Gewilde Bybelverse vanaf Mupala'a 9

Deel

Ioxe, tu'utu'umaxu ne muma­mulone'i laili toxoxu e toxoxu. Ia ane'i loxo mixoxolusio ixiunu opone'i uasi no anu mimi masua loxo me'a mixalixu no avo'avo'a. Xo ane'i mi'itine'i ta'angelo tamasua. Mo mixalixu momosi'a kalavoi no anu koli xe siliva xe valasi. Mo mipuinu lavo'o ilou ovu so lexe momosi'a ia mi axone umauli so umalei o ulomu o umuamua'i uasi to! Ane'i tamitema anene mive'ave'a tami­tema misoisoli xe mi'oxonu ta'uluxu xe ili'ilixo nuni'u xe mipakapakali. Mi'oxo axone ia ixiunu opone'i mo i'isalilinoxu so susu noxi'a ne uasi.

Xe tamimi loxo tamusia'e me'a no anu umuxu mixali la misu'asou lialia mukalusi. Ane'i mino'u xavi loxo tatanga xavine'i so ilosi'a tamitema navu­navu. Ia mi'apixa'a lexe mamu so imamulonu laxalasi o mimi uleme­leme o ovuovu. Mi'oxo lexe tami­temasi ane sosovo noxou Mosinge uxolu no alaie'i uasi, la ilosi'a navunavu.

Ioxe, angelo ta'uvesi'a mutaunu piuka noxou. La emaisou taoto ane mulapau no tualasou Mosinge mulu'e no lialia. La ane'i milosou lakisou taxa tatila ane mulu'elai avile mo taxalisou tava'u uasi.

Ilosi'a tamitema ne navunavu mo uxolu umomomo no anu so'io ta'uve. Navunavu ne u'oki a iou vilesisi loxo tanga ukapi­nenge. Milosi'a tami loxo tamusia'e xavi so ilosi'a tamitema navunavu axone ia mi'apixa'a lexe umomomo no anu soli mamu.

La ane'i kingii'a so u'uli laxune'i ne anu angelo e tatananu taxa e mulu'elai avile. No anu vaikala Ipilu la imoxo'u lexe Avatoni. Xe loxo nenge la talemolu lexe Mosou Mamulo.