Gewilde Bybelverse vanaf Svun Lucas 8

Deel

Yan ti bu ic'ot ta lequil balamile, ja' seña ti much'utic ta sjunul yo'onic cha'iic li sc'op Rioxe xchi'uc ti ta yo'on tspasic li c'usitic chale, ti j'ech'el xch'unojic oe, xchi'uc ti naca lequic ti c'usitic ta spasique.

Li bec' trigo ti ic'ot ta ch'ixtique ja' seña ti much'utic ya'yojic xa li sc'op Rioxe, pero ta c'unc'un ta xicta sbaic, ja' chbat ta yo'onic li c'usitic tsc'an yo'onique, ja' li c'ulejale xchi'uc ti c'usitic toj lequic ta c'upinel li' ta sba balamile, ja xa mu spasic o li c'usitic leque.

Li bec' trigo ti ic'ot ta tontique, ja' seña ti much'utic cha'iic li sc'op Rioxe ora ta xch'unic, jun xa yo'onic yilel, pero mu xac' lec yisim ta yo'onic, ta xch'unic c'uuc sjalil, pero c'alal chtal li prevaetique ta xicta o sbaic.

Ti Jesuse, xi iyalbe li yajchanc'optaque: —¿Bu ibat li xch'unojel avo'onique? ―Xut. Li stuquique toj ch'ayel ic'ot yo'onic xchi'uc toj xi'el ic'otic, ja' yech iyalbe sbaic chac li'i: ―¿Much'u li vinic li'i ti tspas ta mantal li iq'ue xchi'uc li nabe ti ivaxi yu'une? ―Xut sbaic.

li bec' trigo ti ic'ot ta bee, ja' seña ti much'utic cha'iic li sc'op Rioxe, pero ta xtal ta ora ti pucuje, chtal ch'aybaticuc ta sjol ta yo'onic li sc'op Rioxe, ja' yo' ti mu xch'unic oe, xchi'uc yo' mu xcolic oe.

Ja' no'ox yech noxtoc mu c'usi nac'al ta xcom persa ono'ox ta xvinaj, xchi'uc mu c'usi ti ta mucul chich' pasel ti mu xvinaje, persa ono'ox ta xvinaj scotol.

Ti antse iyac' cuenta ti mu xa stac' snac'sbae, xt'elt'on xa ta xi'el, ba squejan sba ta yoc ti Jesuse. Ta bail ta satil iyal ta jamal ti c'u yu'un ti ispic ti Jesuse, xchi'uc ti c'u x'elan i'ech' xchamel ti c'alal ista ta piquele. Ti Jesuse ja yech iyalbe chac li'i: —Tseb, yu'un ach'un ti oy jyu'ele, yech'o ti la cole. Junuc avo'on xa bat ―x'utat yu'un ti Jesuse.

Yech'o un ba stijic ti Jesuse, ja' yech iyalbeic chac li'i: ―¡Jchanubtasvanej! ¡Jchanubtasvanej! Ta xa me xichamotic chimucotic xa me yalel―xutic. Ilic ti Jesuse, iyalbe ti ac'u vaxiuc li iq'ue xchi'uc li nabe, ipaj scotol mu xa c'u xbac' icom.