Gewilde Bybelverse vanaf Gén 8

Deel

Y ri Jehová kan xqa' chuwech y kan nijubulin ri ruxla' ri kamelabel, y xubij pa ránima: Man jun bey chik xtinya' ruk'ayewal pa ruwi' re ruwach'ulew roma ri rumak ri wineq; stape' ri wineq xaxe nuch'ob nimakun ri k'a pa ralaxik-pe; kan man k'a xkenkamisaj ta chik konojel ri k'o kik'aslen, achi'el re xinben wakami. Rokik nik'oje' re ruwach'ulew xtik'oje' tiko'n y kan xtiwachin. Y man jun bey k'a xtik'is ri tew, ni ri k'aten, ri job y ri saq'ij, ni ta ri paq'ij y ni ta ri aq'a', xcha' ri Dios.

Y ri Noé xuben k'a q'anej jun porobel richin xusuj kamelabel chire ri Jehová y xeberuk'ama-pe chikikojol ri aj-xik' taq chikopi' y ri ch'aqa' chik ri e utz richin kamelabel y xeruporoj chuwech rija'.

Jak'a ri Dios kan xuya-wi ri rutzil pa ruwi' ri Noé y ronojel kiwech chikopi' ri ek'o chupan ri nima-barco ri'; y roma ri' ri Dios xuben k'a chi xq'ax jun kaq'iq' pa ruwi' ri ruwach'ulew y ri ya' xuchop-qa ruqajinen.

Y ri ti paloma ri' xtzolin k'a tiqaq'ij y rutzuken-el jun ruxaq olivo; y rik'in ri' ri Noé xretamaj chi maneq chik ya'.