Genesis 2
2
God wawu-balangajin.
2.1-4
1-4Yala-yala Godungku bubu, jiri, wubulku kunbay-manin. Warngku 7-balaman God wawu-balangajin, kari workmanijin baja. Yala-yalaku bubu, jiri, wubulku Godungku balkan.
BUBU YALA PARK, BURRI GARDEN OF EDEN
Genesis 2.8-24
8-10Wawu yinyamun Godungku garden yala park balkan bubungu Eden. Nyulu bama gardenba yijarrin. Nyulu juku wubulku balkan ngulkurrku, kanbal mayiji ngulkurrji. Dindarra gardenba juku jambul janjanan. Nyubunyinja jukubu bama juran-bunganya. Kaki bamangka mayi nukal yinyamun jukumun, nyulu wuljaljiku juranku bundanday. Yinduyngku jukubu bama binal-bunganya. Kaki bamangka mayi nukal yinyamun jukumun, nyulu binal bajaku junjuy-junjuynku, wanyu ngulkurr, wanyu buyun. Wawubaja wanarrin gardendarr, wubulku junjuy-junjuy juranku kujinka.
15-17Wawu yinyamun Godungku bama gardenba yijarrin, garden ngulkurrduku kujinka. Godungku bamanda yalaman, “Yundu mayi nuka jukumun wubulmunku gardenba, yamba yundu jukumun dindarrmun mayi kari nuka. Yinyamundu jukubu bama binal-bungal. Yundu kari bajaku mayi yinyamun jukumun nuka. Kaki yundu nukal, yundu wulaykuda.”
18-20Jananin wubulku minya walu-yindu walu-yindu, dikal walu-yindu walu-yindu, jananin Godungku bubumun balkan. Yinyamun nyulu jananin dingkaranda wundin, dingkarangka burri dajinka jananga. Yala-yalaku dingkarangka jananga wubulbuku burri dajin.
21-24Yinyamun Godungku yalaman, “Yinya ngulkurr kari nyulu yinya dingkar nyulurrku bundanka. Ngayu jalbu balkal nyungunku. Jalbungku nyungu mara dajil, manyarrmanka nyungu.” Godungku dingkar warngku-kaja-bungan, bajibay walngan yinkanmun, yinkan nandan baja. Nyulu jalbu balkan bajibaymun yinkanmun. Yinyamun nyulu dingkar wandin, Godungku jalbu dingkaranda wundinda. Dingkarangka yinya jalbu nyajin, nyulu yalaman, “Yundu yala ngayu. Godungku yunun balkan ngaykuwunmun bajibaymun, ngayu yunu burri dajil, jalbu.” Dingkarangka yinyaynka nyiku-nyiku nyungu nganjan and ngamu bawalda, nyunguwunji manyarranji wuljaljiku bunday. Bula manyarrinyu yala nyubunmalkuda.
Tans Gekies:
Genesis 2: gvnNTOTPO
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© 1985, Wycliffe Bible Translators, Inc. All rights reserved.