮ ጎኦቦ ፑጬ፥ ቄኤሳሢም ማዖንጎ። 15ዬይ ዒንጊንቴ ዓሽካ ዒዞ ኬሎ ሙይንቲ ጋጋፖንጎ፤ ዓቲ ዎርቆፓ።
16«ፔቴ ዓሲ ናኣቤ ናኣባ ኩሜሢሮ ጌይ፤ ሃሣ ፔ ማሊሢና ዔኪ ዒንጋያ ማዔቴ ዒንጊንቴ ኬሎ ሙይንቶንጎ፤ ዓቴሢ ዚሮ ጉቴ ቢያ ሙይንቶንጎ። 17ዬካፓ ዓቲ ሃይሣሳ ኬሎ ሄላንዳኣና ዴዔቴ ዓሽካ ታሚና ሚቺንቶንጎ። 18ዓቴ ዓሽካ ሃይሣሳ ኬሎ ዎማይዲ ማዔቴያ ሙይንቴቴ ዬያ ዓሢኮ ዒንጊፆ ፆኦሲ ዔካያቱዋሴ፤ ዬይ ዒንጊፃኣ ዒንጊንቴያ ማዓዓኬ፤ ዬይ ዒኢቴ ባኣዚ ማዓንዳኔ፤ ዬያ ሙዔ ዓሢ ሜቶ ዔካንዳኔ። 19ዒኢቴ ባኣዚና ካኣሜ ዓሽካ ሚሚቺንቶንጎ፥ ሙይንቶፓ።
«ሜሌ ዓሽኮ ጋዓንቴ ካኣዦ ዳምቦ ጎይፆና ጌኤሺ ማዔ ዓይጎ ዓሲያ ሙሙዖንጎ፤ 20ጋዓንቴ ፔቴ ዓሲ ዳምቦ ጎይፆና ጌኤሺቱዋዖ ዬያ ሙዔቴ ፆኦሲ ዴሮ ባኣኮይዳ፥ ፆኦሲ ዓሲ ማዒ ፔቴታዖ ፓይዲንቶፓ። 21ዳምቦ ጎይፆና ጌኤሺ ማዒባኣ፥ ዓሲፓ ማዖም ቆልሞፓ ኬስካ ዒኢሳ ባኣዚ፤ ሃሣ ዓይጎዋ ዒኢሳ ባኣዚ ሄሌዖ ናንጊና ናንጋ ጎዳም ዒንጊንቴ፥ ፔቱሞና ዒንጎና ዒንጊፆኮ ዓሽኮ ሙዔቴ ዬይ ዓሢ ፆኦሲ ዴራፓ ዱማዺ ባባይቆንጎ» ጌዔኔ።
22ናንጊና ናንጋ ጎዳ ሙሴም፦ 23«ዒስራዔኤሌ ዴሮም ሂዚ ጌዔ፤ ባይና ማራይና ዋኣሪናኮ ማሊ ሙይፖቴ፤ 24ጉሪ ሃይቄ ቆልሞንታ ቦዖ ዎዼ ቆልሞንታኮ ማላ ሜሌ ባኣዚ ማዺንቶንጎ፤ ዓሲ ሙሙዖፓ። 25ፆኦሲም ሚቺ ዒንጎያ ማሂ ዒንጊንቴ ቆልሞኮ ማሎ ሙዓ ዓይጎ ዓሲያ ፆኦሲ ዴሮ ባኣካፓ ባይቆንጎ። 26ዒስራዔኤሌ ዓሳ ዓንኮ ቤስካኣ ማዖም ናንጋ ቤዞ ቢያይዳ ካፒሮታቴያ ቆልሞ ሱጉሢ ሙዖፓ። 27ዓይጎ ዓሲያ ማዖም ሱጉሢ ሙዓ ዓሲ ፆኦሲ ዴሮ ባኣካፓ ባይቆንጎ» ጌዔኔ። #ማዢ. ማፃ 9፡4፤ ሌዊ. ዓኬ 17፡10-14፤ 19፡26፤ ላሚ. ዎማ 12፡16፤ 23፤ 15፡23።
