Gewilde Bybelverse vanaf Эге дөс 49

Deel

Иуда эрге-дужаал даянгыыжын холдан салбас, чагырыкчының эргези оон кажан-даа адырылбас; үези кээрге, албан-үндүт төлеп, чоннар аңаа чагыртыр.

Иосиф – суг кыдыында аныяк элчиген дег, даг эдээнде оъттап турар чаваа дег. Ча адыгжылары олче халдап-даа, аткылажып-даа, ооң-биле өжээннежип-даа турганнар.

Ынчалза-даа Иосифтиң чазы кадыг, холдарының шыңганнары дыңзыг болуп арткан. Ооң күжү Иаковтуң күштүг Бурганының холдарындан келген. Израильдиң Кадарчызы болгаш Хаязы ону деткээн! Сээң адаңның Бурганы сеңээ дузалаар, Күчүлүг Бурган сеңээ ачы-буян хайырлаар: деңгер-дээрлерден, чер адаанда суглардан ачы-буянны-даа, хөй-ле мал-маган болгаш ажы-төлдү-даа хайырлаар.

Иуда! Сени ха-дуңмаң алгап-мактаар. Дайзыннарыңны доңгайтыр базар сен, кады төрээннериң сээң мурнуңга мөгеерлер. Сен олча тыпкан аныяк арзылаң дег-дир сен, оглум Иуда! Халдаарынга белеткенген араатан дег-дир сен. А ону кым дүвүредип диттир боор!

Дун оглум Рувим! Мээң шыдалым, мээң үре-салгалымның баштайгызы, эң-не тергиин болгаш күчүлүг сен. Үер суу дег хөделип чордуң, ынчангаш сен тергиидевес сен. Чүге дээрге сен адаң мээң орун-дөжээмче үнүп, чыдынымны бужартаткан сен.