Gewilde Bybelverse vanaf Lukha 8

Deel

Kuhlanyelwa kwaleyo leyawela emhlabatsini lovundzile kufanekisa labo labalivako livi laNkulunkulu baligcine ngekutitfoba lokukhulu babeketele, baze batsele titselo letihle.”

Kuhlanyelwa kwaleyo leyawela emhlabatsini losemanyeveni kusho labo labatsi sebalivile livi laNkulunkulu, kodvwa tinhlupheko nebunjinga, netinjabulo talomhlaba kubaminyetele batsele titselo letingavutfwa.

Kuhlanyelwa kwaleyo leyawela emhlabatsini losemadvwaleni kufanekisa labo labatsi nabalivako livi laNkulunkulu balemukele ngekutfokota, kodvwa ngenca yekungalijulisi kwabo etinhlitiyweni tabo, bakholwa sikhashana. Kutsi kungefika kulingwa, bese balilahla phansi.

Wase utsi kubo: “Kuphi kukholwa kwenu?” Besaba bamangala, badzimate bakhulumisana bodvwana batsi: “Ngubani kantsi lona, ngobe ukhalimela umoya nemanti kumlalele?”

Kuhlanyelwa kwaleyo leyawela endleleni kufanekisa labo labalivako livi laNkulunkulu bese kufika Sathane uyalisusa etinhlitiyweni tabo, kuze bangakholwa funa basindziswe.

“Konkhe lokufihlakele kuyawuvetwa ebaleni. Nalokufihliwe kuyawubonakaliswa ekukhanyeni.

Lomfati asabonile kutsi abengeke asatifihla, wase uyativeta kuJesu watilahla phansi embikwakhe asachachatela luvalo, watilandza kuye embikwebantfu bonkhe, kutsi umphatseleni nekutsi sewuphile masinyane kangakanani. Jesu watsi kuye: “Ndvodzakati, kukholwa kwakho kukusindzisile; hamba ngekuthula.”

Baya kuye bafike bamvusa batsi: “Mfundzisi, Mfundzisi, sesiyafa!” Waphaphama wase uyasikhalimela lesivunguvungu nemagagasi; kwabindza, kwaba khona kuthula.