Gewilde Bybelverse vanaf Hebreos 8

Deel

Cua jaha yu tucahnu iñi tsi ñi vasu ndi maa cuaha tsa caquiñi javahá ñi. Tan ña cua nducuhun ca maa iñi yu cuatyi ñi, catyí Nyoo Jutu yo.

Tuhun tsaa tsa cua ndoo yu tsihin nyɨvɨ Israel nu cuahán ca tsi ityi nuu, cuví tsehe, catyí Nyoo Jutu yo: Cua tyihi yu ley yu tsitsi tsa tsiñi tuñi jiñi ñi, tan cua tyaa tucu yu itsi añima ñi. Tacan tan cua cuvi yu Nyoo ñi, tan maa ñi cua cuvi nyɨvɨ yu.

Tacan tan ña ñiñi ca tsa jacuahá ñi tsi inga ñi, na nacoto ñi tsi yuhu tsa cuví yu Nyoo ñi. Tyin tandɨhɨ ñi tan cua nacoto ñi tsi yu, ñi nyihi tan nda cuanda ñi tsahnu.

Maa tyin Nyoo nyehe̱ ra tyin ña vaha javahá nyɨvɨ can tsihin tuhun tsa ndoo jihna ra tsihin ñi, tacan tan caahán ra tuhun ñi nu tutu ra tan catyí ra tyehen: Cua tsaa quɨvɨ cua ndoo yu tuhun tsaa tsihin nyɨvɨ Israel tan nyɨvɨ Judá.

Yacan tuhun ihya cuví tsa ñiñi ca caahán yu: Ra jutu tsaahnu tsa iyó tsi yo ndi intuhun cuatyi ra nduve iyó, tan juvin ra tsinyaa̱ nu tyayu tsa nyaá xiin cuaha Nyoo nda gloria.