Gewilde Bybelverse vanaf Yegezk'el 37

Deel

Weer sê Hy vir my: “Profeteer oor hierdie bene en sê vir hulle: ‘Droë bene, hoor en luister na die woord van יהוה!’ So sê יהוה-God vir hierdie bene: “Let op, Ek sal asem in julle laat ingaan sodat julle lewendig kan word.

Ek sal senings aan julle sit, vlees oor julle laat teruggroei, julle oordek met vel en asem in julle gee sodat julle lewendig kan word en julle sal weet dat Ek יהוה is.’”

Hy het vir my gesê: “Seun van ’n mens, kan hierdie bene lewe?” Ek het geantwoord: “יהוה-God, U weet.”

Die hand van יהוה was op my en Hy het my uitgebring deur die Gees van יהוה en my neergesit in die middel van die vallei en dit was vol bene. Hy het my by hulle laat verbygaan reg rondom; ’n groot menigte oor die oppervlakte van die vallei en let op, hulle was baie droog.

Ek het profeteer soos ek beveel is en soos ek profeteer, was daar ’n geluid en let op, ’n geratel; die bene het bymekaargekom, been by sy been. Ek het gekyk en let op, daar was senings aan hulle, vlees het gegroei en ’n vel het hulle bedek, maar daar was geen gees in hulle nie.