28ናንጊና ናንጋ ጎዳ ሃሣ ሙሴም፦ 29«ዒስራዔኤሌ ዴሮም ሂዚ ጌዔ፤ ዓይጎ ዓሲያ ማዖም ፔቱሞና ዒንጎ ዒንጊፆ ፆኦሲም ዒንጋቴ ዬያይዳፓ ፓቂ ፔ ዛሎ ዒንጎ ባኣዚ ማሂ ናንጊና ናንጋ ጎዳም ዔኪ ሺኢኮንጎ። 30ዬያ ሚቺ ዒንጎ ዒንጊሢ ማሂ ፆኦሲም ፔ ኩቻ ዒንጎንጎ፤ ማሎ ዚኢሮና ዎላ ሺኢሺ፥ ዚኢሮዋ ዡጊ ናንጊና ናንጋ ጎዳም ዒንጊሢ ማሂ ሺኢሾንጎ። 31ቄኤሳሢ ዬያ ማሎ ሚቺ ዒንጎ ቤዛ ሚቾንጎ፤ ዚኢሮ ጋዓንቴ ቄኤሶም ዒንጎንጎ። 32ዬኖ ዒንጊፆኮ ሚዛቆ ዛሎ ላባዎ ዬያ ቄኤሳሢም ዒንጎንጎ፤ 33ሚዛቆ ዛሎ ላባኣ ሱጉፆንታ ማሎንታ ዔኪ ፔቱሞ ዒንጊፆ ማሂ ፆኦሲም ሺኢሼ ቄኤሳሢ ዛላ ማዖንጎ። 34ዡጊንቴ ዚኢሮና ዔኪ ሺኢሾና ላባዎ ዒስራዔኤሌ ዴራ ዒንጌ ዒንጊፆፓ ዔኪ፥ ቄኤሳሢ ዓኣሮኔና ዒዛኮ ናኣቶናም ናንጊና ዔያቶሮ ማዓንዳጉዲ ታ ዒንጌኔ» ጌዔኔ።
35«ዓኣሮኔና ናኣቶና ቄኤሴ ማዓንዳጉዲ ፆኦሲ ዶኦሬ ኬሎና ፆኦሲም ዒንጊንታ ሚቺ ዒንጎ ዒንጊፆኮ ቄኤሶ ዛሎ ማዓንዳጉዲ ዱማሶናሢ ዬያኬ። 36ዬኖ ኬሎና ዬያ ዒንጊፆይዳፓ ቄኤሶ ሄላ ዛላ ዔያቶም ዒንጊንታንዳጉዲ ናንጊና ናንጋ ጎዳ ዓይሤኔ፤ ዬይ፦ ኬስካ ዎዶ ቢያይዳ ዒስራዔኤሌ ዓሳ ኩንሣኒ ኮይሳ ዳምቤኬ።»
37ዓካሪ፦ ሚቺ ዒንጎ ዒንጊፆ ዳምባ፥ ሃኣኮ ዒንጎሢሲ፥ ጎሞ ጌኤሻኒ ዒንጎ ዒንጊፆሲ፥ ዻቢንቶ ዛሎ ዒንጎ ዒንጊፆሲ፥ ቄኤሶ ዶኦሪፆም ጌይ ዒንጎ ዒንጊፆሲንታ ፔቱሞና ዒንጎ ዒንጊፆኮ ዳምባ ያዺኬ። 38ዒስራዔኤሌ ዴራ ፆኦሲም ዒንጎ ባኮ ዒንጋንዳጉዲ ዓሲ ናንጉዋ ዳውሎኮ ሲና ዹኮ ኮይላ ዔያቶም ኬኤዚንቴያና ናንጊና ናንጋ ጎዳ ሙሴም ዬያ ዳምቦ ኬኤዜኔ።
Tans Gekies:
:
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Maale Full Bible © 2008 by The Word for the World International and The Bible Society of Ethiopia, 2008.