Gewilde Bybelverse vanaf Incito 1

Deel

Kwalo muyootambula nguzu, wasika alindinywe Muuya Uusalala, muyooba bakamboni bangu muno mu-Jerusalemu, amu-Judaya moonse, amu-Samariya, mane kusikila kumamanino aanyika.

Wakati kulimbabo, Takuli kwanu kuziba ziindi, naaba mazuba ngaabika Taata kubwami bwakwe mwini.

Naakali kubungene ambabo, wakabalailila kuti, Mutazwi mu-Jerusalemu, pele mucilindilile cisyomezyo ca-Taata, eco ncomwakamvwa kulindime. Nkaambo ncobeni Johane wakabapatizya amaanzi, kwalo nywebo muyoobapatizigwaa-Muuya Uusalala kaatanainda mazuba manjimanji.

Munsi lyakupenga kwakwe wakalitondezya kulimbabo, muumi, ezitondezyo zinjizinji, wakali kubonwa mbabo mazuba aali makumi one, ulaamba makani aa-Bwami bwa-Leza.

Naakaamba obo, kabacimulangilide, wakasumpulwa, ikumbi lyamutambula, teebakacili kumubona

Nkabela nobakacili kuululala kujulu, naakacili kuya, baalumi bobilo bakaima abalo, balisamide masani aatuba. Bati, Nywebo nobaalumi ba-Galilaya, mwiimvwinzi akulanga kujulu? Oyu Jesu uwatolwa kujulu uwazwa kulindinywe, uyooboola mbubonya mbomwamubona ulaya kujulu.