Susumo 4
4
Kayin na Hɛvɛl
1Adam a dyɛng na hwā mɛ, Hawa, ko hwā mo a sey jim, a tɔ hwey wen, a ye, “Yi na sɛ́lɛ Dagwi Darwey ma ga sɛ̀ hwey.” Ko a vo a hɛ rezâ, Kayin.#4:1 Kayin: E lêm BeIbrani rezâ Kayin ra sé bagat na retîn ha “sɛ̀”. 2Hawa a to vɔk jim, a to tɔ hwey hak, yɛ à Hɛvɛl. Hɛvɛl á tɛ́ ɛ mwat de a vɔk yas, vyēl pyɛng na shi mo, ko Kayin á sè mwât cap.
3E bamâ jeng, Kayin a vɛ e ji pyɛ̂ cap mɛ, a nára yɛ nɔrɔ vɔk na Dagwi Darwey. 4Ano arɔng Hɛvɛl a jut yi e ji vyel mɛ yemo de ba mɛsɛng tɔ, a yɛrɛ, ko a nára cɛ́k o yê sebwep nɔrɔ vɔk na yɛ. Dagwi Darwey a sey Hɛvɛl na nɔrɔ mɛ, 5ko a kyɛ́ ɛ Kayin na nɔrɔ mɛ. Yaga ano, Kayin a pu ɛ, a rɔgɔs bayis mɛ. 6Ko Dagwi Darwey a yang ɛ,
“Hwà pu o sɛ́ arɛt?
Hwà rɔgɔs bayis yaga sɛ́ ɛ?
7Ka hwà ra pyɛ de ya sé tyɛng,
ko hwô kyè na to mō e gwi.
Ko ka sede hwà ra tyɛng wɛt,
nɛn ha sé sede cwey
de ya sé gyeng, na ye hwo e ra hwo.
Nɛn o ha simo na he vɔk reto e ra hwo,
ko hwo, tik na hwo vɔk reto e ra hɛ.”
8Kayin a yâng gwa mɛ Hɛvɛl, “Wot wɔ́ e hey.”#4:8 Wot wɔ́ e hey: E ji doysa detidetu hê raane batîn ha vemo ba sé ɛ̀, ko ba sɛ̀ vɛ e ji jɛ̂k BeIbrani wɛt. Jeng de yɛn a sé e hwomo hey, Kayin a hwo e ra gwa mɛ Hɛvɛl, ko a mɔrɔ hɛ.
9Dagwi Darwey a yâng Kayin, “Gwà mō Hɛvɛl a sé e gwa arɛt?”
Kayin a toyo a yɛ, “Ma tɔk wɛt. Ma sé lwêk gwa hom arɛt?”
10Ko Dagwi Darwey a yang ɛ, “E sɛ́ de hwà ra ɛ? Wok, nemî gwa mō de hwà mɔrɔ na sé tɛ̀ kun mō yi e vwel vey na me! 11Yaga ano vwel hê kyini hwo: E ngamo nuyel hwô tɔk to how vwel o wɛt, yaga vwel o ha ga sɔ nemî gwa mō de hwà mɔrɔ. 12Ka hwà ka ye ngyɛ́k, na hwo how pyɛ́, ko vwel o hê nɔng o pyɛ cak wɛt. Hwô kyě rìni, vit a lɔ̂ sangal tɛk e jey.”
13Kayin a yâng Dagwi Darwey, “Tábak hom ha dal gap hom! 14Yunung hwà sé ro me yi e vwel o, ko mê to di bayis mō wɛt. Mê kyě rìni, vit a lɔ̂ sangal tɛk e jey, ko kawɛ mwat de a man na me, e mɔrɔ me zɔng.”
15Ko Dagwi Darwey a yang ɛ, “A sé ano wɛt. Ka sede mwat hwak a mɔrɔ hwo, ko bê tala hɛ na pyɛ de ya dal myo zang taama.” A to tɛ̀ a Kayin jɔt, yaga na ye sè pyɛ dura na kawɛ mwat de a man na yɛ, ko a mɔrɔ hɛ wɛt. 16Kayin a kyè yi e nuyêl Dagwi Darwey, ko a sangal e bak vwêl Nɔt,#4:16 Nɔt: Cap reza mo ya sé “kyě rìni”. e rwa rak e yɛnɛ̂ vwêl Ɛdɛn.
Yére Kayin na Shɛt
17Kayin a dyɛng na hwā mɛ, ko hwā mo a sey jim, a tɔ hwey wen de ba tang hɛ, à Ɛnɔk. E jeng o Kayin á sè lɔk repomo, ko a nɔng rɛ rezâ hwey o. 18Ɛnɔk a vɔk sɔ̄ mɛ Irat, ko Irat a sé dâ Mɛhuyayɛl, Mɛhuyayɛl a sé dâ Mɛtushayɛl, Mɛtushayɛl a sé dâ Lamɛk.
