Gewilde Bybelverse vanaf Maka 6

Deel

Yesumi nimu para lalore, Nimi komea, bainya ipulupae, lisaya. Wenaali angele na-pi kapa para ma-embea pida bainya, lisaya. Wenaali waru wala epala puala, wala epala puala kama pisimiya. Go eimi enda nape-nae-lisimiya.

Go eina Yesumi nimu para lalore, Godena angele lao-aeme alinuri pa mendana andare waru andasiaore waru ando-aemepare nipuna ree anda para pange nipuna repaame pange wenaali raayome kou wale au kama puaeme, lisaya.

Yesumi mo kawaso andaai minyapalaoma suna opola pula ara wenaalinu waru andapu andisaya. Nimuri sipisipi menanu rupa andere-ape ali diale, sipisipi menanu mandana kone wisaya. Nipuna pumi ree lala ara nimu para yarame waru komisaya. Gore angelenu waru mo wenaalinu para walisaya.

Yesumi go para puri pale einu komea, pape-na-lisayapare pa yainya ae wenaalinu menda para nimuna dona nipuna ki suma nimuna yainya randalaisaya. Nimumi nipuna angele na-pangisimiya ei andala ara Akipuma pemepae, lisaya. Gupuma mo enge enge andasinu para pamuala ara angele wala eiri pamisaya.

Yesumi monde palawa kiri supu pange monde repali laapo siamba ara yaa nane andasiaoma ara Gode para Ranae, lisaya. Monde palawa kirinu mindi mindi puma nipuna kou nane raluaisimiya alinumi mo wenaalinu para ale ale pinyaya ale ale pisaya. Gupuma monde repali laapo pange mo wenaalinu raayosi para mindi mindi paisaya. Monde wenaali raayome palawa kiri pange repali nisimiyanda nimu raayosina romba aisaya. Gupuma mo wenaalimi nomare pa winyale palawa repali puru pilinu mumare nu ki laapo pereyoma angena laapopu rumbiaisimiya.