Gewilde Bybelverse vanaf PAIKHIATNA 7

Deel

TOPA in Moses kiangah, “Thei in, Faro’ tungah Pasian bangin nang kong bawl hi. Na sanggampa Aaron pen na kamsangpa hi ding hi.

Ahih hangin keimah in Faro’ lungsim ka khauhsak ding a, Egypt gamah ka limte le ka na lamdangte tampi ka bawl khit hangin Faro in nang’ thu hong ngai lo ding hi. Tua ciangin keimah in Egypt tungah gimna ka tungsak ding a, thukhen nasepna lianpite tawh Egypt gam panin Israel mi ahi ka mihonte ka paikhiatpih ding hi.

Keimah in Egypt tungah gimna tungsakin amaute’ lak panin Israel mite ka paikhiatpih ciangin Egypt mite in TOPA ka hihna hong thei ding uh hi,” a ci hi.

Tua ciangin Faro in a mipilte le a aisan siamte a sam hi. Egypt mitphial siamte in zong amau’ siamna tawh tua bang teek mahin a bawl thei uh hi. Bang hang hiam cih leh a milip in a ciangkhut uh khia suk ciat uh a, tuate gulpi vive a suak hi. Ahih hangin Aaron’ ciangkhut in amau’ ciangkhutte a valhtum hi.

Tua ahih manin TOPA in, “Keima sep ding thute a muh ciangin kei kua ka hi hiam cih hong thei ding hi,” ci hi. En in, hih ka ciangkhut tawh gun tui ka sat ding a, tuite, sisan hong suak ding hi.

“Faro in note kiangah, ‘Note a thutak na hihna uh nalamdang khat tawh hong lak un,’ hong cih ciangin nangmah in Aaron kiangah, ‘Gulpi khat a suah theih nadingin na ciangkhut la inla, Faro’ mai-ah khia suk in,’ ci in,” a ci hi. Tua ahih ciangin Faro’ kiangah Moses le Aaron pai-in TOPA’ thupiak bangin gamta uh hi. Aaron in Faro le a uliante’ mai-ah a ciangkhut lawn suk a, gulpi khat a suak hi.