Romanos 6:10

Nadat jy jou hart en lewe aan Jesus gegee het, is die doop een van jou belangrikste volgende stappe. Dit is ’n uiterlike teken van die groot innerlike verandering wat God reeds in jou lewe begin het. Wanneer jy gedoop word, volg jy Jesus se voorbeeld, reageer jy in gehoorsaamheid op sy opdrag en verklaar jy openlik: “Ek behoort aan Jesus. My ou lewe is verby. Ek leef nou vir Hom.”

Jesus het in sy laaste opdrag gesê dat ons dissipels van mense moet maak en hulle moet doop. Wanneer ons die boek Handelinge lees, sien ons dat die vroeë kerk presies dit gedoen het. Hierdie studie hanteer die basiese Bybelse redes vir die doop en 'n aantal vrae wat mense daaroor vra.

Die dood is deel van die lewe. Of so is ons geneig om te dink. Die Here God het egter die dood oorwin. Hy bied aan ons die ewige lewe. Verbonde aan Hom ervaar ons 'n volheid van lewe in liggaam en siel.

Daar is 'n kwaliteitslewe wat vir ons beskikbaar is wanneer ons die Here werklik leer ken. As jy die basis van jou nuwe lewe wil verstaan, is hierdie leesplan vir jou bedoel.