Gewilde Bybelverse vanaf ရှာန်လုကာ 16

Deel

ကိစ္စစစ်ဆာ‌တေဘေ သစ္စာငှါဘင်းဆိတ်ကား အရေးတုံန်းဘင်းကိစ္စတေဘေရီးဒါး သစ္စာငှါမှာ။ အန်နိမ်စါန်းငှေါဒီ ကိစ္စစစ်ဆာ‌တေဘေ အရိုးသားသဘင်းဆိတ်ကား ကိစ္စတုံန်းဘေတေရီးဒါး အရိုးသားသောညယ်ထှာကူ။

ဟာဘင်းအစေခံဆဲ အဆိတ်ကလိန်းဟူးတေ တစ်ပြိုင်တည်း အစေအခံသရန်နား။ ဟမာန်တွာတ်ငှေါဘန်းတာတ်ငှေါ ဟိန်ကား ဟော်ဝါဒေ ယူနီဘန်း တခြားဟော်ဝါတေမစ်ကူ။ ဟော်ဝါဒေ သစ္စာငှါဘန်းကား ကျန်သဘင်းဟော်ဝါတေ မထီမဲ့မြင်အွန်ကူ။ အန်ဘင်းအတိုင်း ဟနိမ်ကား ဘုရားရှာန်ယောက် လောကီစည်းစိမ်ဒေ တစ်ပြိုင်တည်း သစ္စာအခံသရန်နား” ညယ် မိန့်တော်မူသမှာ။

အမှာတွာတ် ဟနိမ်ကား အဘင်းကမ္ဘာစေါက်ပေငှါဘင်း ဟနိမ်ဘင်းလောကီစည်းစိမ်တေဒေ နပ်ကြီးမှါခ့်ခါ အယုံသလူဘန်းကား ရွှေမြို့တော်ဘေငှါဘင်း စစ်မှန်သဘင်း စည်းစိမ်ချမ်းသာတေဒေ နပ်ကြီးဒင်အတွာတ် ဘုရားရှာန်ရီးဒါး ဟနိမ်တေ ယုံကြည်သကြီးကလားအချီရား။ ဟနိမ်ကား သမီဘင်းပစ္စည်ဥစ္စာတေဒေ သစ္စာအဘိုဘန်းကား ဟာဟမဲကား ဟနိမ်အတွာတ် ပစ္စည်းဥစ္စာတေဒေအီကူတေ။

အန်နိမ်စါန်းငှေါဒီ အာဗြဟံရီးဒါး ‘အန်တာတ်ကား မောရှေဘင်း ပညတ်ကျမ်းယောက် ပရောဖက်တာတ်ရေးသပဲဘင်း ကျမ်းတေဒေဆဲ အလိုက်နာသဘန်းကား ရှီးစီးဘင်းသမီဆာဟော်ဝါဟော်ဝါကား အန်တာတ်တေ လာန်ဘန်း ဆတီးအီဒီဒါး အန်တာတ်ကား နောင်တလူကြီးကလားအချီရား’ ညယ် ပြန်သဘန်းငှေါရာန်မှာ” ညယ် မိန့်တော်မူသမှာ။

ကိုယ်အိတ်တေ ဖါတ်ပန်း တခြားအီးရှီဟော်ဝါတေ လာဘင်းဆိတ်၌တိုင်းကား အိမ်ထောင်ရေး ဖောက်ပြန်သဘင်းတေ ကျူးလွန်သလားထှာမှာ။ ဖါတ်ပန်းပဲဘင်းအီးရှီတေ လာဘန်းပဲဘင်းဆိတ်၌တိုင်းရီဒါး အိမ်ထောင်ရေး ဖောက်ပြန်သလားတေ ကျူးလွန်သလားထှာမှာ” ညယ် ငှေါမှာ။