Gewilde Bybelverse vanaf མ་ཏི། 13

Deel

ས་ལེག་པུ་ཐུང་ཀ་ཁེ་ཁཱན་ ལི་གི་ཤོ་ འཐེན་ལེག་པུ་ཉཱན་ཐཱན་ ཧ་གོ་ཁཱན་ག་གེན་ཅ་གི༌ལ། རོ་ཀི་ཏེན་ཏེན་རང་སེ་སེ༌ལེ། ཚེ་བང་གི་ 100 སེ༌ལེ། ཉི་ཚེ་བང་གི་ 60 སེ༌ལེ། ཉི་ཚེ་བང་གི་ 30 སེ་ལེ་དག༌ཉི༎

ཟུ་ཙོང་ནང་ཀ་ཁེ་ཁཱན་ ལི་གི་ཤོ་ འཐེན་ལེག་པུ་ཉཱན་ཐཱན་ འཐེན་ལེག་པུ་ག་ དད་པ་ཨ་ཁཱན་ག་ གེན་ཅ་གི༌ལ། དག་པ་ཀབ་ཉི་ འཛམ་གླིང་ག་ བག་ཆགས་དང་ རྒྱུ་ཅ་ལ་ག་རེ་ཆ་གི་ གསུང་ལོམ་ཉི་ ཉི་སེ་མ་སེ་ཝ་རི༌ལེ།

ལམ་ཐུང་ཀ་ཁེ་ཁཱན་ལི་གི་ཤོ་ རྒྱལ་སྲིད་ག་ཀོར་གེ་ འཐེན་ལེག་པུ་ ན་ཐ་ལ་ཀབ་ཉི་ ཧ་མ་གོ་ཁཱན་ སོ་ངོ་ག་གེན་ཅ་གི༌ལ། བདུད་ཨུན་ཐཱན་ རོ་ཀ་སེམས་ཀེ་ གསུང་ཤོ་ཉི་བུན༌ཅ།

ས་ད་ཟེ་རེ་ཆོ་ཁཱན་ ལུང་ཆི་ལུ་ཐུང་ཀ་ཁེ་ཁཱན་ ལི་གི་ཤོ་ གསུང་ན་ཐ་ལ་ཀབ་ཉི་ གནམ་མེད་ས་མེད་ ཤོ་ནང་ཕེ་ཉི་ཞུ་ཁཱན་ག་གེན༌ཅ། དག་པ་ཀབ་ཉི་ རོ་ཀ་ཙ་ས་ཏིང་པུ་ནང་ཀ་ མ་དི་ཝ་ཨ་དེན་གེ་ ད་སུར་ཤ་ཐེས༌པེ། དག་པ་ཀབ་ཉི་ གསུང་ག་ཡོར་ཀེ་ ཀ་ལུ་ཏཱད་ཉི་ ཏབ་མ་ཉམ་པ་ཤོ་ལ་ཀབ་ཉི་ དོ་ཟོ་རང་རོ་ཁེ་དི༌ལེ།

ཞིང་ཁམས་ག་རྒྱལ་སྲིད་ཤོ་ ཨུང་ནང་ཀ་གུམ་ཉི་ཐ་ཁཱན་ རྒྱུ་ལེག་པུ་ཐུར་ སོ་ངོ་ཐུར་གི་ ཐོང་མ་ད་བུ་གི༌ལ། ཉི་རོ་ཀི་ ཨོ་ཉ་རྒྱུ་ལེག་པུ་ཁེ་པ་ ལོག་ཉི་རང་གུམ་ཐཱན་ རོག་གནམ་མེད་ས་མེད་ ཤོ་ནང་ཕེ་ཝ་ཨ་དེན་གེ་ རོ་ཀ་ཆོ་ཁཱན་ ཐམས་ཅན་རང་ ཙོང་ཐཱན་ ཨོ་ཉ་ཨུང་ངོན༌ཅ།

ལི་ཚེ་བང་ ས་ལེག་པུ་ཐུང་ཀ་ ཁེ་ཝ་ཨ་དེན་གེ་ སེ་སེ་ཝ༌ལ། ཚེ་བང་གི་ 100 སེ་ཝ་ལ་ ཚེ་བང་གི་ 60 སེ་ཝ་ལ་ ཉི་ཚེ་བང་གི་ 30 སེ་ཝ༌ལ།

བོང་དུང་མེ་མ་རེན་པ་སག་པུ་ བོ་ཆར་བ་བུ་ བོང་ཀབ་ཉི་རང་ལིག་པེ་བི། ཉི་བོང་དུང་མེ་གང་ཀ་ ཇི་གི་བོང་དུང་ཁཱན་བ་ཀ་ གོ་མ་རང་ བོ་ཆར་ག་བ་ཅཱད་ཐཱན་ མི་ག་གོག་པེ་དེན་གེ་ ཏོམ་པང་ཏོམ་པང་ཨ་ཉི་ཅོད་ཅོ། དག་པ་ཀབ་ཉི་ བོང་ཤོ་ ཇ་ག་རུང་ནང་ཀ་གོའི་དག་ཉི་ ཡེག༌པེ༎