Malakai 3
3
1Tɔ, Uwumbɔr Mpɔɔnsakpiindaan gar ke, “M ga tun ni maatuun aan u nan toor nsan siin mi. Le Dindaan u ni ban na ga fuu ni libuul ngbaan ni, Waadichal ni. Ntuun mu ni neen sakpen ke ni kan mu na ga dan ki nan di maah puu tipuur ti na moon.”#3.1: Lik Matiu 11.10; Mak 1.2; Luk 1.76, 7.27.
2Tɔ, ŋma ga ŋmaa sil kina aawiin chee? U yaa nan fuu ni kan, ŋma ga ŋmar? U ga nan li bi ke bukiib bu pɔɔ na la, ki bi ke mmii mu wu nyani tijɔŋ tikur ni na la. 3U ga nan ji tibɔr ibamɔn ni, ke unii u pu tikunabr mmii ni ki nyani tijɔŋ na la. Uchaa aah pu tikunabr ni salmaa mmii ni ki nyani tijɔŋ pu na, kina le Uwumbɔr aatuun ga nan toor bitotoorb, ki cha bi joo ni kitork bamɔnn nan tii Uwumbɔr. 4Le kitork aapiin i Juda ni Jerusalem aanib joo nan tii Uwumbɔr na ga piir usui, ke yaah nan piir usui n‑yaayoonn na pu na.
5Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.
Unii aah ga yakr waah tun ki kan pu na ligeln ki tii Uwumbɔr na
6“Min le ye Uwumbɔr, maa kpelni. Kina pu na, nimi, Jakob aayaabitiib aa kee kuln doo. 7Ni bi ke niyaajatiib la, le ki yii maakaal, kaa joo i. Fenn gir ni m chee man, aan m mu fenn gir ni ni chee. Min Uwumbɔr Mpɔɔnsakpiindaan le len kina. Le ni baa ke, ‘Ti ga ŋa kinye ki fenn gir ni aa chee?’ 8Le m ga baa nimi ke ni ŋan ke unii ji Uwumbɔr pem pem aa? Mbamɔn, naa ŋan; le nima tee ji mi pem pem. Le ni ki baa ke, ‘Kinye aan ti ji si pem pem?’ Le m ga gar nimi ke naah yakr nimi aatuln aanyoor aageln li tii mi na, ni ipiin i ni tii mi na, le ni ji mi. 9Litimbol mɔln ngbaan mɔmɔk aah ji mi pem pem pu na le m puun lii ni mɔmɔk pu. 10Ni li joo ni naah yakr tiwan ni ke ni ye min yaan na Maadichal ni, aan tijikaar li bi li ponn ni. Tɔŋ mi man aan ki kan ke m ga piir paacham aatakolu tiib waan, ki cha tijikaar gbiin nimi aatiŋ. 11Maan cha tiwayukaan bii nimi aajikaar, le nimi aasubil aasui ga lu sakpen. 12Le ŋitimbol mɔmɔk aanib ga yin nimi ke mpopiindam, ba pu? nimi aatiŋ ga li ye kitinyaan tii binib ke bi li koo ki ponn ni.”
Uwumbɔr aah puu ke u ga san waanib kinimbaak pu na
13Uwumbɔr ki bui ke, “Ni len tibɔbir pam m pu. Le ni baa ke, ‘Ti len ba aabɔbir aa pu?’ 14Ni bui ke, ‘Uwumbɔr aadiim aa kpa tinyoor tibaa. Ti yaa ŋani waah len pu na kan, naa kpa tinyoor; ti yaa ti ki bui Uwumbɔr Mpɔɔnsakpiindaan ke tisui bii taah tun pu na pu kan, naa kpa tinyoor tibaa. 15Taah nyi pu na le ye ke bigaadam le kpa mpopiin. Titunwanbirdam kani tinyoor, le ki joo titunwanbir tɔŋni Uwumbɔr ke bi lik ke u kpa limɔr aan waa kpa, le nibaa aa ŋani bi.’”
16Le binib bi san Uwumbɔr na len tɔb chee tibɔr, le Uwumbɔr pel, le ki ŋun baah len pu na. Bi ŋmee kigbaŋ ni binib bi san Uwumbɔr ki pak u na aayimbil bilni, unimbiin ni. 17Uwumbɔr Mpɔɔnsakpiindaan ki bui ke, “Bi ga li ye maanib la. Nwiin mundaal m ga fii sil na, bi ga li ye min mbaa aanib la. M ga san bi kinimbaak ke te aah san ujapɔɔn u ter u na kinimbaak pu na la. 18Maanib ga ki kan ubimbinyaan daan aah kani pu na, ni titunwanbirdaan mu aah kani pu na, ni unii u dii mi na, ni u kaa dii mi na aah kani pu na.”
Tans Gekies:
Malakai 3: xonB
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
©1998, 2014 Wycliffe Bible Translators, Inc. All rights reserved.