19Lamɛk a vɔk beha beba: wo mɛsɛng o, à Ada, ko wo neba, à Zila. 20Ada a tɔ Yabal; Yabal o a sé dâ yére bemat de ba vɔk yas, de be to sangsal e buk. 21Yabal a vɔk gwa mɛ de ba tang ɛ, à Yubal. Yubal o a sé dâ yére bemat de be ra lɛlɛ na yōm kwo tanga jū. 22Ko Zila arɔng a tɔ hwey de ba tâng hɛ, à Tubal-Kayin. Tubal-Kayin o a sé zu, ko a turu nekyɔrɔ̂k pyɛ́ na dyam pama tanga dyam. A vɔk gwà mɛ hwong o de ba tang ɛ, à Naama. 23Lamɛk a ha a beha mɛ, a ye,
“À dê Yabal, à dê Tubal-Kayin,#4:23 À dê Yabal, à dê Tubal-Kayin: E ji jɛ̂k BeIbrani bà jɛk e kwɔn hemo, “à Ada na Zila”. wet in betong,
à beha hom, wok in pyɛ de mê ha a yin.
Ma ga mɔrɔ mwat, yaga a ga tɛ̀ a me ram,
ma ga wey na nekên wen, yaga a ga zére me.
24Ka sede bê tala pyɛ de ba ra a Kayin zang taama,
ko bê tala pyɛ de ba ra a me, Lamɛk,
zang kuru bataama na hɛ taama.”
25Adam a to dyɛng na hwā mɛ, ko a sey jim. A tɔ hwey wen, a ye, “Dagwi a ga nɔng me hwey e tô Hɛvɛl, yɛ wane de Kayin a kana mɔrɔ”, ko a vo a hɛ rezâ Shɛt.#4:25 Shɛt: E lêm BeIbrani rezâ Shɛt ra sé bagat na retîn ha “nɔng”.
26Shɛt arɔng a vɔk hwey wen, ko a vo a hɛ rezâ Ɛnɔsh. Jeng a yane de bemat ba hwo yila rezâ Dagwi Darwey e ji rê fongol mɛn.
Tans Gekies:
Susumo 4: bomBI
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© 2009 Nigeria Bible Translation Trust and Wycliffe Bible Translators, Inc. in cooperation with Berom Language and Translation Board
New Testament originally published by © 1984 International Bible Society and Nigeria Bible Translation Trust
Susumo 4
4
Kayin na Hɛvɛl
1Adam a dyɛng na hwā mɛ, Hawa, ko hwā mo a sey jim, a tɔ hwey wen, a ye, “Yi na sɛ́lɛ Dagwi Darwey ma ga sɛ̀ hwey.” Ko a vo a hɛ rezâ, Kayin.#4:1 Kayin: E lêm BeIbrani rezâ Kayin ra sé bagat na retîn ha “sɛ̀”. 2Hawa a to vɔk jim, a to tɔ hwey hak, yɛ à Hɛvɛl. Hɛvɛl á tɛ́ ɛ mwat de a vɔk yas, vyēl pyɛng na shi mo, ko Kayin á sè mwât cap.
3E bamâ jeng, Kayin a vɛ e ji pyɛ̂ cap mɛ, a nára yɛ nɔrɔ vɔk na Dagwi Darwey. 4Ano arɔng Hɛvɛl a jut yi e ji vyel mɛ yemo de ba mɛsɛng tɔ, a yɛrɛ, ko a nára cɛ́k o yê sebwep nɔrɔ vɔk na yɛ. Dagwi Darwey a sey Hɛvɛl na nɔrɔ mɛ, 5ko a kyɛ́ ɛ Kayin na nɔrɔ mɛ. Yaga ano, Kayin a pu ɛ, a rɔgɔs bayis mɛ. 6Ko Dagwi Darwey a yang ɛ,
“Hwà pu o sɛ́ arɛt?
Hwà rɔgɔs bayis yaga sɛ́ ɛ?
7Ka hwà ra pyɛ de ya sé tyɛng,
ko hwô kyè na to mō e gwi.
Ko ka sede hwà ra tyɛng wɛt,
nɛn ha sé sede cwey
de ya sé gyeng, na ye hwo e ra hwo.
Nɛn o ha simo na he vɔk reto e ra hwo,
ko hwo, tik na hwo vɔk reto e ra hɛ.”
8Kayin a yâng gwa mɛ Hɛvɛl, “Wot wɔ́ e hey.”#4:8 Wot wɔ́ e hey: E ji doysa detidetu hê raane batîn ha vemo ba sé ɛ̀, ko ba sɛ̀ vɛ e ji jɛ̂k BeIbrani wɛt. Jeng de yɛn a sé e hwomo hey, Kayin a hwo e ra gwa mɛ Hɛvɛl, ko a mɔrɔ hɛ.
