Gewilde Bybelverse vanaf MALAKHI 3

Deel

Noku Yhoem: Moo" moo zoo: noem byeung" jo, wa shid re" nanu" da" xi: boem mo daboem gu: dangain" yhoem: moo" khyoo: ci: ri" we'. Ngoo ri byid: jham" yu" we'. Mougkhung: mo khoem" moo" phang kaid lho: nanu" da" tho' moo ge da" khyoo: joem dangain" ri agoin ayu: foid shoin" byid: wa afoid shoin" byid: wa ziri akhid" ngoo ri jham" yu" ge'» ga: yoem: moo" bo da" ASEING gi tid nyid.

Nanu" da" shivoo: shiloem yoo ri tung sang" jhenkhyeug joem azo: shoin' pyam nhang: wa ziyo' nanu" da" zabyid khyam: mo zabyid shi" joem ri we' amyheing shi" ri ashu: gyo" pyam nhang: wa» ga: yoem: moo" bo da" ASEING gi tid nyid. Nanu" da" moug: gi yoo" zoo: yoo" shug lho: byu nyid ge da" moug: bue" lo wigi byumyu" acang: joeb bang: gi nanu" ri «Agyid asoo: bo da" ngi: lhoo' bang: ga: myheing lo boem wa» ga: myhang: thang ASEING Mangsoo gi tid nyid.

Nyangnu" gi «Nga" byumyu" yi bue" lo boem wa» ga: yoem: moo" bo ASEING tid nyid. Hau: moo" ri zei: lo da" bidnyid mo nyangnu" gi nga" byu yi bue" lo boem wa zi nghoid. Nya: phoo gi nyang: ri bo pang" su: nya: zoo: ri nheig khyeug shoomyen: ziyo' dakhyoo" ti" ngoo we' nyangnu" ri nheig khyeug shoo" myen: wa. Hau: lho: deing byeung" mo, yo' akhyeing" ashoeb mo, da" agyoo: moo nga" moo" zoo" ri bo pang" zei: su: yo' apang" zei: su: da" agyoo: moo adu go" khyoo: ri nga" byumyu" yigi shau" myang lo boem wa zi nghoid» ga: tid nyid.

Yoem: moo" bo da" ASEING gi hid: su" ga: phug tid to" «Nga" shid re" khyoo: nyheing byid: wa nga" lagyoo: ri ngoo nhang: kaid wa. Houg: lang" nanu" sho: nyid da" ASEING gi yhoem: moo" moo nyeigdain tung" ju" ri" wa. Nanu" myang nau da" lagyoo: gi nga" dang: thang" cab ri tid fu" byid: loo wa zi nghoid.