Gewilde Bybelverse vanaf 2 MATESALONIKA 2

Deel

V̄usuke ata mutru amudanganyani ha namuna itsokao yotsi, mana ilazimu iKufuru ije raɓuzi, na uMovu av̄enuhe, uwo ahetsiwa amba aangamidziwe.

Hatruju wasi, risulazimu rimuhimidiye Mungu ha daima ha siɓaɓu ya wanyu wananya wa shi uaminifu wav̄endzewa wa Raɓi, mana Mungu amutsahuani rangu mwandro mupare ukombofu ha iRoho itwaharishao na ha uaminifu wa ukweli.

Uwo ɗe uMukanyusha adzihedzao uju na kula ihiriwao mungu, kula iãɓuduwao, tsena andrao ata aketsi moni mwa iNyumba Ndzitwaharifu ya Mungu, amwesa adzielehe amba ɗe Mungu.

Ɓasi Raɓi watru Insa-Kristi waye-waye na Mungu amma Ɓaɓatru alio amba ariv̄endze, tsena aridjaãlia ha ineema yahe mutrilio-ɓari wa daima na tama ndjema, nawatriye ɓari ziroho zanyu, na umuhodarishani hari mwa kula shitrendro ndjema na urongozi mwema.

Iyo ɗe imana amba Mungu asuwav̄eleshea udjandja wendza nguvu, pare waamini itrambo

uMuv̄enulio wa uMovu uwo utsorendreha ha zitrendro za Shetwani, v̄umoja na kula namuna ya midjuza, ãlama za ãdjaɓu, na ãdjaɓu ndzinafiki, v̄umoja na kula namuna ya udangamanyifu movu wa wao wandroangamiao. Watsoangamia mana kawakuɓali iuv̄endza ya ukweli pare wahuyiwe.

Mana iãdjaɓu ya uovu madza isurendreha; ilazimu tu amba uwo aiziao av̄asa, asuke.