Gewilde Bybelverse vanaf Hechos 11

Deel

Ya'ute a̧'ȩ 'cuäo'i'önä iglesia ruhuäcu ka̧cui̧nä̧tö̧do. Recuätörö huo̧juȩti̧nä̧tö̧do. Ju̧huȩnȩtä̧ Antioquía ötahuiyänä Jesucristorö esetätörö äcuomenä o'inätödo Cristo umöhuäyotö pä'ö.

Bernabé juhua'a i̧'chi̧'o̧mȩnä̧, Diosmä ttö̧ja̧rö̧ adiu ppädina'a topö, esehuinödo. O'ca toi'önärö adiu ppä'ädö ucuocuinödo. Ji'ähuinödo Tu̧ru̧hua̧rö̧ adiu esetö ttö̧ja̧cua̧ pä'ö jarotti'ö juiyönä. Bernabé adihuä i̧sa̧ pi̧nö̧. Jesucristorö adiu esetö, Espíritu Santorö pä̧huä̧ rö̧jö̧tä̧ jȩpö̧ ki̧nö̧do. Ja̧'hua̧nö̧ ja̧'a̧ttö̧ recuätö Tu̧ru̧hua̧rö̧ esetinätödo.

Dios jahuätörö iyinö Espíritu Santorö, ujuturu iyinö ta'anö, Tu̧ru̧hua̧ Jesucristorö tesetomenä. Ja̧'hua̧nö̧ ja̧'a̧ttö̧ ttö chöarodö juiyö'a̧nö̧ ja̧'a̧ Diosrömä, —pä'inödo Pedro. Jesucristorö esetätömä, Jerusalén ötahuiyänä ka̧cuä̧tö̧mä̧, Pedro päa'a ttä̧ju̧cuo̧mȩnä̧, juhua'a yabonö pä'ocotö pi̧nä̧tö̧do. Eseunu ucuocuinätödo Diosrö. Pä'inätödo: —Diosmä judíos huocotörö'inä iyö pärocuäcutä ttamöcuäda pä'ö, kä̧cuä̧huä̧ i'co ttu̧ju̧nä̧ra̧ pä'ö.