Gewilde Bybelverse vanaf مَتّی 16

Deel

او زامان عیسا شاگردلَرینه دئدی: «هَر کَس کی سئیر مَنیم یولومو گئده، اؤز جانیندان اَل چَکسین، اؤز صَلیبینی گؤتورسین و منیم آردیم سورا گلسین.

مَن ده سَنه دئییرم سَن پِطرُسانگ کی معنیسی تووآ دیر و من اؤز کلیسامی بو داش اوستونده بَنا ائده‌رَم و اؤلوم قُدرتی، کلیسایا گؤج اولا بیلمَز.

گؤی پادشاه‌لیگی‌نینگ کلیدلارینی سَنه وئره‌رَم، هَرنه‌یی کی یئر اوستونده باغلایانگ، گؤیده ده باغلانار و هَرنه‌یی کی یئر اوستونده آچانگ، گؤیده ده آچیلار.»

هَر کَس کی سئیه اؤز جانینی ساخلایا، اؤنو اَلدن وئره‌ر آما هَر کَس کی منیم خاطریمه اؤز جانیندان گچه، اؤنو اَله گتیرَر.

آدام ایچی نه فایده واری کی واری دنیایی اَله گتیره آما جانینی اَلدَن وئره؟ یا آدام اؤز جانی عَوضینه نه وئره بیلَر؟

عیسا خبر آلدی: «آما سیز نه دئییرینز؟ سیز دئییرَینز من کیمَم؟» شَمعون پِطرُس جواب وئردی: «سَن وَعده وئریلَن مَسیحَینگ، دئرّی تارئ‌نینگ اوغلو.»

عیسا اؤنا دئدی: «ای یونا اوغلو، شَمعون؛ خوش سَنینگ حالینگا! چونکی نه اَت و قان، بلکی منیم گؤیده‌کی بووآم بونو سَنه آشکار ائدمیش.