Malakai 3
3
1Tɔ, Uwumbɔr Mpɔɔnsakpiindaan gar ke, “M ga tun ni maatuun aan u nan toor nsan siin mi. Le Dindaan u ni ban na ga fuu ni libuul ngbaan ni, Waadichal ni. Ntuun mu ni neen sakpen ke ni kan mu na ga dan ki nan di maah puu tipuur ti na moon.”#3.1: Lik Matiu 11.10; Mak 1.2; Luk 1.76, 7.27.
2Tɔ, ŋma ga ŋmaa sil kina aawiin chee? U yaa nan fuu ni kan, ŋma ga ŋmar? U ga nan li bi ke bukiib bu pɔɔ na la, ki bi ke mmii mu wu nyani tijɔŋ tikur ni na la. 3U ga nan ji tibɔr ibamɔn ni, ke unii u pu tikunabr mmii ni ki nyani tijɔŋ na la. Uchaa aah pu tikunabr ni salmaa mmii ni ki nyani tijɔŋ pu na, kina le Uwumbɔr aatuun ga nan toor bitotoorb, ki cha bi joo ni kitork bamɔnn nan tii Uwumbɔr. 4Le kitork aapiin i Juda ni Jerusalem aanib joo nan tii Uwumbɔr na ga piir usui, ke yaah nan piir usui n‑yaayoonn na pu na.
5Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.
Unii aah ga yakr waah tun ki kan pu na ligeln ki tii Uwumbɔr na
6“Min le ye Uwumbɔr, maa kpelni. Kina pu na, nimi, Jakob aayaabitiib aa kee kuln doo. 7Ni bi ke niyaajatiib la, le ki yii maakaal, kaa joo i. Fenn gir ni m chee man, aan m mu fenn gir ni ni chee. Min Uwumbɔr Mpɔɔnsakpiindaan le len kina. Le ni baa ke, ‘Ti ga ŋa kinye ki fenn gir ni aa chee?’ 8Le m ga baa nimi ke ni ŋan ke unii ji Uwumbɔr pem pem aa? Mbamɔn, naa ŋan; le nima tee ji mi pem pem. Le ni ki baa ke, ‘Kinye aan ti ji si pem pem?’ Le m ga gar nimi ke naah yakr nimi aatuln aanyoor aageln li tii mi na, ni ipiin i ni tii mi na, le ni ji mi. 9Litimbol mɔln ngbaan mɔmɔk aah ji mi pem pem pu na le m puun lii ni mɔmɔk pu. 10Ni li joo ni naah yakr tiwan ni ke ni ye min yaan na Maadichal ni, aan tijikaar li bi li ponn ni. Tɔŋ mi man aan ki kan ke m ga piir paacham aatakolu tiib waan, ki cha tijikaar gbiin nimi aatiŋ. 11Maan cha tiwayukaan bii nimi aajikaar, le nimi aasubil aasui ga lu sakpen. 12Le ŋitimbol mɔmɔk aanib ga yin nimi ke mpopiindam, ba pu? nimi aatiŋ ga li ye kitinyaan tii binib ke bi li koo ki ponn ni.”
Uwumbɔr aah puu ke u ga san waanib kinimbaak pu na
13Uwumbɔr ki bui ke, “Ni len tibɔbir pam m pu. Le ni baa ke, ‘Ti len ba aabɔbir aa pu?’ 14Ni bui ke, ‘Uwumbɔr aadiim aa kpa tinyoor tibaa. Ti yaa ŋani waah len pu na kan, naa kpa tinyoor; ti yaa ti ki bui Uwumbɔr Mpɔɔnsakpiindaan ke tisui bii taah tun pu na pu kan, naa kpa tinyoor tibaa. 15Taah nyi pu na le ye ke bigaadam le kpa mpopiin. Titunwanbirdam kani tinyoor, le ki joo titunwanbir tɔŋni Uwumbɔr ke bi lik ke u kpa limɔr aan waa kpa, le nibaa aa ŋani bi.’”
16Le binib bi san Uwumbɔr na len tɔb chee tibɔr, le Uwumbɔr pel, le ki ŋun baah len pu na. Bi ŋmee kigbaŋ ni binib bi san Uwumbɔr ki pak u na aayimbil bilni, unimbiin ni. 17Uwumbɔr Mpɔɔnsakpiindaan ki bui ke, “Bi ga li ye maanib la. Nwiin mundaal m ga fii sil na, bi ga li ye min mbaa aanib la. M ga san bi kinimbaak ke te aah san ujapɔɔn u ter u na kinimbaak pu na la. 18Maanib ga ki kan ubimbinyaan daan aah kani pu na, ni titunwanbirdaan mu aah kani pu na, ni unii u dii mi na, ni u kaa dii mi na aah kani pu na.”
Tans Gekies:
:
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
©1998, 2014 Wycliffe Bible Translators, Inc. All rights reserved.