ሌዊ ዓሶ ማፃኣፖ 12
12
ላኣሊ ሾዔስካፓ ኩንሣ ዳምቤ
1ናንጊና ናንጋ ጎዳ ሙሴም፦ 2« ዒስራዔኤሌ ዓሶም ሂዚ ጌዔ፤ ፔቴ ላኣሊ ጎጳዺ ዓቲንቄ ናይ ሾዔያ ማዔቴ ላኣሊኮ ሻቱሞ ጴዻዛ ማዺንታ ጎይፆ ላንካይ ኬሊ ሄላንዳኣና ዒዛ ዒኢቴያ ማዓንዳኔ። 3ሳላሳ ኬሎና ናዖኮ ዓቲንቶ ቤርቶ ቲቃንዳያ ኮይሳኔ። #ማዢ. ማፃ 17፡12፤ ሉቃ. 2፡21። 4ዬካፓ ዑፃ ዒዞኮ ፃኣዻንዳ፥ ሃይሢታሚ ሃይሦ ኬሊ ሄላንዳኣና ፆኦሲም ዱማዼ ዓይጎ ባኣዚያ ዒዛ ካኣማኒ ኮይሱዋሴ፤ ሃሣ ዒዞኮ ማስቲፆ ኬላ ጋፓንዳያ ሄላንዳኣና ታኣም ዱማዼ ማኣሮ ጌሎፓ።»
5«ዬያጉዲ ሃሣ ፔቴ ላኣሊ ዉዱሮ ናይ ሾዔቴ ላኣሊኮ ሻቱማ ጴዻኣና ማዺንታ ጎይፆ ታጶ ዖይዶ ኬሊ ሄላንዳኣና ዒዛ ዒኢቴያ ማዖንጎ፤ ዬካፓ ዑፃ ዒዞኮ ፃኣዺ፥ ማስቲፃ ጋፓንዳኣና ላሂታሚ ላሆ ኬሊ ዴዖንጎ።»
6«ዒዞኮ ማስቲፆ ኬላ ጋፔስካፓ ዓቲንቄ ናይ ማዔቴያ ዉዱሮ ናይ ዛላ ሚቺ ዒንጎ ዒንጊሢ ማዓንዳ፥ ፔቴ ሌዔ ማዔ ማራናይና ጎሞ ጌኤሺፆ ዛሎ ማዓ ፔቴ ዶኦሌ ማዔቴያ ፔቴ ኪሬ ናይ ዓፒሎና ማዢንቴ፥ ፆኦሲ ዴሮና ካኣማ ማኣሮ ካሮ ዔኪ ሙኪ ዒኢካ ማዻ ቄኤሳሢም ዒዛ ዒንጎንጎ። 7ቄኤሳሢያ ዒዛ ዒንጌ ባኮ ዔኪ ናንጊና ናንጋ ጎዳ ቤርቶ ሺኢሾንጎ፤ ዬካፓ ዒዞኮ ሱጉፃ ሾኦቴሢሮ ዒዛ ዒኢቴ ዒኢቲፃ ጋፔም ዒዞ ሻቲንቂሲፆ ዳምባ ያዺዲ ኩማንዳኔ፤ ዒዛ ጌኤሽኬያ ማዓንዳኔ፤ ዬይ፦ ላኣሊ ሾዔስካፓ ማዺ ኩንሣ ዳምቤ ማዓንዳኔ። #ሉቃ. 2፡24።
8«ላኣሌላ ማራናይ ዔኪ ሙካኒ ዳንዳዒባኣያ ማዔቴ ላምዖ ዶኦሌታቴያ ኪሬ ዔኪ ሙኮንጎ፤ ዔያቶይዳፓ ፔቴማ ሚቺ ዒንጎ ዒንጊሢ ማሂ ጊንሣ ዓቴማ ጎሜ ጌኤሻኒ ዒንጎ ዒንጊሢ ማሂ ዒንጎንጎ፤ ዬያይዲ ቄኤሳሢ ዒዞኮ ዒኢቲፆ ጋፒሲ፥ ዒዛ ሻቲንቃንዳ ዳምቦ ኩንሦንጎ፤ ዬካፓ ዒዛ ዎጎ ጎይፆና ዳምቦ ካፒ ኩንሢ ጌኤሽኬያ ማዓንዳኔ» ጌዔኔ።
Tans Gekies:
ሌዊ ዓሶ ማፃኣፖ 12: ጌኤ.ማፃ
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Maale Full Bible © 2008 by The Word for the World International and The Bible Society of Ethiopia, 2008.