Gewilde Bybelverse vanaf رومیان 5

أمَّن الْإلَه بي شِکِل ثَبَّت ألنَا مَحَبّتَه إلْلي إحنَا بَعَدنا چِنَّا مُذنَبین، الْمَسیح مات ألنَا.

وَ هَذا الْأمَل ما یِخَجِلنا، لِأن مَحَبَّة الْإلَه بي واسِطَة روح الْقُدُس إلْلي مِنْعَطیَه ألنَا، مَصبوبه بي گُلوبنا.

مو بِس هَي، بِل بي الْصُعوبات هَم نِفتِخِر، لِأن نِعرُف إلْلي الْصُعوبات یِثِمرَن الْصَبُر وَ الْصَبُر، یِبْني الْثَقافه، وَ الْثَقافه تِثْمَر الْأمَل؛

چا چِن مِن طَریق الْإیمان إنْحَسَبنا صَالِحین، عَندنا السَّلام مَعَ الْإلَه بي واسِطَة رَبّنا عیسیٰ الْمَسیح. إحنَا بي واسِطتَه، وَ مِن طَریق الْإیمان، حَصَلنا نِعمَه إلْلي هَسّه ثابتین بیها، وَ بي أمَل الْشَراکه بي مَجد الْإلَه نِفتِخِر.

وَکت إلْلي إحنَا چِنَّا ضُعَفاء، الْمَسیح بي زَمان مُناسب مات لِخاطِر الْغِیر مُؤمِنین.

هَسّه إلْلي بي واسِطَة دَمَّه إنْحَسَبنا صَالِحین، چا إشْگد أکثَر بي واسِطتَه راح نِنْجَح مِن غَضَب الْإلَه.

لِأن مِثِل ما بي واسِطَة عُصیَان فِرِد إنسان، چِثیرین صارُوا مُذنِبین، بي واسِطَة إطاعَة فِرِد إنسان هَم چِثیرین راح إیصیرون صَالِحین.

مو بِس هَي، بِل إحنَا بي واسِطَة رَبّنا عیسیٰ الْمَسیح إلْلي بي سَبَبه حَصَلنا عَلَیٰ الْصُلح، بي الْإلَه هَم نِفتِخِر.