Gewilde Bybelverse vanaf Sembulo 22

Deel

Ngingu-Alfa na-Omega, wekucala newekugcina, sicalo nesiphetfo.

Jesu utsi: “Lalela la, ngiyeta masinyane! Ngita nemvuzo wami, ngitewunika ngulowo nalowo njengekwemisebenti yakhe.

Moya namakoti batsi: “Kota!” Wonkhe umuntfu lovako akatsi: “Kota!” Lowo lowomile akete; nalowo lofuna emanti ekuphila, akawanatse mahhala.

“Babusisiwe labo labatigezako tingubo tabo, kuze kutsi babe nelilungelo lekudla esihlahleni sekuphila, babe nelilungelo lekungena ngemasango ekhaya.

Jesu watsi: “Lalela la, ngiyeta masinyane! Babusisiwe labo labeva lamavi alesiphrofetho bawente.”

Kuyawubate busuku, tingeke tikudzinge nekukhanya kwesibane nome kwelilanga, ngobe iNkhosi Nkulunkulu iyakutikhanyisela, tiyawubusa phakadze naphakadze.

Lowo lowetfula lobufakazi utsi: “Yebo, ngiyeta masinyane!” “Amen! Kota, Nkhosi Jesu!” Umusa weNkhosi awube nabo bonkhe labangcwele.

Mine, Johane, ngecwayisa wonkhe umuntfu lowevako emavi alesiphrofetho lesikulencwadzi ngitsi: Nakukhona lowengeta lutfo kuwo, Nkulunkulu uyakwengeta nakuye letinhlupho letichazwe kulencwadzi. Nakukhona lowaphungulako lamavi alesiphrofetho lesikulencwadzi, naNkulunkulu uyawuphungula sabelo sakhe esihlahleni sekuphila nasekhaya lelingcwele, njengobe sekuchaziwe kulencwadzi.