Gewilde Bybelverse vanaf VAKOLOSA 2

Deel

Kutani sweswi, kukota leswi mi amukeleke Hosi Yesu Kriste, fambisani xisweswo eka yena; mi ri karhi mi dzima timitsu eka yena, mi va mi akiwa eka yena, mi tiya eku pfumeleni, hilaha mi dyondzisiweke hakona, mi ri karhi mi kulela kona, mi ri ni ku khensa.

Tilanguteleni leswaku munhu a nga tshuki a mi koka hi filosofi ni mavunwa ya swahava, hi ku landzelela mikhuva ya vanhu ni timhaka to rhanga ta misava, ku nga ri ha Kriste.

Kuteloko ma ha ri lava feke evudyohweni bya n'wina, ni le vukhuneni bya nyama ya n'wina, u mi hanyisile swin'we na yena hi ku hi rivalela ku dyoha hinkwako. U hlangurile papila ra nandzu ra milawu leyi hi tengisaka, kutani a ri susa hi ku ri bela exihambanweni

Hikuva ku tala ka vukwembu hinkwabyo ku akile eka yena hi miri. Kutani eka yena mi kume ku tala hinkwako, yena a nga nhloko ya vuhosi hinkwabyo ni ya ku fuma hinkwako.

Hikwalaho, munhu a nga tshuki a mi sola emhakeni ya ku dya ni ya ku nwa, hambi ku ri emhakeni ya mikhuvo, ni ya tin'weti letintshwa ni ya Tisavata; swi ri leswi nga ndzhuti wa leswi nga ta ta, kambe miri wa swona i Kriste.