Gewilde Bybelverse vanaf 2 Pédro 3

Deel

Iman na manga eped na utaw aw pigpakadugay na Matas na Pangulu tadun ya pagtuman sa pakang na lumikuꞌ sakanan. Manang ya tengteng matinaw, pigtagadan nan na magselsel ya kadég mayu, kay diliꞌ sakanan malim na ka-eletan ya pangkay singalan adti kanan na walaꞌ ya tyamanan.

Kay manga inulug ku na kanak pigginawa͡an, diliꞌ mayu pagkalingawan na ya sammalalan (1,000) ka umay sangallaw oloꞌ adti kana Tyumanem. Aw ya sangallaw kasiling na sammalalan (1,000) ka umay.

Manang padelega mayu ya pagtulin dun ni kallat nan aw dun ni pagka-edeꞌ sa kanaten Matas na Pangulu aw Magpaluwa-ay na si Jisu-Kristu. Aw sakanan oloꞌ ya umbaꞌ basa͡an pangkay adun aw walaꞌ ya tyamanan! Amén.

Manang lumikuꞌ saba ya Matas na Pangulu tadun, aw ya allaw na paglikuꞌ nan kasiling na pagdateng na matakaw na diliꞌ imanmanen na dumateng sakanan. Aw dun ni allaw yan, awun mangkabaklaꞌ na dalagunut na dengegen, aw mabus mangkasangab ya kadég na awun ni dalem na langit aw ya asini kadakulaꞌ na banwa.

Na, asuntu na kya-ede-an da mayu na un kalaten ya kadakulaꞌ, yanagaw tibulluka ya kamayu anenganeng adti pag-imoꞌ sa makatutuk sa Tyumanem pada walaꞌ ya un pagsalaꞌ sa bet mayu. Aw talana mayu tyumagad sa paglikuꞌ nan, pagkaseb kamu dun ni imo-unun na Tyumanem pada maksay ya paglikuꞌ nan. Kay un pa dumateng ya allaw na un kalaten ya awun ni dalem na langit aw asini tas na lupaꞌ magi sa kapasuꞌ na atulun.