9Dagwi Darwey a yâng Kayin, “Gwà mō Hɛvɛl a sé e gwa arɛt?”
Kayin a toyo a yɛ, “Ma tɔk wɛt. Ma sé lwêk gwa hom arɛt?”
10Ko Dagwi Darwey a yang ɛ, “E sɛ́ de hwà ra ɛ? Wok, nemî gwa mō de hwà mɔrɔ na sé tɛ̀ kun mō yi e vwel vey na me! 11Yaga ano vwel hê kyini hwo: E ngamo nuyel hwô tɔk to how vwel o wɛt, yaga vwel o ha ga sɔ nemî gwa mō de hwà mɔrɔ. 12Ka hwà ka ye ngyɛ́k, na hwo how pyɛ́, ko vwel o hê nɔng o pyɛ cak wɛt. Hwô kyě rìni, vit a lɔ̂ sangal tɛk e jey.”
13Kayin a yâng Dagwi Darwey, “Tábak hom ha dal gap hom! 14Yunung hwà sé ro me yi e vwel o, ko mê to di bayis mō wɛt. Mê kyě rìni, vit a lɔ̂ sangal tɛk e jey, ko kawɛ mwat de a man na me, e mɔrɔ me zɔng.”
15Ko Dagwi Darwey a yang ɛ, “A sé ano wɛt. Ka sede mwat hwak a mɔrɔ hwo, ko bê tala hɛ na pyɛ de ya dal myo zang taama.” A to tɛ̀ a Kayin jɔt, yaga na ye sè pyɛ dura na kawɛ mwat de a man na yɛ, ko a mɔrɔ hɛ wɛt. 16Kayin a kyè yi e nuyêl Dagwi Darwey, ko a sangal e bak vwêl Nɔt,#4:16 Nɔt: Cap reza mo ya sé “kyě rìni”. e rwa rak e yɛnɛ̂ vwêl Ɛdɛn.
Yére Kayin na Shɛt
17Kayin a dyɛng na hwā mɛ, ko hwā mo a sey jim, a tɔ hwey wen de ba tang hɛ, à Ɛnɔk. E jeng o Kayin á sè lɔk repomo, ko a nɔng rɛ rezâ hwey o. 18Ɛnɔk a vɔk sɔ̄ mɛ Irat, ko Irat a sé dâ Mɛhuyayɛl, Mɛhuyayɛl a sé dâ Mɛtushayɛl, Mɛtushayɛl a sé dâ Lamɛk.
19Lamɛk a vɔk beha beba: wo mɛsɛng o, à Ada, ko wo neba, à Zila. 20Ada a tɔ Yabal; Yabal o a sé dâ yére bemat de ba vɔk yas, de be to sangsal e buk. 21Yabal a vɔk gwa mɛ de ba tang ɛ, à Yubal. Yubal o a sé dâ yére bemat de be ra lɛlɛ na yōm kwo tanga jū. 22Ko Zila arɔng a tɔ hwey de ba tâng hɛ, à Tubal-Kayin. Tubal-Kayin o a sé zu, ko a turu nekyɔrɔ̂k pyɛ́ na dyam pama tanga dyam. A vɔk gwà mɛ hwong o de ba tang ɛ, à Naama. 23Lamɛk a ha a beha mɛ, a ye,
“À dê Yabal, à dê Tubal-Kayin,#4:23 À dê Yabal, à dê Tubal-Kayin: E ji jɛ̂k BeIbrani bà jɛk e kwɔn hemo, “à Ada na Zila”. wet in betong,
à beha hom, wok in pyɛ de mê ha a yin.
Ma ga mɔrɔ mwat, yaga a ga tɛ̀ a me ram,
ma ga wey na nekên wen, yaga a ga zére me.
24Ka sede bê tala pyɛ de ba ra a Kayin zang taama,
ko bê tala pyɛ de ba ra a me, Lamɛk,
zang kuru bataama na hɛ taama.”
25Adam a to dyɛng na hwā mɛ, ko a sey jim. A tɔ hwey wen, a ye, “Dagwi a ga nɔng me hwey e tô Hɛvɛl, yɛ wane de Kayin a kana mɔrɔ”, ko a vo a hɛ rezâ Shɛt.#4:25 Shɛt: E lêm BeIbrani rezâ Shɛt ra sé bagat na retîn ha “nɔng”.
26Shɛt arɔng a vɔk hwey wen, ko a vo a hɛ rezâ Ɛnɔsh. Jeng a yane de bemat ba hwo yila rezâ Dagwi Darwey e ji rê fongol mɛn.
Tans Gekies:
:
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© 2009 Nigeria Bible Translation Trust and Wycliffe Bible Translators, Inc. in cooperation with Berom Language and Translation Board
New Testament originally published by © 1984 International Bible Society and Nigeria Bible Translation Trust