Gewilde Bybelverse vanaf Mupala'a 3

Deel

Ngalomu. Eni atulu no aitenga mo apolopolo. Loxo itema ulo­muxu vaikalaxeli mo ukisinu aitenga laso ane. Eni a'una so nexi noxou taxolu mo ta'ani.

Eni elavusou ili'ilixo noxinge. Ngingi ngaxili­liou vaikalaxeli avile uasi ia opongengi u'osasou uasi kalumo. Eni amasaxau ngaxolu nonixi axone uasi. Ngingi loxo la'ilali ane xale'a avile o uxutu avile uasi, uieiieisousi. Axamulingengi axone laso eni alevengengi ngaxexe no anaxosi.

Loxo eni asexe­laxa'a ta'ei la alosi'a tu'umaxu so alovonixi'a. Laso xavingengi so ngaxiunu opongengi so susu noxinge mo nga'isalilinoxu.

Eni alavu no anu ili'ilixo ngalavusou nga'oxonu. Ngamaisou, eni ekisinu aitenga no laxungengi mukalu mo evile umomomo so utatusou uasi ane. Eni alavu lexe xavi sevile a uxoxolu noxingesio laso maixene ngemulinu vaikala­xeli mo ngaxiunu tumalingeou ualasilo uasi.

Noxi'a tamitema ane iua'uli la alaixi'a so noxi'a tatalupexa no sia kingi noxilo. Iou vilesisi aloxo eni eua'uli mo a noxou Mamilo tatalupexa no anu sia kingi noxou.

Xo ngingi nga'oxo lexe ngingi ngaxolu no latanu lamoli xe lavuluti mo ngakamulinu mi vilela uasi. Ia uasi, ngingi ngalavu uasi ia loxo manina la xoluxolungenge masuasi. Ngingi loxo ta'oloxola so ngasolingenge xe ienge selevenu xe pangapanga'ingesi.

Ia loxo ngingi la vaikalaxeli muxolu no alaiengi laso tu'utu'u­maxu muxalisinge ia pakia'ingesi. Laso eni a'oxonu latolosinge no anu voxo so tovotovo ane so uxali. Eni apilixinu tu'umaxu no lialia muka­lusi so atovone'i tatemanu, ia ngingi la uxalisinge uasi.

Xo maxuveni uasi la eni ane'e noxinge. Laso mi ane ngexalisou no anu vaikalaxeli la ngatulu pakia'inge no anu. Xo uasi, la masi evile ulapungengi mo ngaxalisou palaisi na'a ngingila uae.

Laso ngaai uasi, ngatulu mo so utu'utuxu no anu xoluxolu noxinge laixe tei la nga'oxonu pakia'usoula. Xo elavu lexe ilixomengi laixe aneva ngesoko'u la no iou Mosinge ngasivitanoxu uae.