Gewilde Bybelverse vanaf Lomu 5

Deel

Anene ilixo noxinge, ia noxou Mosinge iou vilemo manina. Anu musexela­nenge misevile. Xo no voxo loxo oponenge mututulu no anu sususio, la anu mupalusou Kalaisiti musoli so mupamaulinenge.

Xo lopala noxinge anu umomomo so ulapau vitanisi uasi, nene'axu uxali ane. Xo Mosinge mulosinge Ulenu Laixe mukalu. Mo no anu vote'i anenesi munixi'u sexela noxou no opo­nenge.

Ia ta'osasou voxo anenesi uasi, ta'osasou tu'utu'umaxu ane tatavulenu 'o. Ta'osasou xo ma'ia? Ta'osasou xo tu'utu'umaxu anene so u'oxonu pakia'inge. U'oxonu pakia'inge mo so loxo tu'umaxu ma'ia uxali la nenge utotomu tapilixinengesi. Tapilixinenge noxou Mosingesi laso nenge talopala taxomaiou voxosou ne.

Ioxe, nenge telopala mukalui la Mosinge mumoxo'inge lexe nenge tamalemalenga. Xo Tatananenge Iesua Kalaisiti molu mupitanenge so nenge'a Mosinge oponenge vilesisi. Xe anu mu'oxonu vote'isinge so loxo telopala, laso nenge te'unalai mo a taxoxolu no anu iaiama noxou Mosinge 'o. Taxoxolu mo taxomaiou voxo ane Mosinge uno'inge so nenge'a taxolu no tualasou lailaixe. Nenge talavusou lexe voxo ne a une'e laso osa'ilasou misevile.

Xo aloxo 'o. Tei la nenge pakia'inge uasi so talu'enu Mosinge tanu. Nenge texolu va'axu avile mo ta'oxonu ilixo vile laixe no iou uasi. Ia no voxo loxo Mosinge molu musosovosou, la Kalaisiti musoli­singe.

Kalaisiti musoli xe sialuxu munixisinge laso Mosinge mumoxo'inge lexe nenge tamitema talapusi. Xe ili'i no anu voxo noxou Mosinge e so mamulo la nenge tamamulo uasi, tamaulisi xo taxolu noxou Iesua.

Itema vile ne mulomuanu vaikalaou Mosinge laso nenge latala texali tamitema so susu. Xe itema vile ne mulomuxu vaikalaou Mosinge laso nenge tamitema tapiena texali tamalemalenga no iou Mosinge.

Mo mi vilela aloxo 'o. Tatananenge Iesua Kalaisiti mupitanenge so nenge'a Mosinge oponenge vilesisi. Mupitanenge axone laso ta'itinu Mosinge uala­sousi.