Tsëmi Felipita Espíritu Santu kënö nirqan: <<Taqë carrëtawan ëwëkaq nunaman witipë>>.
Nishqannö witirmi wiyarirqan profëta Isaías qellqashqan libruta leyikaqta. Tsëmi kënö tapurqan: <<Tsë leyikashqëkita ¿käyinkiku?>> nir.
Etiopía nunanam nirqan: <<Pipis mana käyitsimaptinqa ¿imanöparaq käyishaq?>>
Tsënö nirmi Felipita rowarqan carrëtaman lloqarkur lädunman täkurinanpaq.