Gewilde Bybelverse vanaf Matthew 12

Deel

ရားစီရင်တော်မူဝိုနေ့မှာ လူဒွေဟ သူ့နို့ပြောဆိုရစ်ဝို ကျိုးမှေ့ဘဲဝိုဂါးဒွေတွက် ဖြေရှင်းချင့်ပေးဂေ့ရမှာဖြစ်ရယ်။ ဟဲဖြစ်ရိနူးဆိုဝါ နန်းနို့ရဲ့ဂါးဒွေဝိုခြေခံပီး နန်းနို့ဟပြစ်မှေ့ဘဲကြော သိမှတ်ပြုဇာခံရမှာဖြစ်ဝိုမျိုး၊ နန်းနို့ရဲ့ဂါးဒွေဝိုခြေခံပီး နန်းနို့ဝို ပြစ်ဒဏ်ခလမှတ်ဇာခံရမှာဖြစ်ရယ်" ဆိုပီး မိတော်မူလေရယ်။

ဆိရှေ့ဝို ဗွီဆိုးဒွေမျိုး ကောဘဲဝိုနန်းနို့ဒွေ၊ နန်းနို့ဟ ကောဘဲဝိုလူဒွေဖြစ်နေပီး ကောဝိုဇာဒွေဝို ဟဲမျိုးပြောဆိုနိုင်ဂေ့မယ်နူး။ ဟဲဂျော့ဆိုဝါ လူတယော့ရဲ့စိနှလုံးတွမ်းမှာ ပလဲ့နှက်နေဝိုဇာဒွေဟဘဲ့ အဲမိုလူရဲ့ နှုဟနေ ထွက်လာဇာဖြစ်ရိဂျော့ဖြစ်ရယ်။

ကောမွန်ဝိုလူတစ်ယော့ဟ သူ့ရဲ့ကောမွန်ဝို စိနှလုံးထဲမှာရှေ့ဝို ကောမွန်ဝိုဂါးဒွေဝိုဘဲ့ ပြောဆိုဝိုမျိုးဘဲ့ ကောဘဲဝိုလူတယော့ဟလဲ ကောဘဲဝိုစိနှစ်လုံးထဲမှာရှေ့ဝို ကောဘဲဝိုဂါးဝိုဘဲ့ ပြောဆိုဂေ့လေရယ်။

အဲဂျော့ နန်းနို့ဝိုငါဆိုလိုဇာဟလောဝါ လူဒွေဟ ဘုရားရှင်ဝို ပြစ်မှားစော်ကားပေမဲ့ ပြစ်ဒွေဂူလုံးတွက် ခွမ့်လွှတ်ဇာခံရမှာဖြစ်ပေမဲ့ သန့်ရှင်းဝိုဝိဉာဉ်တော်ဝို စော်ကားပြောဆိုဇာတွက်လောဝါ ခွမ့်လွှတ်ဇာခံရမုဝ။

ပံတစ်ပံဝို ကောမွန်စွာပြုစုပျိုးထော်မယ်ဆိုဝါ အဲမိုပံရဲ့သီးဟ ကောမွန်မှာဖြစ်မျိုး ပံတစ်ပံဝိုဆိုးဝါးစွာ ပြုစုပျိုးထော်ခဲ့မယ်ဆိုဝါ အဲမိုပံရဲ့သီးဟ ဆိုးဝါးမှာဘဲ့ဖြစ်ရယ်။ အဲဂျော့ သီးဝိုကေ့လိုက်န ဟယ်မိုမျိုးပံ ဖြစ်မယ်ဆိုဇာဝို သိနိုင်ရယ်။