Gewilde Bybelverse vanaf Colosas 1

Deel

Kay pigpaluwaꞌ da kitadun nan lekat adti kangitngitan na pigdumala͡an ni Satanas, aw dayaw nan pigpaligenaꞌ adti Kasakupan na kanan Iseꞌ na si Jisu-Kristu na to-o nan pigginawa͡an.

Kay magi saba kanan pig-imoꞌ ya kadég na awun ni langit aw ya asini tas na lupaꞌ, dala ya manga pagkita-en aw ya diliꞌ pagkita-en, pangkay ya manga anghil aw ya manga kasakupan nilan aw manga migdumala dun ni kanilan, alag pig-imoꞌ ni Kristu, yanagaw deyen sakanan na kadég.

Sa walaꞌ pa imo-a ya kadég, dun da dadan si Kristu. Aw magi kanan dayaw nyapaligenaꞌ ya kadég, yanagaw migpadeleg taman adun.

Na, diliꞌ pagkita-en ya Tyumanem, manang dun ni kanan Iseꞌ na si Kristu ka-ede-i ya bet nan. Sa walaꞌ pa imo-a na Tyumanem ya kadakulaꞌ na banwa, dun da si Kristu aw yan ya to-o matas kay sa kadég na pig-imoꞌ na Tyumanem.

Yanagaw lekat na allaw na dyengeg nami ya kamayu pagpangintu-u, walaꞌ kami teneng sa pagpanawagtawag kamayu adti Tyumanem. Gayed nami pigsekat na atagan kamu na katadeng na lyumekat adti Ispiritu Santo na un mayu kalabetan kun unu ya pagkaliman na Tyumanem, pada ya bet mayu umbaꞌ sa utaw na nyangintu-u sa Tyumanem, aw makatutuk kamu kanan, aw magkadakulaꞌ ya bunga na imo-unun mayu na madyaw, aw kadugangan pa ya kya-ede-an mayu sa kana Tyumanem.