Gewilde Bybelverse vanaf मा़र 6

Deel

आदोए मेतात्‌कोवा देला आपे मोतोगे निसुन जायगाते हिजुक्‌पे आर जिरा़उ ञोक्‌आनपे एनते हिजुक् सेनोक्‌को दो ढेरगेको ताहेंकाना आर जोम ला़गित् आ़त हों बाङ ताहेंकानताकोवा।

आदो जिसुइ मेतात्‌कोवा, “ना़बि दो आच् निज टोठारे आर आच् गुस्‌टिरेनको ठेन आर आच् ओड़ाक्‌रे छाडा बाय बेमानोतोक्आ।”

आर जिसु ला़उका़ खोन फेडकाते आ़डि गादेल होड़े ञेलकेत्‌कोवा आर ओनकोरे माँयाँ हेच्आदेया। एनते गुपियिच् बा़नुगेताको भिडिको लेकाको ताहेंकाना आर आ़डि ओकोच्‌आक्‌को चेत्आकोय एहोप्‌केदा।

आर ओंडे दो जाहान दाड़े का़मि बाय का़मि दाड़ेयादा, एकेन थोड़ागान रुगि होड़ चापोकातेये बोगेकेत्‌कोवा। आर जिसु ओनकोवाक् बेपा़तिया़उ इया़तेये हाहाड़ायेना। आदो बेड़हायतेयाक् आतोकोरे दाँड़ाँ आ़चुर तुलुच्ए चेत् आकोकान ताहेंकाना।

आदो जिसु ओनाको मोंड़ें गोटेन पिठा़ आर उनकिन बारया हाको हातावकाते सेरमा सेच्ए बेङगेत् राकाप्‌केदा आरे भोरात्‌ते पिठा़इ केचाक्‌केदा आर चेलाकोय एम इदियात्‌कोवा। जेमोनको दोहो इदिआको आर उनकिन बारया हाको हों सानाम होड़े हा़टिञात्‌कोवा। आर सानामकोको जोमकेदा आरको बियेना। आर पिठा़ आर हाको केचाक् काटरा कुटरा़को दो गेलबार फा़तिया़क्‌ पेरेच्‌को हालाङ जारवाकेदा आर हाकोकिन रेयाक् हों।